1 Joyn 2:27 - The New Testament in the Babanki language

²⁷ Alì Klistò dìʼ mu ghə̀ ku li kəzhwì kə wen, kə mfaŋ à ghə̀ŋ. Ghə̀ŋ ə ko bè diʼ ə nkəŋə la wìʼ ə ndìʼsə̀ ghə̀ŋ, byìʼàndo, kəzhwì kə wen kə dìʼsə̀ ghə̀ŋ no nyʉ̀ tsèm, ə be dìʼsə̀ tò nəmwèʼè, kənyʉ̀ kə ndzɨ̀ŋ kə ko diʼ tsu. No tò ando kə dìʼsə̀ li ghə̀ŋ, ghə̀ŋ faŋ à wen.

1 Joyn 2:27 ပူးပေါင်းရင်းမြစ်များ

Matìyò 13:11

Yesò bwènsə̀ gàʼ à vəwenə la, Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə vi a və diʼì byìʼì soʼo fòyn wen alì kò a ndiʼ la ghə̀ ku li à vəwenə.

Joyn 14:16

Ma na sensə, Tìʼ ghə̀ ku Ngyàmtə̀ ə tsen a ghə̀ŋ, a ghə̀ faŋ ghə̀ŋ vəwenə to ghayn mùʼ.

Joyn 14:17

Ngyàmtə̀ a ghèn ne ndiʼ Kəzhwì kə Nyìngòŋ kì a kə diʼi nəmwèʼè kumə Nyìngòŋ. Viʼi mbyi zizi ko və lu shisə Ngyàmtə̀ a ghèn byìʼàndo vəwenə ko yenə wen, ko və kɨ wen. Ghə̀ŋ kɨli wen byìʼàndo ghə̀ tsi ghə̀ŋ vəwenə, diʼ ə nè ə ndiʼ a ghə̀ŋ a ntìntìn.

Joyn 14:26

Ngyàmtə̀ yi a Tìʼ na tɨm a mo azhiʼ, a diʼ kəzhwì kə Ŋwoʼkə, kə ne ziʼi ghə̀ŋ no nə̀ nyʉ̀ nò tsèm, ə be nè ghə̀ŋ kwoʼtə no tèbe ghò yì a mà gàʼa li a ghə̀ŋ.

Joyn 16:13

Alì, kəzhwì kə Ŋwoʼkə kì a kə diʼi nəmwèʼè a vi tisə ghə̀ŋ, ghə̀ŋ kɨ no tèbe kənyʉ̀ kə kò ki a kə diʼi nəmwèʼè. Ghə̀ a vi, ko ghə̀ lu gaʼa tebè nyʉ̀ ə ngeŋ wen; ghə̀ a vì ə shə̀ʼtə̀ to nyʉ̀ mu və gàʼ gaʼa a wen, ə shə̀ʼtə̀ nyʉ̀, və bò diʼ ə ne fʉ̀.

Joyn 4:14

Alì, mu à nyʉ̀ no ndò nyʉ mu mì a ma ku, mu ətoŋ mu ko lu be zɨmə wen. Wìʼ ə sətsen nyʉ mu na mèyn, ma dyʉ̀ kaʼkə ndiʼ a wen a wèn to nə̀ fədyàn fə, ə ne wen la ghə̀ kiʼi ntsìnə̀ yì a ghə̀ ko lu mè.”

Joyn 6:45

Nshə̀ʼtə̀ sə ghoʼkəsə ə nyòʼo li la, ‘Nyìngòŋ lu ziʼi viʼi və tsèm.’ Nò viʼi və tsèm vyi a və zhʉ kənyʉ̀ kì a Tìʼ ə gàʼ ne vì a mò.

1 Kolìntyàns 2:12

Vəghəŋ ko shi kəzhwì mu kə lù fa mbyi, vəghəŋ boŋsə shi kəzhwì kì a kə lù fa Nyìngòŋ ndiʼ vəghəŋ ə̀ kɨ əfo vyi a ghə̀ kù li a vəghəŋ.

1 Kolìntyàns 2:13

Kə le diʼ la yès ə ko ziʼi, tebè nyʉ̀ nə̀ ətof ə mu ghə̀ lù fa viʼi. Yès ə ziʼi nyʉ̀ a diʼi Kəzhwì kə Nyìngòŋ ando yès ə ziʼi laynsə nyʉ̀ kəzhwì a viʼi vyi a vəwenə kiʼi kəzhwì na kènkə.

2 Kolìntyàns 1:21

A ne Nyìngòŋ la vəghəŋ və tsèm ndiʼ ti to a kənyʉ̀ kə muʼ vəghəŋ və Yesò Klistò. A diʼ Nyìngòŋ a ghə̀ tsuʼ yès.

Efisyàns 4:21

Kə diʼ to no nəmwèʼè la ghə̀ŋ ə nzhʉ li nyʉ̀ kumə Klistò, və be ziʼi ghə̀ŋ nə̀ nyʉ̀ vyi a və diʼi nəmwèʼè kumə Klistò.

Kòlòsyàns 2:6

Ando ghə̀ŋ sə diʼ mù ghə̀ŋ ə byɨmə li Yesò Klistò la à diʼ Bobo ghə̀ŋ, ghə̀ŋ ntsi li to nə̀ viʼi vyi a və diʼi wenə wen a kənyʉ̀ kə mùʼ.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

1 Tèsàlonyà 4:9

Ma yenə la yes kodiʼ ə be nyoʼtə kənyʉ̀ a ghə̀ŋ kumə ə kòŋ a viʼi və byɨməvə vətsenvə diʼ ə nkiʼ. Nò Nyìngòŋ ə ziʼi li ji yì a ghə̀ŋ diʼ ə nə̀ kòŋ təwen ə tyəŋtə fa tsu.

1 Timotì 2:7

Və ntsuʼ mò byìʼì kənyʉ̀ a kenkə a nə̀ wù ə ntɨm la mà shə̀ʼtə̀ kənyʉ̀ kə Nyìngòŋ bè ziʼi viʼi ətɨm nə̀ kənyʉ̀ ki a kə diʼi nəmwèʼè. Kənyʉ̀ kənkə a ma gàʼà lə ə diʼ tò no nəmwèʼè. Mà ko wamə wamə.

1 Bità 1:23

Kə diʼ ə ndiʼ alə byìʼì ando və bwensə li bwi ghə̀ŋ a nfi chò fa kənyʉ̀ kə Nyìngòŋ yi a ghə̀ŋ tsi, mu kə faŋ li to ghayn ə mùʼ. A ko bwi wìʼ bwi ghə̀ŋ a ghə̀ zizi a ghə̀ pfʉ.

1 Joyn 2:28

Ghə̀ŋ faŋ tò à Klistò luwèn a vunə ndi ghə̀ lù sə bvʉ̀tə fʉ̀, vəghəŋ nti a nkàyn ko a ndiʼ la vəghəŋ ə ndìʼ ne kətʉ kədìʼkə̀ a zhʉ a ghə̀ vì.

1 Joyn 3:24

Viʼi vi no vətsèm a və ghʉ təsòʼ tə wen dìʼ a kənyʉ̀ kə mùʼ wenə və wenə. Vəghəŋ ə kɨ la ghə̀ dìʼ a kənyʉ̀ kə mùʼ vəghəŋ və wen ə chò fa kəzhwì kì a ghə̀ ku li à vəghəŋ.

2 Joyn 1:2

byìʼàndo nəmwèʼè a ghə̀ diʼì à vəghəŋ ə ntìntìn lu faŋ tò ghayn ə̀ mùʼ.