1 Joyn 3:4 - The New Testament in the Babanki language

⁴ A nè tè ndò nè mbyɨ mu ghə̀ kwàʼà ə̀soʼ ə Nyìngòŋ byìʼàndo mbyɨ dìʼ əkwaʼa ə̀soʼ.

1 Joyn 3:4 ပူးပေါင်းရင်းမြစ်များ

Matìyò 5:19

A sətsèn a kwàʼ no ndò kwàʼa soʼ fa ntìntìn təsòʼ a tèn, tè bè tyetə ghə̀, ə bè ziʼi viʼi la və be kwaʼà tò alì, ghə̀ lu ndiʼ wu tyetə a kəshi kə fòyn Nyìngòŋ. A ghʉ no məndo ghʉ soʼ ayi, be ziʼi viʼi vətsen və la və nghʉ tò alì, ghə̀ lə ndiʼ wu ghoʼo a kəshi kə fòyn Nyìngòŋ.

Shwèʼ 23:3

Bol gàʼ à wen la, “Nyìngòŋ be lu ghòm wù ndə̀ŋndəŋ, wù fəfə kə̀ʼə̀ a nə̀ wen ə ngə̀ŋ a və zuʼu! Wù ŋwʉʼ a fì gàʼà la və soʼ mò ando soʼ ə kəŋə, be kwàʼà soʼ ayi tò nkàyntə̀ wù, əgàʼ la və ghom ə chʉ̀ ghomə.”

Lumans 3:20

Kə le diʼi la Nyìngòŋ ə ko gàʼ tebè la wìʼ diʼ nti akayn a wen a shɨ byìʼì ando ghə̀ ghʉ̀ Əsoʼ. Əsoʼ ə nə̀ gyamtə ə nè la vəghəŋ kɨ kənyʉ̀ a mbyɨ diʼ wen.

Lumans 4:15

Kə diʼ alə̀ byìʼì ando Əsoʼ ə nè to la Nyìngòŋ ə fwisə tin a viʼi byìʼì ando vəwenə kwaʼa əsoʼ a yi, mu əsoʼ ə faŋ ke ndiʼ, ko wìʼ lu kwaʼa.

2 Kolìntyàns 12:21

Ma fwàynə̀ la ma ne vì, ə Nyìngòŋ ə nè, a mà ə̀ diʼsə kətʉ kumə ghə̀ŋ, la ma ne vi ə yèn nghoʼ viʼi ko andiʼ la və kwitə li ntsìnə̀ byɨ yì a vəwenə tə ntsi, a yi viʼi vyi a və dzɨ̀mtə̀ ki no nànto nə̀ ki, a və jèʼtə̀ no nànto.

Jems 5:15

Vəwenə sətsèn ə nè jɨ̀m aghenə byɨmə, Nyìngòŋ à chʉʼ wu kwaʼa ayì, Bobo be lùsə wen fa kwaʼa. A be ndiʼ la ghə̀ ne li mbyɨ, Bobo à lyèsə̀ mbyɨ wen ayì.

1 Joyn 5:17

Nyʉ̀ shwevə no tsèm dìʼ mbyɨ, alì mbyɨ tsen dìʼ a ghə̀ ko gə̀sə̀ wìʼ fà əbwòŋ.