1 Joyn 3:6 - The New Testament in the Babanki language

⁶ Kə dìʼì la wìʼ ko diʼ a ghə̀ faŋə wenə wen a kənyʉ̀ kə mùʼ a ghə̀ nè mbyɨ. No ndò a ghə̀ nè mbyɨ nko təmə yèn ə wen ko ə̀ kɨ wen.

1 Joyn 3:6 ပူးပေါင်းရင်းမြစ်များ

2 Kolìntyàns 3:18

Vəghəŋ vi a və byɨmə a Yesò və tsuʼ li kəbàs kə ndisə na ki ko kə mbe chiʼtə tebè əkə̀ʼ ə vəghəŋ, vəghəŋ sə diʼ nyenə əbaynə Bobo. Ali Bobo a diʼi kəzhwì nè la vəghəŋ ə kwʉ̀ʼʉ̀ ando Bobo kəŋ, ndiʼi kuʼsə dyʉ̀ to dyʉ̀ nə̀ əbaynə wen na yi. A lə shwèʼè ə Bobo yi a ghə̀ diʼi a kəzhwì.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

1 Joyn 2:28

Ghə̀ŋ faŋ tò à Klistò luwèn a vunə ndi ghə̀ lù sə bvʉ̀tə fʉ̀, vəghəŋ nti a nkàyn ko a ndiʼ la vəghəŋ ə ndìʼ ne kətʉ kədìʼkə̀ a zhʉ a ghə̀ vì.

1 Joyn 2:3

Vəghəŋ sətsèn ə nzhʉ təsoʼ tə Nyìngòŋ mu vəghəŋ ə kɨ nəmwèʼè la vəghəŋ ə kɨ wen.

1 Joyn 2:4

A gàʼ tè ndò la yì kɨ Nyìngòŋ alì fàŋ ke nghʉ təsoʼ tə wen mu ghə̀ dìʼ wù zho ndzɨ̀ŋ kèn la nəmwèʼè dìʼ à wen a tyɨm.

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.

1 Joyn 3:9

No ndò a ghə̀ diʼì wàyn Nyìngòŋ ə ko nè ne mbyɨ byìʼàndo ghə̀ kìʼ ntsìnə̀ Nyìngòŋ, ko ndiʼ la ghə̀ zì ghə̀ ne mbyɨ byìʼàndo Nyìngòŋ dìʼ tìʼ ə wen.

1 Joyn 4:8

Wìʼ a ghə̀ ko kòŋə̀ alì ko kɨ̀ Nyìngòŋ byìʼàndo Nyìngòŋ dìʼ əkòŋ.

1 Joyn 5:18

Vəghəŋ ə kɨ la no ndò a dìʼ wàyn Nyìngòŋ ko nè mbyɨ, byìʼàndo Wàyn ə tùʼmə̀ nə̀ wen kò à ndiʼ la Deblə̀ zì ghə̀ ku ngəʼ à wen no fa mpfen.

3 Joyn 1:11

Kə a nshyəmə̀ mbyɨ a lèmə̀ kòŋ ə̀ mò, ə mbòŋsə shyəmə̀ tò njùŋ. Wìʼ a ghə̀ nè njùŋ dìʼ wù Nyìngòŋ, yì a ghə̀ nè mbyɨ ə ko təmə kɨ Nyìngòŋ.