1 Joyn 4:7 - The New Testament in the Babanki language

⁷ Vəlèmə̀ və kòŋ ə̀ mò, vəghəŋ ə nkòŋmə̀ təwenə tə vəghəŋ byìʼe ə̀kòŋ ə lù fà Nyìngòŋ. No ndò a ghə̀ kòŋə̀ dìʼ mu à bwì Nyìngòŋ ə mbwi wen ghə̀ be kɨ Nyìngòŋ.

1 Joyn 4:7 ပူးပေါင်းရင်းမြစ်များ

Joyn 13:34

Ma ku əsoʼ ə fìghə a ghə̀ŋ luwen. Ghə̀ŋ nə̀ kòŋ təwen ə təŋtə. Ma kòŋ li ghə̀ŋ. Ghə̀ŋ ne kòŋ təwen ə təŋtə to ali.

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

1 Kolìntyàns 8:3

Alì mu wìʼ sətsen ə̀ kòŋ Nyìngòŋ, Nyìngòŋ a nkɨ wen.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Gàlesìyà 4:9

Alì ghə̀ŋ sə ə kɨ Nyìngòŋ luwen. Ma zì ma gaʼa la a diʼ Nyìngòŋ a ghə̀ kɨ ghə̀ŋ. Ghə̀ŋ zizi ghə̀ŋ be bwensə ə shyèʼ a nə̀ ə kəkòs a zhwì ə bwaʼvə kədyàŋ kədyàŋ venə a və soʼ mbyi lə? Byìʼì ghò a ghə̀ŋ kəŋ ə be ə kaʼkə əkòs a əzhwì bwaʼvə kədyàŋ kədyàŋ venə a?

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

2 Timotì 1:7

Mà gàʼà alə byiʼ ando Nyìngòŋ ko ku kəzhwì kəfwàyn a vəghəŋ. Ghə̀ ku kəzhwì la kə nə̀ ne vəghəŋ ə kiʼi ətyɨm to ghə̀, kòŋ viʼi vətsenvə, bè kɨ ə ghaʼ tə wen tə vəghəŋ.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Joyn 2:10

No ndò a ghə̀ kòŋə̀ lèmə̀ wen ə tsi a əbayn kò ndiʼ la kənyʉ̀ kə diʼ ənè la ghə̀ kontə.

1 Joyn 2:29

Ghə̀ŋ sətsèn ə nkɨ la ghə̀ dìʼ wù kənyʉ̀ kə tɨməkə, ghə̀ŋ a nkɨ nəmwèʼè la no ndò a ghə̀ nè kənyʉ̀ kə tɨməkə dìʼ wàyn wen.

1 Joyn 2:3

Vəghəŋ sətsèn ə nzhʉ təsoʼ tə Nyìngòŋ mu vəghəŋ ə kɨ nəmwèʼè la vəghəŋ ə kɨ wen.

1 Joyn 2:4

A gàʼ tè ndò la yì kɨ Nyìngòŋ alì fàŋ ke nghʉ təsoʼ tə wen mu ghə̀ dìʼ wù zho ndzɨ̀ŋ kèn la nəmwèʼè dìʼ à wen a tyɨm.

1 Joyn 2:7

Viʼi kòŋ ə̀ mò, mà ko nyòʼò əsoʼ ə fighə à ghə̀ŋ. Alì mà nyòʼò əsòʼ ə̀ mughə a ghə̀ŋ tə sə̀ kiʼ no fa kənzìtə. Əsoʼ ə̀ mughə aghenə dìʼ ə ntɨm yì a ghə̀ŋ ə nzhʉ li.

1 Joyn 3:9

No ndò a ghə̀ diʼì wàyn Nyìngòŋ ə ko nè ne mbyɨ byìʼàndo ghə̀ kìʼ ntsìnə̀ Nyìngòŋ, ko ndiʼ la ghə̀ zì ghə̀ ne mbyɨ byìʼàndo Nyìngòŋ dìʼ tìʼ ə wen.

1 Joyn 4:11

Vəlèmə̀ və kòŋ ə̀ mò, a zhʉ a ghèn dìʼ ji a Nyìngòŋ ə nkoŋə̀ li vəghəŋ fa tsu, mu vəghəŋ bè yi ndiʼi ə nkòŋmə̀ təwen tə vəghəŋ.

1 Joyn 4:12

Wìʼ ko ntəmə yèn Nyìngòŋ, alì mu vəghəŋ yi ə nkòŋmə̀ təwen tə vəghəŋ, Nyìngòŋ a ndiʼ à vəghəŋ a ntìntìn, əkòŋ ə wen be kwʉ̀ʼ ə̀ mè à vəghəŋ ə ntsìnə̀sə.

1 Joyn 4:16

Alì, vəghəŋ ə kɨ be byɨmə əkòŋ yi a Nyìngòŋ kìʼ à vəghəŋ. Nyìngòŋ dìʼ əkòŋ, no ndò a ghə̀ ə kòŋə̀ viʼi vətsenəvə və dìʼ wenə və Nyìngòŋ a kənyʉ̀ kə mùʼ.

1 Joyn 4:20

A sətsèn a gàʼ tè ndò la, “Mà kòŋə̀ Nyìngòŋ.” Alì bàynə̀ lèmə̀ wen mu ghə̀ zhò ndzɨ̀ŋ byìʼàndo Wìʼ ko zì ghə̀ faŋ ke nkòŋə̀ lèmə̀ wen a ghə̀ yenə, ghə̀ lu ə nkòŋə̀ Nyìngòŋ a ghə̀ nko təmə̀ yen wen.

1 Joyn 4:8

Wìʼ a ghə̀ ko kòŋə̀ alì ko kɨ̀ Nyìngòŋ byìʼàndo Nyìngòŋ dìʼ əkòŋ.

1 Joyn 5:1

No ndò a ghə̀ byɨmə la Yesò dìʼ Klistò mu wìʼ ayì dìʼ wàyn Nyìngòŋ. No ndò a ghə̀ kòŋə̀ tìʼ ə bè kòŋə wàyn a tìʼ ayì ə kiʼi.

2 Joyn 1:5

Mà mu sə sensə wù luwèn a wùwì la mà ko nyòʼò əsoʼ fighə à wù alì mà ku tò yi a vəghəŋ ə nzhʉ li fa kənzìtə: la vəghəŋ ə nkòŋmə̀ təwen tə vəghəŋ.