1 Joyn 2:24 - The New Testament in the Babanki language

²⁴ Ghə̀ŋ ne la kənyʉ̀ kì a ghə̀ŋ ə̀ nzhʉ fa kənzìtə faŋ à ghə̀ŋ a tətyɨm. Kənyʉ̀ kì a ghə̀ŋ ə nzhʉ fa kənzìtə sətsèn ə̀ fàŋ à ghə̀ŋ ə tətyɨm mu ghə̀ŋ a ndiʼ a kənyʉ̀ kə mùʼ vè və Wàyn wenə̀ Tìʼ.

1 Joyn 2:24 ပူးပေါင်းရင်းမြစ်များ

Ŋwàʼlə̀ Luk 1:2

Vəwenə nyòʼo nyʉ̀ mu vəghəŋ Zhʉ li fà viʼi vyi a və n-yèn nyʉ̀ avyi no fa kənzìtə, ando və nlyɨ̀ kəshi.

Ŋwàʼlə̀ Luk 9:44

“Ghə̀ŋ tuʼù zhʉtə kənyʉ̀ a mà kəŋ gàʼ à ghə̀ŋ. Və a ku Wàyn wìʼ avu viʼi.”

Joyn 14:23

Yesò ə bwensə a wen la, “No ndò a ghə̀ kòŋə mo, ghə̀ ne zhʉ əziʼi ə ghomə. Wìʼ yi kòŋ mo, Tìʼ ghom be a kòŋ wen, yo wen be vi tsèntə tsi yo wìʼ na yì.

Joyn 15:7

Ghə̀ŋ sətsen faŋ a mo wen, əziʼi ə ghomə a faŋ a ghə̀ŋ kətʉ, ghə̀ŋ bèm no tèbe ghò a ghə̀ŋ kòŋ fa Tìʼ ghom, ghə̀ a ku a ghə̀ŋ.

Joyn 6:56

A zhɨ no ndò zhɨ əwenə ghomə be nyʉ̀ mənlyuŋ mwomə, mu yo wen diʼ a kənyʉ̀ kə muʼ.

Joyn 8:25

Vəwenə bèm a Yesò la, “Wù diʼ no ndò lo?” Yesò ə bwensə la, “Ma diʼ tò wìʼ ə yi a ma tə gaʼa fa kənzìtə̀ la ma diʼ wen.

Filìbàyns 4:15

No nkàyntə̀ ghə̀ŋ ə viʼi Fìlìbày ə kɨ la ando mà nzìtə̀ shə̀ʼtə ntɨm ə jùŋ ando ma əlù fa Macedonia, no ntsèntə̀ viʼi və byɨməvə tsen nko gyamtə mo ə chò tò ghə̀ŋ,

Kòlòsyàns 3:16

Əgaʼa ə Yesò ndiʼ a ghə̀ŋ tətyɨm. Ghə̀ŋ lyɨ̀ ətof ə tsèm ə ziʼi be ku kətyiftə a ghə̀ŋ təwen. Ghə̀ŋ zhɨmə dzaŋsə Nyìngòŋ nə̀ dzaŋsə laynəsə shisə a kəzhwì kə Ŋwoʼkə nè la ghə̀ŋ zhɨmə. Ghə̀ŋ zhɨmə, ku kəzòŋ a Nyìngòŋ a ghə̀ŋ tətyɨm.

Hibùlù 2:1

Ənyʉ̀ na venə ə diʼi la vəghəŋ ə diʼ ə be ə tuʼtə̀ ə ghaʼ kənyʉ̀ na kènkə a vəghəŋ zhʉ̀ lə ndi vəghəŋ na faŋ kò və lə ə ndì.

Hibùlù 3:14

Vəghəŋ sətsen tɨmə to a vəghəŋ a əbyɨmə ə ti to ando vəghəŋ ə mbyɨmə fa ambì ə sə ti ə zàʼa fa kəmwètə, a ne diʼ la vəghəŋ diʼ to no vəghəŋ və Yesò nəmwèʼè.

1 Joyn 1:3

Yès ə gàʼà ənyʉ̀ a ghə̀ŋ a diʼi ənyʉ̀ a yès ə yen li ə bè zhʉ ndi vəghəŋ ə ntsèntə̀ diʼ a kənyʉ̀ kə mùʼ vəghəŋ və Tìʼ bènə̀ Wàyn wen ə Yesò Klistò.

1 Joyn 1:7

Vəghəŋ sətsèn ə njèʼè a tyì əbayn ndə̀ŋndəŋ ando Nyìngòŋ dìʼ a tyì əbayn mu vəghəŋ tsèntə̀ dìʼ a kənyʉ̀ kə mùʼ, mənlyuŋ mə̀ wàyn wen ə Yesò Klistò be shʉ̀ vəghəŋ fa vəghəŋ a mbyɨsə no sətsèm.

1 Joyn 2:7

Viʼi kòŋ ə̀ mò, mà ko nyòʼò əsoʼ ə fighə à ghə̀ŋ. Alì mà nyòʼò əsòʼ ə̀ mughə a ghə̀ŋ tə sə̀ kiʼ no fa kənzìtə. Əsoʼ ə̀ mughə aghenə dìʼ ə ntɨm yì a ghə̀ŋ ə nzhʉ li.

1 Joyn 3:24

Viʼi vi no vətsèm a və ghʉ təsòʼ tə wen dìʼ a kənyʉ̀ kə mùʼ wenə və wenə. Vəghəŋ ə kɨ la ghə̀ dìʼ a kənyʉ̀ kə mùʼ vəghəŋ və wen ə chò fa kəzhwì kì a ghə̀ ku li à vəghəŋ.

1 Joyn 4:13

Vəghəŋ ə kɨ la vəghəŋ dìʼ a kənyʉ̀ kə mùʼ vəghəŋ və Nyìngòŋ a ji la Ghə̀ ku li kəzhwì kə wen à vəghəŋ.

1 Joyn 4:15

A byɨmə tè ndò ə̀ be nshə̀ʼtə̀ la Yesò dìʼ Wàyn Nyìngòŋ mu ghə̀ dìʼ wenə̀ Nyìngòŋ a kənyʉ̀ kə mùʼ.

1 Joyn 4:16

Alì, vəghəŋ ə kɨ be byɨmə əkòŋ yi a Nyìngòŋ kìʼ à vəghəŋ. Nyìngòŋ dìʼ əkòŋ, no ndò a ghə̀ ə kòŋə̀ viʼi vətsenəvə və dìʼ wenə və Nyìngòŋ a kənyʉ̀ kə mùʼ.

2 Joyn 1:2

byìʼàndo nəmwèʼè a ghə̀ diʼì à vəghəŋ ə ntìntìn lu faŋ tò ghayn ə̀ mùʼ.

2 Joyn 1:9

A ndyʉ̀ tè ndò nə̀ mbì, ə faŋ ke ntsi ando əziʼi Klistò ə gàʼà, mu ghə̀ ko diʼ wenə Nyìngòŋ. A ntsi tè ndò ando əziʼi ayi gàʼà dìʼ wenə Nyìngòŋ be diʼ wenə wàyn.

3 Joyn 1:3

Mà tə sàŋlə no nə̀ ŋàŋ ando vəlèmə̀ vətsenvə tə vì shə̀ʼtə̀ à mò la wù nè tò ənyʉ̀ a diʼ ənyʉ̀ nəmwèʼè bènə̀ ando wù tsi tò a nəmwèʼè.

Kəmwetə 3:11

Mà sə̀ laʼtə̀ ə bwènə̀ vì, ghə̀ŋ tuʼù ə̀ ghàʼ tò əziʼi yi a ghə̀ŋ sə̀ kiʼ ndi kə wìʼ lù sòʼ əmoʼtə ghəŋə.

Kəmwetə 3:3

Ghə̀ŋ bwensə̀ kwòʼtə̀ ənyʉ̀ vyi a və ndìʼsə̀ ghə̀ŋ tsu bènə̀ ə̀vi a ghə̀ŋ ə̀ nzhʉ. Ghə̀ŋ kwitə tətyɨm ə təŋtə fà ghə̀ŋ ə mbyɨsə nè ənyʉ̀ a vyi. Ghə̀ŋ sətsèn ə̀ fàŋ ke lùkə̀, mà bvʉ̀tə̀ vì à ghə̀ŋ tò nə̀ tsòŋ kèn la ghə̀ŋ a kɨ zhʉ a mà vì.