1 Joyn 5:13 - The New Testament in the Babanki language

¹³ Mà nyòʼò kənyʉ̀ kènkə a ghə̀ vyi a ghə̀ŋ ə byɨmə a zhiʼ wàyn Nyìngòŋ ndi ghə̀ŋ kɨ la ghə̀ŋ kiʼi əbwòŋ yi a ghə̀ ko lu mè.

1 Joyn 5:13 ပူးပေါင်းရင်းမြစ်များ

Joyn 1:12

Alì, viʼi vətsenvə shisə wen ə byɨmə a wen, ghə̀ kù kədyòʼ la vəwenə ndiʼ vunə Nyìngòŋ.

Joyn 2:23

A ndiʼ to ando Yesò ə ndiʼ a Jelusalèm a mətsi mə kəzhɨ kə məzaʼsə, viʼi no və ghoʼo byɨmə la ghə̀ diʼ wìʼ yi a və ntsuʼ li byìʼì nyʉ̀ ə kaynəvə vyi a vəwenə yenə to ando ghə̀ nè.

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Joyn 21:24

Ndzɨ̀mtə̀ əbam ə Yesò na ghèn diʼ yi a ghə̀ shə̀ʼtə̀ nyʉ̀ na venə, a diʼ to wen yi a ghə̀ nyoʼ nyʉ̀ a vyi. Yès ə kɨ la kənyʉ̀ a ghə̀ gàʼà diʼ to nəmwèʼè.

Joyn 3:18

“No ndò yì a ghə̀ byɨmə a wàyn Nyìngòŋ, mu və ko lu byɨbsə wen. Alì no ndò yi a ghə̀ faŋ ke byɨmə a wen mu ghə̀ sə diʼ to a məbyɨbsə byìʼì ando ghə̀ ko byɨmə a zhiʼ wàyn Nyìngòŋ yì a ghə̀ diʼ to mùʼ.

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Shwèʼ 3:16

A dìʼ kədyòʼ kì a kə diʼì a zhiʼ Yesò a kə ne la wù kənkwàʼkə̀ ghèn a ghə̀ŋ ə yenə be kɨ lə̀ to. A dìʼi byɨmə à Yesò a ghə̀ ku wen ə̀ toghə wen ghenə no tsèm a shɨ ghə̀ŋ vətsèm.

Shwèʼ 4:12

A diʼ tò wen nyɨŋ a ghə̀ zi ghə̀ bwòŋsə viʼi fà vəwenə a mbyɨsə byìʼe Nyìngòŋ ko mbè kù wùtsen a mbi no fa a mpfen a vəghəŋ zì vəghəŋ dzàŋə zhiʼ wen ə ghə̀ bwoŋsə vəghəŋ.”

2 Kolìntyàns 5:1

Vəghəŋ kɨ la və sətsen ə byɨbsə fəngə̀ŋ fə kətsoʼ kə wèn fenfə a kəzhwì kə vəghəŋ kə tsì tsu a nse ashə lə̀, Nyìngòŋ a ku ngə̀ŋ kəzhwì a vəghəŋ akàŋ ko ndiʼ la və bwom nə̀ avu, ghə̀ diʼ ə tsì ə faŋ.

Gàlesìyà 4:6

Ando ghə̀ŋ sə diʼ vunə a Nyìngòŋ, ghə̀ wè li Kəzhwì kə Wàyn wen a vəghəŋ a tətyɨm, kə sə ne vəghəŋ dzàŋə Nyìngòŋ gàʼa la, “Bàba, Bàba ghom.”

1 Bità 5:12

A gyàmtə̀ Silàs ngyàmtə̀ mò ma nyoʼtə fə ŋwàʼlə̀ na fenfə a ghə̀ŋ. Ghə̀ diʼ to no lèmə̀ ə jùŋ a əbyɨmə. Mà nyoʼtə mənyʉ̀tə a mèyn ndiʼ ghə̀ŋ lɨ̀mtə̀, ə be ə diʼi a ghə̀ŋ la Nyìngòŋ ə nshɨtə tùʼmə̀ nə̀ ghə̀ŋ. Ghə̀ŋ tɨmə ə nto a tuʼmə a ghèn.

1 Joyn 1:4

Yès ə nyòʼò nyʉ̀ a venə à ghə̀ŋ alə̀ ndi və ne saŋlə yesə kwʉʼ ə mè.

1 Joyn 2:1

Mà nyòʼò nyʉ̀ venə à ghə̀ŋ a vunə vwomə ndi kə ghə̀ŋ a nè ənyʉ̀ byɨvə, alì à nè tè ndò nè mbyɨ, ghə̀ŋ ə nkɨ la vəghəŋ kìʼ wù kənyʉ̀ kətɨməkə à diʼ Yesò Klistò. Ghə̀ sensə Tìʼ à vəghəŋ ə kəshi.

1 Joyn 2:21

Mà ko nyòʼò nyʉ̀ venə à ghə̀ŋ byìʼàndo ghə̀ŋ ə ko kɨ̀ kənyʉ̀ kə nəmwèʼè, alì mà nyòʼò byìʼàndo ghə̀ŋ ə kɨ li ə be nkɨ la ndzɨ̀ŋ ə ko diʼ a tyì nəmwèʼè.

1 Joyn 2:25

Əbwòŋ a ghə̀ ko lu mè dìʼ kəfo a ghə̀ nghʉ li la ghə̀ lu ku à vəghəŋ.

1 Joyn 2:26

Mà nyòʼò kènkə à ghə̀ŋ bìʼì viʼi vyi a və lu lobtə ghə̀ŋ.

1 Joyn 3:23

Əsoʼ ə Nyìngòŋ aghenə diʼ la vəghəŋ byɨmə a zhiʼ ə̀ wàyn wen ə Yesò Klistò, ə̀ bè nkòŋmə̀ təwen tə vəghəŋ tò ando ghə̀ gàʼà.

1 Joyn 4:9

Nyìngòŋ ə ndiʼì li əkòŋ ə wen à vəghəŋ a ji la ghə̀ ə ntɨm li wàyn a ghə̀ ə̀ nkìʼ, tò mùʼ a tì mbi ndi vəghəŋ lù kiʼi əbwòŋ ə chò fà wen.

1 Joyn 5:10

No ndò a ghə̀ byɨmə à wàyn Nyìngòŋ ə kɨ kənyʉ̀ akènkə tò a wen a tyɨm. Wìʼ a ghə̀ ko byɨmə Nyìngòŋ, ə ne li wen a wù ndzɨ̀ŋ byìʼàndo ghə̀ ko byɨmə kənyʉ̀ a Nyìngòŋ ə gàʼà byìʼì wàyn wen.

1 Joyn 5:11

Kənyʉ̀ akènkə a Nyìngòŋ ə gàʼà dìʼ la, ghə̀ ku li əbwòŋ à vəghəŋ a ghə̀ ko lu mè, əbwòŋ aghenə diʼ chò fa à wàyn wen.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.