1 Joyn 2:5 - The New Testament in the Babanki language

⁵ Alì mu à zhʉ̀ tè ndò ə zhʉ gaʼa wen ə̀ ghʉ, əkòŋ ə Nyìngòŋ a ndiʼ mu ghə̀ kwʉʼʉ li à wen ə ntsìnə̀. A le ji yì a vəghəŋ ə kɨ la vəghəŋ dìʼ a kənyʉ̀ kə mùʼ vəghəŋ və wen.

1 Joyn 2:5 ပူးပေါင်းရင်းမြစ်များ

Ŋwàʼlə̀ Luk 11:28

Yesò bwènsə̀ la, “Mbwaʼmə bòŋsə dìʼ a viʼi vyì a və zhʉ kənyʉ̀ kə Nyìngòŋ be nè tò ndo kə gaʼa!”

Joyn 14:21

“Wìʼ yi a ghə̀ kòŋ mò diʼ wìʼ yi a ghə̀ zhʉtə təsoʼ ə tyomtə. No ndò a ghə̀ kòŋə̀ mo, Tìʼ ghom kòŋ wen, ma be kòŋ wen, diʼi ji shomsə a wen.”

Joyn 14:23

Yesò ə bwensə a wen la, “No ndò a ghə̀ kòŋə mo, ghə̀ ne zhʉ əziʼi ə ghomə. Wìʼ yi kòŋ mo, Tìʼ ghom be a kòŋ wen, yo wen be vi tsèntə tsi yo wìʼ na yì.

Joyn 15:5

“Ma diʼ fəkòʼ, ghə̀ŋ diʼ tətam. Wìʼ sətsen faŋ a mo wen, ma be a faŋ a wen, ghə̀ a kumə ashɨ, to kədə̀ŋ. A bwèn fa mo, ghə̀ŋ zizi ko ghə̀ŋ lu nè kənyʉ̀.

Joyn 6:56

A zhɨ no ndò zhɨ əwenə ghomə be nyʉ̀ mənlyuŋ mwomə, mu yo wen diʼ a kənyʉ̀ kə muʼ.

Lumans 8:1

Kə le diʼi la viʼi vyi a və mbyɨmə li a Yesò Klistò sə diʼ viʼi wen ko və zizi və lu be fəŋ nsòʼ ashɨ Nyìngòŋ ə luwen.

1 Kolìntyàns 1:30

Alì à ne Nyìngòŋ la ghə̀ŋ ə ntsi byìʼì Yesò Klistò. Ghə̀ tə ne la ghə̀ ndiʼ ətof ə vəghəŋ, ə ne la vəghəŋ ə diʼ viʼi kənyʉ̀ kətɨməkə chò fa wen, ə be nè la vəghəŋ ə̀ laynə, ə zen kətʉ kə vəghəŋ.

2 Kolìntyàns 5:17

Wìʼ sətsèn ndiʼ wenə Yesò a kənyʉ̀ kə muʼ, mu ghə̀ sə diʼ wu fi, mu ntsìnə̀ mu wen ə mè li, ghə̀ sə kiʼi ghə̀ fi.

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Jems 2:22

Ghə̀ŋ ə yenə la byɨmə wen ə̀ njèʼè a kənyʉ̀ kə mùʼ nə̀ shwèʼè wen. A ne shyèʼè wen la byɨmə wen ə lwin.

1 Joyn 3:24

Viʼi vi no vətsèm a və ghʉ təsòʼ tə wen dìʼ a kənyʉ̀ kə mùʼ wenə və wenə. Vəghəŋ ə kɨ la ghə̀ dìʼ a kənyʉ̀ kə mùʼ vəghəŋ və wen ə chò fa kəzhwì kì a ghə̀ ku li à vəghəŋ.

1 Joyn 4:17

A ji aghèn, əkòŋ ə Nyìngòŋ ə kwʉ̀ʼ mè à vəghəŋ ə ntìntìn ndi vəghəŋ lu ə nti a nkàyn kətsi kə nsoʼ, byìʼàndo ntsìnə̀ vəghəŋ a mbi dìʼ tò nə̀ ghə̀ Klistò.

1 Joyn 4:18

Əfàyn ko diʼ a tyì kòŋ. Əkòŋ yi a ghə̀ kwʉʼʉ̀ li ə me ə dzɨ̀mə̀ shìsə̀ əfàyn no tsèm, byìʼàndo viʼi ə fàynə byìʼì nsoʼ a və lu soʼ vəwenə. Wìʼ sətsèn ə mfànə̀ mu əkòŋ ə Nyìngòŋ ko kwʉ̀ʼ ə me à wen a tyɨm.

1 Joyn 5:2

Vəghəŋ zì vəghəŋ kɨ la vəghəŋ ə kòŋə̀ vunə Nyìngòŋ a zhʉ a vəghəŋ ə kòŋə̀ Nyìngòŋ be nè nyʉ̀ vyi a ghə̀ gàʼà.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

2 Joyn 1:6

Nkàyntə̀ ə̀kòŋ diʼ la vəghəŋ ə nzhʉ təsoʼ tə wen. Əsoʼ aghenə diʼ la, ghə̀ŋ ə ntsi a ə̀kòŋ ando ghə̀ŋ ə nzhʉ li fa kənzìtə.

Kəmwetə 12:17

Nyàm ə fànsə ayì fwisə tin à wùwì yì ə̀ lù ə̀ dyʉ̀ əzìtə̀ əghoŋ à viʼi ngwàʼa ngə̀ŋ wùwì ayì, andiʼ viʼi vətsèm vi a və ghʉ təsoʼ tə Nyìngòŋ be shə̀ʼtə̀ ənyʉ̀ a Yesò ə̀ ndiʼi a ndayn.

Kəmwetə 14:12

Kənyʉ̀ a kènkə dìʼì la viʼi ə Nyìngòŋ ə diʼi. Adìʼ vəwenə a və ghʉ təsoʼ tə Nyìngòŋ be byɨmə à Yesò.