1 Joyn 2:15 - The New Testament in the Babanki language

¹⁵ Kə ghə̀ŋ a nkòŋə̀ mbi ghèn ko tè fo vi a və diʼi tsu. A nkòŋə̀ tè ndò ə kòŋə̀ mbi ghèn, kə a ndiʼi la ghə̀ ko kòŋ Tìʼ.

1 Joyn 2:15 ပူးပေါင်းရင်းမြစ်များ

Matìyò 4:8

Deblə̀ bè lyɨ̀ Yesò fa tsu ə kuʼ nə̀ wen a kətʉ kə pfen kə dyə̀fə kə ə dìʼ təloʼ tə mbi tèn no tətsèm à wen nə̀ ghoʼo yi a ghə̀ diʼì tsu.

Matìyò 6:24

“Wìʼ ə zi ko ghə̀ lə ə ndìʼ wù ə shyèʼ a viʼi və bò. Kə diʼ ali, a ghə̀ a bàynə̀ ghə̀ mùʼ kòŋ ghə̀ tsen; ali, ghə̀ nə̀ ngumlə̀ əmùʼ to fa əzhʉ. Wù zi ko wu lə shwèʼ a Nyìngòŋ bè shwèʼ a ə ko.

Ŋwàʼlə̀ Luk 16:13

“Wìʼ ko zì ghə̀ ndiʼ wù shwèʼ viʼi və bò a zhʉ̀ mùʼ. Kə sətsèn ndiʼ alì, ghə̀ a baynə ghə̀ muʼ, alì kòŋ ghə̀ tsen; ko ngumlə̀ ghə̀ muʼ chasə ghə̀ tsen. Wù ko zì wu nshwèʼè à Nyìngòŋ bè shwèʼ ko tò fa zhʉ.”

Joyn 15:19

Ghə̀ŋ tə ndiʼ viʼi mbyi mu vəwenə kòŋ ghə̀ŋ to nə̀ viʼi vəwenə. Luwen ə diʼ mù ma tə ə tsùʼtə shisə ghə̀ŋ fa mbyi, ghə̀ŋ ko diʼ viʼi mbyi. A le kənyʉ̀ ki a viʼi mbyi bàynə̀ ghə̀ŋ tsu.

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Gàlesìyà 1:10

Kə le diʼi luwen la, ma ne kənyʉ̀ ki a viʼi nkòŋ mò mu ki a Nyìngòŋ a kòŋ lo? A le diʼ la ma ne la viʼi ə nsaŋlə̀ mu? Mà sətsen ə nkəŋ ə ne la viʼi ə nsaŋlə̀, ko ma be a ndiʼ wù ə shwèʼè ə Klistò.

Efisyàns 2:2

Ghə̀ŋ ə ntsi to a mbyɨsə a sensə ando ghə̀ŋ mbo dzɨ̀mtə̀ nyʉ̀ ə mbyi, zhʉ to fa fòyn yi a ghə̀ soʼo əzhwì byɨvə vyi a və chò fa kàŋ, a diʼ kəzhwì kì a kə tisə viʼi vyi a və ko zhʉtə fa Nyìngòŋ.

1 Timotì 6:10

Viʼi vi a və kòŋ əko ə zaŋsə kwenə a mbyɨ. Viʼi vətsenvə nyɨŋ li nchosə fa ayi abàm, ə maʼa əbyɨmə vəwenə ə sə kiʼi ngəʼsə ghoʼo sə a vəwenə tətyɨm.

Jems 1:27

Əbyɨmə a ghə̀ nè la Nyìngòŋ tìʼ vəghəŋ ə lutə̀ su saŋlə no a nkàyn dìʼ la, wù diʼi ə ntùʼmə̀ nə̀ vunə mpfʉ bènə̀ ki mpfʉ a və yenə ngəʼ, be nyɨŋsə wen ə wu fa nyʉ̀ ə mbi.

Jems 4:4

Viʼi venə a vəwenə ko ghʉ tətyɨm tə vəwenə à Nyìngòŋ lə̀, ghə̀ŋ ə be kò kɨ̀ la wìʼ a ghə̀ kòŋə̀ fo nse dìʼ wù kəbàyn à Nyìngòŋ? Kə lì dìʼì la no ndò a ghə̀ kòŋə̀ ndiʼ ndoŋ wenə̀ fo nse dìʼ wù kəbàyn ə̀ Nyìngòŋ.

1 Joyn 3:17

Wìʼ sətsèn ə nkiʼ fo mbi venə no tsèm ə yèn lèmə̀ wen a ghə̀ ghò, alì ə̀ tyèn la ghə̀ ko kusə nshinsə à wen, əkòŋ ə Nyìngòŋ à ndiʼ à wen a ji kò?

1 Joyn 4:5

Nshə̀ʼtə̀sə ndzɨ̀ŋsə asènsə diʼ viʼi mbyi. A dìʼ kənyʉ̀ a vəwenə gàʼà, tò nyʉ̀ ə mbi, viʼi mbyi be zhʉtə̀ əgàʼ vəwenə.

1 Joyn 5:10

No ndò a ghə̀ byɨmə à wàyn Nyìngòŋ ə kɨ kənyʉ̀ akènkə tò a wen a tyɨm. Wìʼ a ghə̀ ko byɨmə Nyìngòŋ, ə ne li wen a wù ndzɨ̀ŋ byìʼàndo ghə̀ ko byɨmə kənyʉ̀ a Nyìngòŋ ə gàʼà byìʼì wàyn wen.