1 Joyn 3:16 - The New Testament in the Babanki language

¹⁶ Vəghəŋ ə kɨ əkòŋ ə chò fa kènkə la: Yesò Klistò ə nku li sàŋ kətʉ wen ə̀ pfʉ̀ byìʼì vəghəŋ. Vəghəŋ bè diʼ ə ku sàŋ kətʉ vəghəŋ ə pfʉ byìʼì vəlèmə̀ və vəghəŋ.

1 Joyn 3:16 ပူးပေါင်းရင်းမြစ်များ

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

Joyn 10:11

“Ma diʼ no ntsɨ̀ŋ byisə ə jùŋ. Ntsɨ̀ŋ byisə ə jùŋ nə diʼ yi a ghə̀ saŋlə ə pfʉ byìʼì byisə a ghə̀ tsɨ̀ŋ.

Joyn 10:15

to ndə̀ŋndəŋ ando Tìʼ ghom ə kɨ mo, ma be kɨ wen. Ma tu ma ə pfʉ̀ byìʼì byisə shomsə.

Joyn 13:34

Ma ku əsoʼ ə fìghə a ghə̀ŋ luwen. Ghə̀ŋ nə̀ kòŋ təwen ə təŋtə. Ma kòŋ li ghə̀ŋ. Ghə̀ŋ ne kòŋ təwen ə təŋtə to ali.

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Lumans 16:4

Vəwenə shisə li mò fa chʉ̀ ə pfʉ̀ ə sə boʼsə ə pfʉkə no fa vəwenə ngeŋsə. A ko ku to mo ku kəzòŋ a vəwenə, ntsèntə̀sə viʼi ətɨm viʼi və byɨməvə be ku.

Lumans 5:8

Alì Nyìngòŋ ə diʼi làynsə ə kòŋ ə wen a vəghəŋ a ji la a ndiʼ ando vəghəŋ bo diʼ to no viʼi ə nyʉ̀ byɨvə, Yesò ə vi ə pfʉ ə bwòŋsə vəghəŋ.

2 Kolìntyàns 4:12

A lə ando yès diʼ no zhʉ̀ko, nyʉ̀ʼ to chʉ̀ əpfʉ̀ ndi ghə̀ŋ nkiʼi ntsìnə̀ Yesò.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Efisyàns 5:25

Ghə̀ŋ kòŋ ki ə vəŋə a lʉmə ndə̀ŋndəŋ ando Klistò ə nkòŋ ngə̀ŋ Nyìngòŋ ə ku wenə wen a pfʉ̀ byìʼì wen.

Filìbàyns 2:17

Mà ne saŋlə̀ be nàynə̀ vəghəŋ a muʼu. Və sətsèn ə̀ zhwì tè mò luwèn mənlyuŋ ə̀ mwomə̀ à dyʉ̀ kwʉ̀ʼsə̀ kəku kì a ghə̀ŋ ə ku à Nyìngòŋ byìʼì əbyɨmə ghəŋə.

Filìbàyns 2:30

byìʼàndo ghə̀ tə shwètə̀ əpfʉ byìʼì əshyèʼ Klistò ando ghə̀ tə gyàmtə̀ mò ənè shwèʼ yi a ghə̀ŋ ko zi ghə̀ŋ nè.

1 Tèsàlonyà 2:8

Yes ə shə̀ʼtə̀ ntɨm ə jùŋ a ghə̀ŋ mu à ku Nyìngòŋ, be ku təwen ə tyetə a ghə̀ŋ, byìʼì ando yes ə kòŋ ghə̀ŋ no nànto.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

1 Bità 1:18

Ghə̀ŋ kɨli la Nyìngòŋ ə loʼ li shisə ghə̀ŋ fa ntsìnə̀ ə mu yi a vətiʼi və vəghəŋ ə ntsi. Nyìngòŋ ə nko ə zen ghə̀ŋ nə̀ kəfo kə to nə̀ əko mu ghə̀ zizi ghə̀ byɨf.

1 Bità 2:24

Ghə̀ ə mbyèʼè li mbyɨsə vəghəŋ a wen a wèn, a kəntò. Ghə̀ ə nè alə ndiʼ vəghəŋ ə boŋsə tsi ətsìnə̀sə tɨməsə, ko mbyɨ ə be ə kiʼi to kənyʉ̀ ə ne a vəghəŋ a ntsìnə̀sə. A nè tə chʉtəshi wen la ghə̀ŋ to,

1 Bità 3:18

Kə bòŋ ə yenə ngəʼ a ji na ghèn byìʼì ando no Yesò fa wen a ngeŋ ə yen li ngəʼ ə pfʉ byìʼì mbyɨsə vəghəŋ ə mwetə shyèʼ wen to ghàyn ə mùʼ. Ghə̀ ndiʼ wù kənyʉ̀ kətɨməkə ali ə pfʉ ə bwoŋsə̀ viʼi nyʉ̀ ə byɨvə ə ne la vəghəŋ vi a Nyìngòŋ. Viʼi ə zhwi wen, ali a pfʉ to kətsoʼ kə əwenə wen, Nyìngòŋ ə ne kəzhwì kə wenkə faŋ ə sə tsi to tsì.

1 Joyn 2:6

No ndò a ghə̀ gàʼà la ghə̀ dìʼ wenə Nyìngòŋ a kənyʉ̀ kə mùʼ diʼ ə njèʼè tò a ji shì a Yesò njèʼè fa tsu.

1 Joyn 2:9

No ndò sətsèn ə ngàʼà la ghə̀ tsi a bayn alì bàynə̀ lèmə̀ wen mu ghə̀ bò bu a mfɨnə̀.

Kəmwetə 1:5

Boŋə tyɨm bènə̀ mbwaʼmə̀ be diʼ à ghə̀ŋ fà Yesò Klistò ə wu yenə nəmwèʼè, à dìʼ mbì wìʼ a və nlùsə wen fa əpfʉ, à be soʼo wen soʼo təfòn tə mbi tèntə. Ghə̀ kòŋə̀ vəghəŋ. Ghə̀ shisə̀ li vəghəŋ fà vəghəŋ ə mbyɨsə chò fa wen ə mənlyuŋ a ghə̀ mpfʉ a kəntò ə̀ shʉ̀ʼ.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.