1 Joyn 2:13 - The New Testament in the Babanki language

¹³ Mà nyòʼò nyʉ̀ a venə à ghə̀ŋ a vətìʼ byìʼàndo ghə̀ŋ ə kɨ li wen yì a ghə̀ ndiʼi fa kənzìtə. Mà nyòʼò nyʉ̀ venə à ghə̀ŋ a mbvòʼò wìʼ byìʼàndo ghə̀ŋ ə to li ə ncho Deblə̀. Mà be nyòʼò nyʉ̀ avenə à ghə̀ŋ a vunə byìʼàndo ghə̀ŋ ə kɨ li Tìʼ.

1 Joyn 2:13 ပူးပေါင်းရင်းမြစ်များ

Matìyò 11:27

Yesò bè gàʼ à viʼi la, “Tìʼ ghom ə ku li tofə nyʉ̀ tsèm à mò. Wìʼ zì kò ghə̀ lə̀ kɨ̀ wàyn à bwen tò tìʼ wen, kò a ndiʼ la wìʼ zì ghə̀ kɨ tìʼ a bwen tò wàyn bènə̀ viʼi vyi a wàyn kòŋə̀ ə shə̀ʼtə̀ à vəwenə.

Matìyò 13:19

Viʼi vi a və zhʉ ntɨm kùmə̀ soʼ Fòyn Nyìngòŋ kò və lù nkɨ dìʼ to nə̀ ashɨ ngwàʼ yi a ghə̀ fəŋkə a kəghʉ̀ kə ji lì vəwenə zhʉ Deblə̀ vì soʼ lu nə̀ kəwenkə fà vəwenə a tətyɨm.

Matìyò 13:38

Sɨm yi diʼ mbi, ngwàʼ jùŋə yì diʼ viʼi vyi a və diʼi a ti Soʼo Fòyn Nyìngòŋ, kəfʉ̀ kì diʼ viʼi vyi a və diʼì a ti soʼ Deblə̀.

Matìyò 5:37

Kənyʉ̀ kə ndiʼ wù byɨmə, wù byɨmə tò byɨmə, ndiʼ wù tènsə, wù tènsə tò tènsə. A sətsèn wu be nkwʉʼsə kənyʉ̀ à yì a kətʉ mu kə lù fà Deblə̀.”

Ŋwàʼlə̀ Luk 10:22

Ando Yesò ngàʼ alì, ghə̀ mù gàʼ à ndzɨ̀mtə̀sə bàm wen la,“Tìʼ ghom kuli fo tsèm à mò. Wìʼ ko zì ghə̀ lə̀ kɨ wìʼ a wàyn diʼi wen a bwen tò tìʼ wen. Wìʼ ko zì ghə̀ kɨ wìʼ a tìʼ diʼ wen bwen tò wàyn, nə̀ viʼi vyi a wàyn tsuʼli ə dìʼ tìʼ wen à vəwenə.”

Joyn 14:7

Ghə̀ŋ sətsèn ə shɨtə kɨ mò, ghə̀ŋ ne boŋ kɨ Tìʼ ghom. Ə zìtə̀ fa luwen ə dyʉ̀ ambì, ghə̀ŋ sə kɨ wen, mu ghə̀ŋ yen li wen.”

Joyn 14:9

Yesò ə bwensə bèm la, “Ma tsì li vəghəŋ no fa kəghaf alə̀ a Filib, ko wù lu kɨ mo? Nò tèbe ndò yi a ghə̀ yen mo sə diʼ mù ghə̀ yen li Tìʼ, wù ə be gàʼa la mà diʼ Bobo ə kò a ghə̀ŋ a?

Joyn 16:3

Viʼi ə nà nè nyʉ̀ a venə a ghə̀ŋ byìʼàndo vəwenə ə ko kɨ mo, ko və kɨ Tìʼ.

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Joyn 17:21

Ma jɨ̀mə̀ a Tìʼ ghom la vəwenə tsèntə ndiʼ to a kənyʉ̀ kə mùʼ no və tsèm to ndə̀ŋndəŋ ando yowù diʼ to a kənyʉ̀ kə mùʼ. Nè vəwenə faŋ a yowù ndiʼ viʼi mbyi venə byɨmə la à tɨm wù tɨm ə mo.

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

Joyn 8:19

Vəwenə bèm a wen la, “Tìʼ wù na ghèn ə diʼ fe?” Yesò ə bwensə ə gàʼ la, “Ghə̀ŋ ko kɨ mo, kenla ghə̀ŋ kɨli Tìʼ ghom. Ghə̀ŋ tu kɨ mo, mu ghə̀ŋ kɨli Tìʼ ə ghom.”

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

1 Timotì 5:1

Mà gàʼà à wù la kə wù ne kaʼsə gaʼa à wu ə to a kədyòʼ. Wù sə ngàʼà, wù ə lyɨ̀ wen to nə̀ tìʼ wù. Wù sə ə ne kənyʉ̀ à wìʼ, a wu diʼ wuto fa wen, wu ə lyɨ̀ wen tò nə̀ lèmə̀ wù.

Taytùs 2:6

Wù diʼ be dìʼsə mbvòʼò wìʼ to ndə̀ŋndəŋ əjì la vəwenə nghaʼa təwen tə vəwenə.

1 Joyn 1:1

Yès ə nyòʼò à ghə̀ŋ bìʼì ə̀ ntɨm yì a ghə̀ ku əbwòŋ. Ə ntɨm a ghèn ə ndìʼ fa kənzìtə. Yès ə nzhʉ li, ə yèn nə̀ ashɨ a yes sə, ə bè lye əkùmsə̀ nə̀ avu à yes sə.

1 Joyn 2:1

Mà nyòʼò nyʉ̀ venə à ghə̀ŋ a vunə vwomə ndi kə ghə̀ŋ a nè ənyʉ̀ byɨvə, alì à nè tè ndò nè mbyɨ, ghə̀ŋ ə nkɨ la vəghəŋ kìʼ wù kənyʉ̀ kətɨməkə à diʼ Yesò Klistò. Ghə̀ sensə Tìʼ à vəghəŋ ə kəshi.

1 Joyn 2:12

Mà nyòʼò nyʉ̀ a venə à ghə̀ŋ a vunə vwomə byìʼàndo Nyìngòŋ ə lyesə li nku mbyɨsə sə̀ŋsə chò fà Yesò Klistò.

1 Joyn 2:14

Mà nyòʼò à ghə̀ŋ a vətìʼ byìʼàndo ghə̀ŋ ə kɨ li wen yì a ghə̀ ndiʼ fa kənzìtə. Mà nyòʼò à ghə̀ŋ ə mbvòʼò wìʼ byìʼàndo ghə̀ŋ ə to, kənyʉ̀ kə Nyìngòŋ kə be diʼ mu kə faŋ li à ghə̀ŋ ə ntsìnə̀sə. Ghə̀ŋ ə be to ə ncho Deblə̀.

1 Joyn 3:12

Vəghəŋ ə ko diʼ ə ndiʼ tò nə̀ Keyn. Ghə̀ ndìʼ wù Deblə̀ ə̀ zhwì lèmə̀ wen. Ghə̀ nzhwi wen byìʼì ghò? Ghə̀ nzhwi wen byìʼàndo ghə̀ nè nyʉ̀ byɨvə alì lèmə̀ wen diʼ wù kənyʉ̀ kətɨməkə.

1 Joyn 4:4

Ghə̀ŋ dìʼ viʼi Nyìngòŋ a vunə vwomə, mu ghə̀ŋ ə to li ə ncho viʼi avenə byìʼàndo kəzhwì a kə diʼì à ghə̀ŋ ə tətyɨm ə to chò kì a kə diʼì a mbi.

1 Joyn 5:18

Vəghəŋ ə kɨ la no ndò a dìʼ wàyn Nyìngòŋ ko nè mbyɨ, byìʼàndo Wàyn ə tùʼmə̀ nə̀ wen kò à ndiʼ la Deblə̀ zì ghə̀ ku ngəʼ à wen no fa mpfen.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Kəmwetə 12:11

Vəlèmə̀ avenə soyn li ə̀ nzhɨ wen byìʼ mənlyuŋ mə wàyn bi njɨ̀ nəmwèʼè yì a vəwenə tə̀ nshə̀ʼtə̀ bè kòŋə̀ əku təwen tə vəwenə pfʉ byìʼ wen.

Kəmwetə 2:7

A ə ntofə tè ndò ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə! A sətsèn ə̀ soyn ə̀ zhɨ̀ tè ndò ə̀ zhɨ mbyɨ, mà à nè ghə̀ zhɨ əshɨ fəkòʼ fì a fə ku ə̀bwòŋ a fə kwi a tì sɨm ə̀ Nyìngòŋ.”