1 Joyn 5:10 - The New Testament in the Babanki language

¹⁰ No ndò a ghə̀ byɨmə à wàyn Nyìngòŋ ə kɨ kənyʉ̀ akènkə tò a wen a tyɨm. Wìʼ a ghə̀ ko byɨmə Nyìngòŋ, ə ne li wen a wù ndzɨ̀ŋ byìʼàndo ghə̀ ko byɨmə kənyʉ̀ a Nyìngòŋ ə gàʼà byìʼì wàyn wen.

1 Joyn 5:10 ပူးပေါင်းရင်းမြစ်များ

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Joyn 3:18

“No ndò yì a ghə̀ byɨmə a wàyn Nyìngòŋ, mu və ko lu byɨbsə wen. Alì no ndò yi a ghə̀ faŋ ke byɨmə a wen mu ghə̀ sə diʼ to a məbyɨbsə byìʼì ando ghə̀ ko byɨmə a zhiʼ wàyn Nyìngòŋ yì a ghə̀ diʼ to mùʼ.

Joyn 3:33

No ndò a ghə̀ sətsen byɨmə kənyʉ̀ kì a ghə̀ gaʼa, mù ghə̀ ne diʼi la Nyìngòŋ ə diʼ wù nə̀ nəmwèʼè.

Joyn 5:38

Ghə̀ŋ ko ghʉ̀ no tèbe kənyʉ̀ kə wen a ghə̀ŋ a tətyɨm byìʼàndo ghə̀ŋ ə ko byɨmə wìʼ a ghə̀ tə tɨmə.

Shwèʼ 8:37

Filib bwènsə̀ à wen la, “Və zì və ku mu à wù a zhʉ a wù byɨmə nə̀ tyɨmə wu no tsèm.” Wù shyèʼ ayì byɨmə ə̀ gàʼ la, “Mà byɨmə la Yesò Klistò dìʼ wè Nyìngòŋ.”

Lumans 8:16

A diʼ Kəzhwì kə Nyìngòŋ na kènkə a kə gaʼa a zhwi vəghəŋ, diʼi a vəghəŋ la vəghəŋ diʼ vunə Nyìngòŋ.

Gàlesìyà 4:1

Kənyʉ̀ a ma gaʼa diʼ la, və sətsen ghʉ wàyndyə a njɨkəbəŋ, ghə̀ bo tyetə, ko ghə̀ lu zhɨ̀ kəfo a kəbəŋ ayì to nə̀ njɨkəbəŋ, ghə̀ a diʼ to sə ghə̀ lye əfo lye, no tèbe ando əfo na vyi kiʼi to no wen.

Gàlesìyà 4:6

Ando ghə̀ŋ sə diʼ vunə a Nyìngòŋ, ghə̀ wè li Kəzhwì kə Wàyn wen a vəghəŋ a tətyɨm, kə sə ne vəghəŋ dzàŋə Nyìngòŋ gàʼa la, “Bàba, Bàba ghom.”

Kòlòsyàns 3:3

byìʼì ando ghə̀ŋ sə diʼ mù ghə̀ŋ pfʉ li, və lyomtə ə ntsìnə̀ ghə̀ŋ vye və Yesò yi a ghə̀ diʼi wenə Nyìngòŋ amuʼ.

Hibùlù 3:12

Vəlemə vwomə a byɨmə, ghə̀ŋ tuʼmə ə yen la kə wìʼ fa ghə̀ŋ a ntìntìn a ki ətyɨm ə byɨghə ə faŋ ke byɨmə ə nyɨŋ moʼtə̀ Nyìngòŋ yi a ghə̀ tsi diʼ.

2 Bità 1:19

A lə kənyʉ̀ ki a kə nè vəghəŋ sə shətə kɨ to no kɨ la ntɨm yì a nshə̀ʼtə̀ sə ghoʼkəsə ə shə̀ʼtə̀ kumə wen ə ndiʼ to no nəmwèʼè. Ntɨm ayi ə diʼ to nə̀ kənkàʼtə̀ kə. Ghə̀ baynə a kəbəŋ kə fenəkə. Ghə̀ŋ ə zhʉ ntɨm ayi ndi kətsi kə ə lù kwʉʼ a Yesò yi a ghə̀ baynə to nə̀ chʉzhʉ ə saʼaghə ku əbayn ə wen a ghə̀ŋ tətyɨm.

1 Joyn 1:10

Vəghəŋ sətsèn ə ngàʼà la vəghəŋ ə ko nè mbyɨ mu vəghəŋ ə lyɨ̀ Nyìngòŋ a nə̀ wù ndzɨ̀ŋ, be diʼ, kò gaʼa wen ə lu nkiʼ kəshi à vəghəŋ a tətyɨm.

1 Joyn 5:1

No ndò a ghə̀ byɨmə la Yesò dìʼ Klistò mu wìʼ ayì dìʼ wàyn Nyìngòŋ. No ndò a ghə̀ kòŋə̀ tìʼ ə bè kòŋə wàyn a tìʼ ayì ə kiʼi.

Kəmwetə 12:17

Nyàm ə fànsə ayì fwisə tin à wùwì yì ə̀ lù ə̀ dyʉ̀ əzìtə̀ əghoŋ à viʼi ngwàʼa ngə̀ŋ wùwì ayì, andiʼ viʼi vətsèm vi a və ghʉ təsoʼ tə Nyìngòŋ be shə̀ʼtə̀ ənyʉ̀ a Yesò ə̀ ndiʼi a ndayn.

Kəmwetə 2:17

No ndò a ghə̀ kiʼi ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ soyn ə̀ zhɨ mbyɨ, mà à kù ə̀fo zhɨvə lyomtəvə tsenəvə à wen a və dzàŋə̀ nə̀ manà. Mà be nè ku ngùʼ fəfə à no ndò mu və nyòʼò li əzhiʼ fighə tsu a no wìʼ ko kɨ əchò to wìʼ a ghə̀ shi ngùʼ ayì.

Kəmwetə 2:28

Mà be ne ku fədzɨ̀ŋ fə tsi boʼo ngə̀ŋ à wen.