1 Joyn 3:12 - The New Testament in the Babanki language

¹² Vəghəŋ ə ko diʼ ə ndiʼ tò nə̀ Keyn. Ghə̀ ndìʼ wù Deblə̀ ə̀ zhwì lèmə̀ wen. Ghə̀ nzhwi wen byìʼì ghò? Ghə̀ nzhwi wen byìʼàndo ghə̀ nè nyʉ̀ byɨvə alì lèmə̀ wen diʼ wù kənyʉ̀ kətɨməkə.

1 Joyn 3:12 ပူးပေါင်းရင်းမြစ်များ

Matìyò 13:19

Viʼi vi a və zhʉ ntɨm kùmə̀ soʼ Fòyn Nyìngòŋ kò və lù nkɨ dìʼ to nə̀ ashɨ ngwàʼ yi a ghə̀ fəŋkə a kəghʉ̀ kə ji lì vəwenə zhʉ Deblə̀ vì soʼ lu nə̀ kəwenkə fà vəwenə a tətyɨm.

Matìyò 13:38

Sɨm yi diʼ mbi, ngwàʼ jùŋə yì diʼ viʼi vyi a və diʼi a ti Soʼo Fòyn Nyìngòŋ, kəfʉ̀ kì diʼ viʼi vyi a və diʼì a ti soʼ Deblə̀.

Matìyò 23:35

Ma tɨm vəwenə ghə̀ŋ ne alə̀ ndi mənlyuŋ mə viʼi kənyʉ̀ kə tɨməkə vi no vətsèm a və nzhwilə̀ a nse lì mə faŋ à ghə̀ŋ a kətʉ əzìtə̀ fà Abèl a və nlù zhwi kènla ghə̀ byɨsə li kənyʉ̀ kə tsenkə kuʼ zaʼa à Zakaliya wàyn Balachà yì a ghə̀ŋ nlù zhwi a kəntìntìn kə kəshi a və dzàŋə̀ nə̀ kəshi kəŋwoʼəkə bènə̀ kəchiʼ kə kəku.

Matìyò 27:23

Bilate bè bèm la, “Byìʼì ghò? Ghə̀ byɨsə no ghò?” Vəwenə be zɨ̀mə tò ntàŋ muʼ la, “Və bantə wen a kəntò!”

Matìyò 5:37

Kənyʉ̀ kə ndiʼ wù byɨmə, wù byɨmə tò byɨmə, ndiʼ wù tènsə, wù tènsə tò tènsə. A sətsèn wu be nkwʉʼsə kənyʉ̀ à yì a kətʉ mu kə lù fà Deblə̀.”

Ŋwàʼlə̀ Luk 11:51

ə zìtə̀ fa Abèl əkuʼ zaʼa à Zakaliya a və nlù zhwi vəwenə əlù fa kəshi kə ŋwòʼəkə əzaʼa kəbaŋ kə kəku a ngə̀ŋ Nyìngòŋ. Ma gàʼ à ghə̀ŋ nəmwèʼè la kəlyɨŋ kènkə lə shə̀ʼtə̀ chʉ vəwenə byìʼì viʼi a venə no vətsèm.

Joyn 10:32

Yesò ə bèm a vəwenə la, “Tìʼ ə ghom ku li kədyòʼ, ma nè nyʉ̀ ə jùŋ və a viʼi, to kədə̀ŋ. Ghə̀ŋ le kəŋ ə temlə mo luwen byìʼì kə ko?”

Joyn 8:40

Ghə̀ŋ diʼ alə̀ mu ghə̀ŋ ghʉ̀ li la ghə̀ŋ a zhwi mò, ali mà shə̀ʼtə̀ to nyʉ̀ a ghə̀ŋ, a və diʼ nəmwèʼè mu mà zhʉ̀ fa Nyìngòŋ. Ablaham nko ə ne tə nki tə nyʉ̀ alə̀.

Joyn 8:41

Ghə̀ŋ nè to nyʉ̀ vyi a tìʼ ə ghə̀ŋ ə nè.” Vəwenə bwensə la, “Nyìngòŋ ə diʼ to Tìʼ ə mùʼ yi a yès ə kiʼi, yès diʼ to no nkàyntə̀ vunə Nyìngòŋ.”

Shwèʼ 7:52

Andìʼ nshə̀ʼtə̀ ghoʼo kò a vətìʼ vəŋə və mbì mfàŋ li ke tsuʼ aghʉ wen a? Vəwenə zhwilə li viʼi vi a vəwenə mvì a tʉʼ mbì əshə̀ʼtə̀ byìʼì məvì Wù kənyʉ̀ kə tɨmə kə, à ndiʼ wen yì a ghə̀ŋ mbaʼlə̀ bè zhwi.

1 Tèsàlonyà 2:14

Vəlemə, nyʉ̀ vyi a və ə nfʉ a ənòyn ə viʼi vyi a və mbyɨmə a Yesò Klistò a Jùdiyà fʉ̀ li to mə a ghə̀ŋ. Viʼi lòʼ ə ghə̀ŋ nku li ngəʼ a ghə̀ŋ, a diʼ to ndə̀ŋndəŋ ngəʼ sisə a viʼi Jus ə nku a viʼi və byɨməvə na vi.

Hibùlù 11:4

Abèl ə nku kəku a Nyìngòŋ, kə kuʼmə chò kə ə Kèn kə byìʼì ando ghə̀ ə nkiʼi əbyɨmə. Nyìngòŋ ə nlyɨ̀ li wen a wù kənyʉ̀ kətɨməkə byìʼì əbyɨmə ə wen. Nyìngòŋ ə ndiʼi li a Abèl la ghə̀ saŋlə byìʼì ando ghə̀ shisə li kəku kə wen. Luwen diʼ mu Abèl ə mpfʉ̀ li ali kənyʉ̀ ki a ghə̀ nè ə li bo gàʼà a vəghəŋ.

Hibùlù 12:24

Ghə̀ŋ vi li a Yesò. A diʼi wen a ghə̀ lyɨ̀ vi nə̀ viʼi a Nyìngòŋ, ə bàyntə məkàyn mə mfimə̀ wenə vəwenə. Ghə̀ŋ kwen li a mənlyuŋ ə̀ Yesò yi a ghə̀ mesə laynsə ghə̀ŋ tsu. Mənlyuŋ na mèyn ndiʼi kənyʉ̀, kə kuʼmə chò ki a mənlyuŋ mə Abèl diʼ.

1 Bità 4:4

Luwen sə diʼ viʼi vyi a və ko kɨ Nyìngòŋ diʼ nə̀ əkaynə ə la ghə̀ŋ ko zhɨmə tebè vyi vəwenə, ko be tsi tebè ntsìnə̀ ə byɨ ə vəwenə na yì. Nakènkə ə nè li, vəwenə sə telə ghə̀ŋ.

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

Ŋwàʼlə̀ Jud 1:11

Ngəʼ ə ghoʼo ə diʼ a vəwenə a kətʉ! Vəwenə ə tsi tò ntsìnə̀ yì a Keyn ə ntsi ə zhwi lèmə̀ wen. Vəwenə ə nyɨŋə to fa bàm əko ando Balàm ə nyɨŋə. Vəwenə nto kətʉ ə tyen ə zhʉ Nyìngòŋ to nə̀ Kolà, ghə̀ sə diʼ ə byɨbsə vəwenə to ando ghə̀ ə mbyibsə Kolà.

Kəmwetə 17:6

Mà yen mu wùwì ayì ə nyʉ li mənlyuŋ mə viʼi ə Nyìngòŋ nə̀ mənlyuŋ mə̀ viʼi a və̀ nzhwilə̀ byìʼàndo vəwenə ntɨmə viʼi vəyenəvə a ənyʉ̀ ə Yesò. Mà ə̀ nyenə wen ə̀ sə̀ diʼ nə̀ kanə ghoʼoghə,