1 Joyn 2:21 - The New Testament in the Babanki language

²¹ Mà ko nyòʼò nyʉ̀ venə à ghə̀ŋ byìʼàndo ghə̀ŋ ə ko kɨ̀ kənyʉ̀ kə nəmwèʼè, alì mà nyòʼò byìʼàndo ghə̀ŋ ə kɨ li ə be nkɨ la ndzɨ̀ŋ ə ko diʼ a tyì nəmwèʼè.

1 Joyn 2:21 ပူးပေါင်းရင်းမြစ်များ

Joyn 18:37

Balèt ə bèm a wen la, “wù mu diʼ fòyn?” Yesò ə bwensə ə gàʼ la, “Wù gàʼa to no nəmwèʼè la ma diʼ fòyn. Və mbwi mo a fòyn, ma vi a mbyi a fòyn ə shə̀ʼtə̀ kənyʉ̀ ki a kə diʼ nəmwèʼè. Nò ndo yi a ghə̀ gàʼà nəmwèʼè ə zhʉ gɨ ghom.”

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Jems 1:19

Ghə̀ŋ kɨ kènkə a vəlèmə̀ və kòŋə̀ mò: Ghə̀ŋ ntùʼù zhʉtə̀ kənyʉ̀ a mà gàʼà no a nkàyn, kə ghə̀ŋ a zàŋsə̀ gàʼà, kə ghə̀ŋ a zàŋsə̀ fwisə tin.

2 Bità 1:12

Ali, mà ndzə̀ŋtə̀ nyʉ̀ a venə to dzəŋtə a ghə̀ŋ no tèbe ando ghə̀ŋ ə kɨ li be diʼ mu ghə̀ŋ ghaʼ li nyʉ̀ a venə a və diʼi nəmwèʼè lə, və əto.

1 Joyn 3:19

A diʼ a ji ghèn a vəghəŋ a kɨ la vəghəŋ dìʼ viʼi nəmwèʼè. Kə be a nè la tətyɨm tə vəghəŋ tə nkiʼi nzhʉ̀tə a shɨ Nyìngòŋ,

Ŋwàʼlə̀ Jud 1:5

No to ando ghə̀ŋ ə kɨli ə nyʉ̀ a venə, ali ma kòŋ ə be ə dzɨ̀ŋtə̀ ghə̀ŋ nə̀ jì a Nyìngòŋ ə nshisə viʼi Islel fa ngəʼ alòʼ ə Ijìb, a sə ndiʼ fa yi a bàm ghə̀ bwènsə̀ byɨbsə viʼi Islel vi a və nko əbyɨmə a wen.