1 Joyn 2:4 - The New Testament in the Babanki language

⁴ A gàʼ tè ndò la yì kɨ Nyìngòŋ alì fàŋ ke nghʉ təsoʼ tə wen mu ghə̀ dìʼ wù zho ndzɨ̀ŋ kèn la nəmwèʼè dìʼ à wen a tyɨm.

1 Joyn 2:4 ပူးပေါင်းရင်းမြစ်များ

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Taytùs 1:10

Mà gàʼà alə̀ byìʼàndo viʼi diʼ no vəghoʼo a və ko zhʉ gɨ̀, gàʼà tò əgàʼ zɨmghə be lobtə̀ viʼi. Nyʉ̀ avenə tùʼù nè vəjew vyi ə bwensə li ə sə dzɨ̀mtə̀ Klistò.

Taytùs 1:16

Vəwenə gàʼà la vəwenə kɨ Nyìngòŋ alì ntsìnə̀sə vəwenə sə dìʼì la vəwenə tyenə wen. Ntsìnə̀sə vəwenə sə nyèlə̀. Vəwenə to kətʉ ko a ndiʼ la vəwenə kwʉ̀ʼʉ̀ ənè tè kənyʉ̀ kə jùŋə kə kətsenkə.

1 Joyn 1:10

Vəghəŋ sətsèn ə ngàʼà la vəghəŋ ə ko nè mbyɨ mu vəghəŋ ə lyɨ̀ Nyìngòŋ a nə̀ wù ndzɨ̀ŋ, be diʼ, kò gaʼa wen ə lu nkiʼ kəshi à vəghəŋ a tətyɨm.

1 Joyn 1:6

Vəghəŋ sətsèn ə ngàʼà la vəghəŋ dìʼ a kənyʉ̀ kə mùʼ vəghəŋ və Nyìngòŋ alì jèʼè a mfɨnə̀ mu vəghəŋ ə zhò ndzɨ̀ŋ be diʼ kò vəghəŋ ə lu ntsi ntsìnə̀ nəmwèʼè.

1 Joyn 1:8

Vəghəŋ sətsèn ə ngàʼà la vəghəŋ ə ko kiʼi mbyɨsə mu vəghəŋ ə lobtə̀ təwen tə vəghəŋ, a be diʼ kò nəmwèʼè ə lu ndiʼ à vəghəŋ a tətyɨm.

1 Joyn 2:3

Vəghəŋ sətsèn ə nzhʉ təsoʼ tə Nyìngòŋ mu vəghəŋ ə kɨ nəmwèʼè la vəghəŋ ə kɨ wen.

1 Joyn 2:9

No ndò sətsèn ə ngàʼà la ghə̀ tsi a bayn alì bàynə̀ lèmə̀ wen mu ghə̀ bò bu a mfɨnə̀.

1 Joyn 3:6

Kə dìʼì la wìʼ ko diʼ a ghə̀ faŋə wenə wen a kənyʉ̀ kə mùʼ a ghə̀ nè mbyɨ. No ndò a ghə̀ nè mbyɨ nko təmə yèn ə wen ko ə̀ kɨ wen.

1 Joyn 4:20

A sətsèn a gàʼ tè ndò la, “Mà kòŋə̀ Nyìngòŋ.” Alì bàynə̀ lèmə̀ wen mu ghə̀ zhò ndzɨ̀ŋ byìʼàndo Wìʼ ko zì ghə̀ faŋ ke nkòŋə̀ lèmə̀ wen a ghə̀ yenə, ghə̀ lu ə nkòŋə̀ Nyìngòŋ a ghə̀ nko təmə̀ yen wen.

1 Joyn 4:7

Vəlèmə̀ və kòŋ ə̀ mò, vəghəŋ ə nkòŋmə̀ təwenə tə vəghəŋ byìʼe ə̀kòŋ ə lù fà Nyìngòŋ. No ndò a ghə̀ kòŋə̀ dìʼ mu à bwì Nyìngòŋ ə mbwi wen ghə̀ be kɨ Nyìngòŋ.