1 Joyn 2:19 - The New Testament in the Babanki language

¹⁹ Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.

1 Joyn 2:19 ပူးပေါင်းရင်းမြစ်များ

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Ŋwàʼlə̀ Mak 13:22

Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

Ŋwàʼlə̀ Luk 8:13

Ayi a ghə̀ nfəŋkə a təghu diʼ tò nə̀ viʼi vyi a və zhʉ kənyʉ̀ akì, və zaŋsə byɨmə tò a fəshitə̀ fə zhʉ alə̀, mwòmsə vi, vəwenə nfɨŋ tò fa zhʉ.

Joyn 15:2

chwaynə maʼ tətam titə a tə ko kumə ashɨ a mo wèn, tsùʼtə fo fa tətam a tyi a tə ko kumə ashɨ, ndiʼ tə tuʼ kumə.

Joyn 4:14

Alì, mu à nyʉ̀ no ndò nyʉ mu mì a ma ku, mu ətoŋ mu ko lu be zɨmə wen. Wìʼ ə sətsen nyʉ mu na mèyn, ma dyʉ̀ kaʼkə ndiʼ a wen a wèn to nə̀ fədyàn fə, ə ne wen la ghə̀ kiʼi ntsìnə̀ yì a ghə̀ ko lu mè.”

Shwèʼ 15:24

Yès zhʉ li la viʼi vətsenvə fa yès a ntìntìn tə vì gàʼ nyʉ̀, à ghə̀ŋ və sə ku ngəʼ a ghə̀ŋ a tətyɨm. Nyʉ̀ avenə a Vəwenə tə gàʼ lə̀ ko tə gàʼ yès.

Shwèʼ 20:30

Zhʉ ne vì a viʼi ne fʉ̀ tò fà ghə̀ŋ a ntìntìn nzhò ndzɨ̀ŋsə, gùfə̀ viʼi vəbyɨməvə la və dzɨ̀mtə̀ vəwenə.

Lumans 9:6

Ma ko gaʼa alə ə fʉ̀ la Nyìngòŋ ə ko ə ne kənyʉ̀ ki a ghə̀ ə ghʉ̀. Jòʼ, Kə diʼ la, à ko diʼ viʼi Islel və tsèm a Nyìngòŋ ə tsuʼ a viʼi wen.

1 Kolìntyàns 11:19

Kəgəsə kə yi ndiʼ ndiʼ a ghə̀ŋ a ntìntìn, ndi və nshɨtə yenə kɨ nkàyntə̀ viʼi Nyìngòŋ.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

2 Timotì 2:19

Alì kə to ə nə̀ʼsə kəchɨ kə ngə̀ŋ ki a Nyìngòŋ ə dìʼ mu ghə̀ we li a diʼ Klistò. Və nyoʼ li la, “Ghə̀ kɨ viʼi a və diʼ viʼi wen,” bè nyòʼ la, “No mə ndò yi a ghə̀ gàʼà la ghə̀ dzɨ̀mtə̀ Bobo ə diʼ ə ghʉsə ənyʉ̀ ə byɨvə vyi a ghə̀ nè.”

2 Timotì 3:9

Vəwenə ə ko ŋwʉʼ kəghaf byìʼì ando viʼi ə yenə myetə la vəwenə ə diʼ ngu. Ndə̀ŋndəŋ tò ando kənaʼ kə Janès wenə̀ Jambles ə mbayn li.

Hibùlù 10:39

A diʼ fa vəghəŋ, vəghəŋ ko diʼ to nə̀ viʼi vì a və nyɨŋ li bwenə fa bàm Nyìngòŋ. Vəghəŋ boŋsə diʼ viʼi vyi a və kiʼi əbyɨmə a wen, ghə̀ diʼ lù bwoŋsə vəghəŋ.

2 Joyn 1:7

Viʼi ndzɨ̀ŋsə no vəghoʼo ə fʉ li sə jèʼè tò mbi tsèm à diʼ viʼi a və ko byɨmə la Yesò ə mvi li a nse a wèn ə wìʼ. Nki wìʼ ayi diʼ wù ndzɨ̀ŋsə be diʼ wù kəbàyn ə̀ Klistò.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.

Ŋwàʼlə̀ Jud 1:19

A diʼ vəwenə vi a və vì nə̀ kəngəsə kə, ko ndiʼ la vəwenə kiʼi kəzhwì kə Nyìngòŋ a vəwenə a ntìntìn. Vəwenə ne to nyʉ̀ a ji a vəwenə kəŋ.