1 Joyn 2:29 - The New Testament in the Babanki language

²⁹ Ghə̀ŋ sətsèn ə nkɨ la ghə̀ dìʼ wù kənyʉ̀ kə tɨməkə, ghə̀ŋ a nkɨ nəmwèʼè la no ndò a ghə̀ nè kənyʉ̀ kə tɨməkə dìʼ wàyn wen.

1 Joyn 2:29 ပူးပေါင်းရင်းမြစ်များ

Joyn 1:13

Vəwenə ko ə kaʼkə a vunə Nyìngòŋ a ji yi a wìʼ nə̀ kòŋ ə bwi vunə fa tsu, a ndiʼ to əghʉ̀nə̀ Nyìngòŋ la vəwenə ndiʼ vunə wen.

Joyn 7:18

No ndò yi a ghə̀ kəŋ ə ziʼi əziʼi ngə̀ŋ ə wen, ghə̀ ə kəŋ ə kiʼi kuʼsə ngeŋ wen. Alì wìʼ yi a ghə̀ shwèʼè ə ghoʼsə wìʼ ə yi a ghə̀ tɨmə wen ə gaʼa to nəmwèʼè ko ghə̀ lu nzhò ndzɨŋ.

Shwèʼ 10:35

mu wù yì fʉ̀ tè fa loʼ kò, ə̀ ngumlə̀ wen be nè nyʉ̀ vyi a ghə̀ kəŋə ghə̀ ne nkòŋə̀ wù.

Shwèʼ 22:14

Ghə̀ gàʼ à mò la, ‘Nyìngòŋ yì a vətìʼ və vəghəŋ nlù sə gumlə̀ lì, ə tsuʼ li wù la wù kɨ kənyʉ̀ a ghə̀ kəŋə la wù nè be yen ə̀ kɨ wù kənyʉ̀ kə tɨmə kə yì a ghə̀ shwèʼè à wen, bè zhʉ̀ ando ghə̀ gàʼà à wù fà wen a ngə̀ŋ,

Shwèʼ 3:14

Yesò ndìʼ wù Nyìngòŋ, diʼ wu ŋwoʼə be diʼ wù kənyʉ̀ kətɨməkə, alì ghə̀ŋ tyen wen ə̀ bòŋsə̀ gàʼ və shìsə̀ wìʼ a ghə̀ nzhwilə̀ viʼi.

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Hibùlù 7:2

Ablaham ə ntsentə li əfo vyi a ghə̀ kiʼi fa ghòŋ ə gə̀tə̀ əshi əwùm ə ku kəshi kə mùʼ fa tyi shi ə wù na vyi a Mèlìkisedèk. Əzhiʼ ə wen ghenə la Mèlìkisedèk ndiʼ a gàʼà Hibùlù la, “Fòyn Kənyʉ̀ kətɨməkə.” Ghə̀ ndiʼ fòyn Salèm, Salèm diʼ a gaʼa Hibùlù la, “mbwaʼmə.” To ando ghə̀ ndiʼ fòyn nə̀ Salèm kə lə diʼi la ghə̀ ndiʼ Fòyn mbwaʼmə.

Hibùlù 7:26

A diʼ to Yesò ə pfèm Nyìngòŋ ə ŋanŋtə yì a ghə̀ kwʉ̀ʼ li ə gyàmtə̀ vəghəŋ. Ghə̀ laynə kwʉ̀ʼ, ko ndiʼ la ghə̀ kiʼi kənyʉ̀ a və zizi və gham ə wen tsu, ko ndiʼ la ghə̀ kiʼi mbyɨ, mu Nyìngòŋ ə shisə li wen fa ntìntìn viʼi nyʉ̀ ə byɨvə ə kuʼsə ghʉ̀ wen akàŋ a kəkɨ kə ghoʼo kə.

Jems 1:18

A ntsùʼ tò wen fà wen a ngə̀ŋ ənè la vəghəŋ ndiʼ vunə wen, ghə̀ ə ngaʼà li ndi vəghəŋ ndiʼ mbì fa ntìntìn fo tsèm a ghə̀ nshɨ̀tə̀.

1 Bità 1:23

Kə diʼ ə ndiʼ alə byìʼì ando və bwensə li bwi ghə̀ŋ a nfi chò fa kənyʉ̀ kə Nyìngòŋ yi a ghə̀ŋ tsi, mu kə faŋ li to ghayn ə mùʼ. A ko bwi wìʼ bwi ghə̀ŋ a ghə̀ zizi a ghə̀ pfʉ.

1 Bità 1:3

Vəghəŋ ə kuʼsə Nyìngòŋ, ə Tìʼ Bobo vəghəŋ Yesò Klistò! Ghə̀ nkusə li shinsə a vəghəŋ no nànto, ə kù ntsìnə̀ ə fi a vəghəŋ a ji la ghə̀ lusə li Yesò Klistò fa pfʉ, vəghəŋ ə sə tsi kɨ nəmwèʼè la vəghəŋ lu kiʼi ə ntsìnə̀ yì a ghə̀ ko lu mè;

1 Bità 3:18

Kə bòŋ ə yenə ngəʼ a ji na ghèn byìʼì ando no Yesò fa wen a ngeŋ ə yen li ngəʼ ə pfʉ byìʼì mbyɨsə vəghəŋ ə mwetə shyèʼ wen to ghàyn ə mùʼ. Ghə̀ ndiʼ wù kənyʉ̀ kətɨməkə ali ə pfʉ ə bwoŋsə̀ viʼi nyʉ̀ ə byɨvə ə ne la vəghəŋ vi a Nyìngòŋ. Viʼi ə zhwi wen, ali a pfʉ to kətsoʼ kə əwenə wen, Nyìngòŋ ə ne kəzhwì kə wenkə faŋ ə sə tsi to tsì.

2 Bità 1:4

A diʼ a ji na ghèn a Nyìngòŋ ə lwinsə li kənyʉ̀ kə ghʉkə kikə a ghə̀ ə nghʉ̀ la ghə̀ lu ku kəku kə jùŋ kə kə kaynəkə, la kə gyamtə vəghəŋ la vəghəŋ nyɨŋ fʉ̀ fa nyʉ̀ ə byɨvə yi a njòsə wensə ə vi nə̀ wenəvə a mbi ashə və byɨbsə viʼi, ə boŋsə tsi ntsìnə̀ Nyìngòŋ.

1 Joyn 2:1

Mà nyòʼò nyʉ̀ venə à ghə̀ŋ a vunə vwomə ndi kə ghə̀ŋ a nè ənyʉ̀ byɨvə, alì à nè tè ndò nè mbyɨ, ghə̀ŋ ə nkɨ la vəghəŋ kìʼ wù kənyʉ̀ kətɨməkə à diʼ Yesò Klistò. Ghə̀ sensə Tìʼ à vəghəŋ ə kəshi.

1 Joyn 3:5

Ghə̀ŋ ə kɨ la Klistò ə̀ mvì ə shʉ mbyɨsə viʼi, kò ndìʼ la ghə̀ kiʼi mbyɨ.

1 Joyn 3:7

Vunə vwomə, kə ghə̀ŋ à ghʉ̀sə wìʼ lobtə ghə̀ŋ. No ndò a ghə̀ nè kənyʉ̀ kə tɨməkə dìʼ wù kənyʉ̀ kə tɨməkə ando Klistò dìʼ wù kənyʉ̀ kətɨməkə.

1 Joyn 4:7

Vəlèmə̀ və kòŋ ə̀ mò, vəghəŋ ə nkòŋmə̀ təwenə tə vəghəŋ byìʼe ə̀kòŋ ə lù fà Nyìngòŋ. No ndò a ghə̀ kòŋə̀ dìʼ mu à bwì Nyìngòŋ ə mbwi wen ghə̀ be kɨ Nyìngòŋ.

1 Joyn 5:1

No ndò a ghə̀ byɨmə la Yesò dìʼ Klistò mu wìʼ ayì dìʼ wàyn Nyìngòŋ. No ndò a ghə̀ kòŋə̀ tìʼ ə bè kòŋə wàyn a tìʼ ayì ə kiʼi.

1 Joyn 5:18

Vəghəŋ ə kɨ la no ndò a dìʼ wàyn Nyìngòŋ ko nè mbyɨ, byìʼàndo Wàyn ə tùʼmə̀ nə̀ wen kò à ndiʼ la Deblə̀ zì ghə̀ ku ngəʼ à wen no fa mpfen.

1 Joyn 5:4

byìʼàndo no wàyn Nyìngòŋ ko sə̀ kiʼ kədyòʼ ə̀ zhɨ mbi, ə cho fa ə byɨmə vəghəŋ a Klistò.

3 Joyn 1:11

Kə a nshyəmə̀ mbyɨ a lèmə̀ kòŋ ə̀ mò, ə mbòŋsə shyəmə̀ tò njùŋ. Wìʼ a ghə̀ nè njùŋ dìʼ wù Nyìngòŋ, yì a ghə̀ nè mbyɨ ə ko təmə kɨ Nyìngòŋ.