1 Joyn 3:18 - The New Testament in the Babanki language

¹⁸ Kə vəghəŋ a ndìʼì əkòŋ tò fa nyʉ̀ a vəghəŋ ə gàʼà a vunə vwomə, alì vəghəŋ diʼ ə ndìʼì əkòŋ a nyʉ̀ a vəghəŋ ə nè bènə̀ a nəmwèʼè.

1 Joyn 3:18 ပူးပေါင်းရင်းမြစ်များ

Ŋwàʼlə̀ Luk 7:5

Kətʉ kə və sugyèʼ a kènkə kòŋ viʼi vəghəŋ, mu ghə̀ tə gyàmtə̀ bwom ngə̀ŋ tsèntə à yès.”

Joyn 17:19

Ma kù wen ghomə a wù ndiʼ vəwenə be boŋ kù təwen tə vəwenə a wù nəmwèʼè.

Lumans 12:9

Ghə̀ŋ sə nkòŋ viʼi, ghə̀ŋ ə nsùtə̀ kòŋ no nkayn, kə ghə̀ŋ a lobtə lobtə. Ghə̀ŋ ə mbàynə̀ mbyɨ, shɨtə ghaʼ ə nyʉ̀ ə jùŋə və.

Gàlesìyà 5:13

Vəlemə vwomə a byɨmə, Nyìngòŋ ntsuʼtə li ghə̀ŋ la kə ghə̀ŋ be andiʼ əkòs a əsoʼ ali, kə ghə̀ŋ ghʉ la ando ghə̀ŋ sə diʼ fa ngə̀ŋ la ghə̀ŋ zizi ghə̀ŋ ə nkwetə tèbe ghò yi a ghə̀ fwomə a ghə̀ŋ njòsə wen, ghə̀ŋ sə ne to ne. Ghə̀ŋ ə boŋsə kòŋ təwenə təŋtə. Ə kòŋ a yi ne ghə̀ŋ shyèʼè a vəlemə vəŋə vətsenvə.

Efisyàns 4:15

vəghəŋ ə boŋsə gaʼa to nəmwèʼè diʼi kòŋ a viʼi vətsèm, vəghəŋ a kwi to ji sə tsèm ə ndiʼ ando Yesò Klistò yi a ghə̀ diʼi kətʉ kə vəghəŋ.

1 Tèsàlonyà 1:3

Yes ə zhʉsə njɨ̀mə̀ a Nyìngòŋ ə, Tìʼ vəghəŋ, yes ə sə kwoʼtə ando ghə̀ŋ nè shyèʼ ə jùŋ ghə̀ byìʼì ando ghə̀ŋ byɨmə a Bobo vəghəŋ Yesò Klistò be kwoʼtə ando ghə̀ŋ tə nshyèʼ no nə̀ kədyoʼkə byìʼì ando ghə̀ŋ kòŋ wen. Yes be kwoʼtə ando ghə̀ŋ kəʼtə wen, kɨ kɨ la ghə̀ lu bwenə vi.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Joyn 2:1

Mà nyòʼò nyʉ̀ venə à ghə̀ŋ a vunə vwomə ndi kə ghə̀ŋ a nè ənyʉ̀ byɨvə, alì à nè tè ndò nè mbyɨ, ghə̀ŋ ə nkɨ la vəghəŋ kìʼ wù kənyʉ̀ kətɨməkə à diʼ Yesò Klistò. Ghə̀ sensə Tìʼ à vəghəŋ ə kəshi.

1 Joyn 3:7

Vunə vwomə, kə ghə̀ŋ à ghʉ̀sə wìʼ lobtə ghə̀ŋ. No ndò a ghə̀ nè kənyʉ̀ kə tɨməkə dìʼ wù kənyʉ̀ kə tɨməkə ando Klistò dìʼ wù kənyʉ̀ kətɨməkə.

2 Joyn 1:1

A nyòʼò mò ə chəʼ ngə̀ŋ ə̀ Nyìngòŋ nyòʼò ŋwàʼlə̀ ghèn à wùwì yì a Nyìngòŋ ə ntsuʼ li wenə vunə wen a mà kòŋə̀ no nəmwèʼè. A ko kòŋə̀ tò mò, viʼi vətsèm a və kɨ nəmwèʼè ə bè kòŋə̀ vəwenə,

3 Joyn 1:1

A nyòʼò mò ə chəʼ ə̀ ngə̀ŋ Nyìngòŋ nyòʼò ŋwàʼlə̀ ghèn à wù ə Gayòs ə̀ wù ndoŋ ə̀ mò a mà kòŋə̀ no nəmwèʼè.