1 Joyn 4:9 - The New Testament in the Babanki language

⁹ Nyìngòŋ ə ndiʼì li əkòŋ ə wen à vəghəŋ a ji la ghə̀ ə ntɨm li wàyn a ghə̀ ə̀ nkìʼ, tò mùʼ a tì mbi ndi vəghəŋ lù kiʼi əbwòŋ ə chò fà wen.

1 Joyn 4:9 ပူးပေါင်းရင်းမြစ်များ

Ŋwàʼlə̀ Mak 12:6

Wìʼ muʼ a ghə̀ mfaŋə̀ à tì sɨ̀m aghèn ə ghə̀ tɨm ndìʼ tò wàyn kòŋ wen. Ghə̀ sə mwètə̀ tɨm wàyn wen ayì sə̀ kwòʼtə̀ tò fà wen a ngə̀ŋ la, ‘Vəwenə a fwàyn wàyn ghom.’

Ŋwàʼlə̀ Luk 4:18

Kəzhwì kə Bobo kə diʼ à mò a kətʉ, byiʼ ando ghə̀ tsuʼ li mò la ma shə̀ʼtə ntɨm jùŋ a viʼi a və femə a kəzhwì. Ghə̀ tɨm li mò la mà laʼà à viʼi vyi a və ghaʼtə li la kətsi kə kwʉʼli ə və ghʉsə vəwenə, be ntɨm mo la mà laʼà à nshɨfə la kətsi kə kwʉʼli ə vəwenə yenə shi, ə be shisə viʼi vyi a və nyàblə̀ nə̀ vəwenə li fa ngəʼ,

Joyn 10:10

Tsòŋ nə̀ vì ndiʼ ə tsoŋ, vi to ndiʼ ə zhwi be byɨbsə. Alì, mà nvi a mbyi ə nè la viʼi ə ntsi, ko və lu gho kəfo.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Joyn 3:18

“No ndò yì a ghə̀ byɨmə a wàyn Nyìngòŋ, mu və ko lu byɨbsə wen. Alì no ndò yi a ghə̀ faŋ ke byɨmə a wen mu ghə̀ sə diʼ to a məbyɨbsə byìʼì ando ghə̀ ko byɨmə a zhiʼ wàyn Nyìngòŋ yì a ghə̀ diʼ to mùʼ.

Joyn 5:23

ndi no viʼi vətsèm ə̀ gumlə Wàyn to ndə̀ŋndəŋ ando və gumlə Tìʼ. No ndo yì a ghə̀ faŋ ke gumlə wàyn, mu ghə̀ ko gumlə Tìʼ wen a ghə̀ tɨm ə wen.

Joyn 6:29

Yesò ə bwensə la, “əshyèʼ ə Nyìngòŋ ə diʼ la ghə̀ŋ byɨmə a wen yì a ghə̀ tɨmə a mbyi.”

Joyn 6:51

A diʼ to no mò diʼ fozhɨvə na venə a və shiʼi ə vi fa kàŋ. A zhɨ no ndo zhɨ fozhɨvə na venə, mu ghə̀ ko lu be pfʉ. Ə fozhɨvə na venə diʼ wen ə ghomə yi a ma ne kù ndiʼ viʼi mbyi ə kiʼi ntsìnə̀ yi a ghə̀ faŋ to ghayn ə mùʼ.”

Joyn 6:57

A zhɨ no ndo zhɨ əwenə ghomə, ghə̀ nə̀ tsi byìʼì mò, to ndə̀ŋndəŋ ando ma tsi byìʼì Tìʼ a ghə̀ tɨmə mo.

Joyn 8:29

Wìʼ yì a ghə̀ tɨmə mo diʼ yo wen. Ghə̀ ko ə ghʉ̀sə mò to mò nyɨŋ byìʼàndo mà ne to kənyʉ̀ kì a ghə̀ kòŋ”.

Joyn 8:42

Yesò ə gàʼ a vəwenə la, “Nyìngòŋ ə tu ndiʼ to no Tìʼ ghə̀ŋ, mu ghə̀ŋ kòŋ mò byìʼàndo mà lu fa ben nə̀ Nyìngòŋ. Ma ko tə vì fa mo ngeŋ. A ntɨmə Nyìngòŋ ətɨmə mò.

Joyn 9:3

Yesò ə bwensə gàʼ la, “A ko diʼ byìʼì mbyɨ wen, a ko andiʼ byìʼì ghə̀ tìʼ ə wen wenə lì wen. Kənyʉ̀ na kènkə ə fʉ ndiʼ viʼi yen mwetə kəvu kə shyèʼ kə kaynə kə Nyìngòŋ a wen a wèn.

Lumans 8:32

Nyìngòŋ ə ko tyen ə ku Wàyn wen la və bayntə a kəntò byìʼì vəghəŋ və tsèm. Kə le diʼi la ghə̀ na ku no əfo ə tsèm a vəghəŋ ə kwʉ̀ʼsə a kətʉ ə Wàyn wen.

Hibùlù 1:5

Kə diʼ to no alə̀ a ji la ntsɨŋ Nyìngòŋ ko diʼ a Nyìngòŋ ntɨmə gàʼ a wen la, “Wù diʼ Wàyn ghom; ə zìtə̀ fa layn, mà na diʼ Tìʼ à wù.” Nyìngòŋ ə ko tɨmə gàʼ kumə ntsɨŋ wen ə gàʼ la, “Mà lu ndiʼ tìʼ wen, ghə̀ ndiʼ Wàyn a mò.”

1 Joyn 3:16

Vəghəŋ ə kɨ əkòŋ ə chò fa kènkə la: Yesò Klistò ə nku li sàŋ kətʉ wen ə̀ pfʉ̀ byìʼì vəghəŋ. Vəghəŋ bè diʼ ə ku sàŋ kətʉ vəghəŋ ə pfʉ byìʼì vəlèmə̀ və vəghəŋ.

1 Joyn 4:10

Nkàyntə̀ əkòŋ dìʼ ghenə: kə ko diʼ tè la vəghəŋ ə̀ nkòŋə̀ Nyìngòŋ, alì ghə̀ kòŋ vəghəŋ ə̀ tɨ̀m wàyn wen ndi ə chò fà wen, ghə̀ lyesə ku mbyɨsə vəghəŋ.

1 Joyn 4:16

Alì, vəghəŋ ə kɨ be byɨmə əkòŋ yi a Nyìngòŋ kìʼ à vəghəŋ. Nyìngòŋ dìʼ əkòŋ, no ndò a ghə̀ ə kòŋə̀ viʼi vətsenəvə və dìʼ wenə və Nyìngòŋ a kənyʉ̀ kə mùʼ.

1 Joyn 5:11

Kənyʉ̀ akènkə a Nyìngòŋ ə gàʼà dìʼ la, ghə̀ ku li əbwòŋ à vəghəŋ a ghə̀ ko lu mè, əbwòŋ aghenə diʼ chò fa à wàyn wen.

1 Joyn 5:13

Mà nyòʼò kənyʉ̀ kènkə a ghə̀ vyi a ghə̀ŋ ə byɨmə a zhiʼ wàyn Nyìngòŋ ndi ghə̀ŋ kɨ la ghə̀ŋ kiʼi əbwòŋ yi a ghə̀ ko lu mè.