1 Joyn 2:1 - The New Testament in the Babanki language

¹ Mà nyòʼò nyʉ̀ venə à ghə̀ŋ a vunə vwomə ndi kə ghə̀ŋ a nè ənyʉ̀ byɨvə, alì à nè tè ndò nè mbyɨ, ghə̀ŋ ə nkɨ la vəghəŋ kìʼ wù kənyʉ̀ kətɨməkə à diʼ Yesò Klistò. Ghə̀ sensə Tìʼ à vəghəŋ ə kəshi.

1 Joyn 2:1 ပူးပေါင်းရင်းမြစ်များ

Ŋwàʼlə̀ Luk 10:22

Ando Yesò ngàʼ alì, ghə̀ mù gàʼ à ndzɨ̀mtə̀sə bàm wen la,“Tìʼ ghom kuli fo tsèm à mò. Wìʼ ko zì ghə̀ lə̀ kɨ wìʼ a wàyn diʼi wen a bwen tò tìʼ wen. Wìʼ ko zì ghə̀ kɨ wìʼ a tìʼ diʼ wen bwen tò wàyn, nə̀ viʼi vyi a wàyn tsuʼli ə dìʼ tìʼ wen à vəwenə.”

Joyn 10:15

to ndə̀ŋndəŋ ando Tìʼ ghom ə kɨ mo, ma be kɨ wen. Ma tu ma ə pfʉ̀ byìʼì byisə shomsə.

Joyn 13:33

Mà ko be diʼ ə ndiʼ vəghəŋ a kəghaf a vù vwomə. Ghə̀ŋ kəŋ mò nənlù, mu ma dyʉ̀ li akəshi, mu ghə̀ŋ zizi ko ghə̀ŋ lu vi tsu. Ma shə̀ʼtə̀ a ghə̀ŋ luwen, to ndə̀ŋndəŋ ando mà sə diʼ mù ma shə̀ʼtə̀ li a viʼi Jus.

Joyn 14:16

Ma na sensə, Tìʼ ghə̀ ku Ngyàmtə̀ ə tsen a ghə̀ŋ, a ghə̀ faŋ ghə̀ŋ vəwenə to ghayn mùʼ.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 21:5

Ghə̀ dzàŋ bèm a vəwenə la, “Ghə̀ŋ ko ghaʼa kəfo a və vəlemə?” Vəwenə bwensə la, “Yes ə ko ku.”

Joyn 5:14

Yesò ə ne be yen ə wen a ngə̀ŋ Nyìngòŋ ə gàʼ a wen la, “Wù to li luwen. Kə wù bè a nè mbyɨ, a bwen ali kənyʉ̀ kə a fʉ̀ a wù, to chò kwaʼa a yi.”

Joyn 5:36

Ma kiʼi nchwò nsòʼ, ghə̀ chò Joyn. Nchwò nsòʼ na ghèn diʼi nyʉ̀ vyi a Tìʼ ku li la mà ə nè. A diʼ kəwenkə a kə diʼi làynsə la à tɨm Tìʼ ntɨm mo.

Joyn 6:27

Kə ghə̀ŋ ne nyɨŋə fa abàm fozhɨvə, a və diʼ ə byɨf. Ghə̀ŋ ə boŋsə nyɨŋə fa abàm fozhɨvə vyi a və kù bwoŋ yi a ghə̀ ko lu mè, a diʼ Wàyn Wìʼ a ghə̀ zizi ghə̀ ku fozhɨvə a venə a ghə̀ŋ byìʼàndo Tìʼ ghom, Nyìngòŋ sə diʼ mù ghə̀ diʼi li a ndayn la ma kiʼi kədyòʼ a kènkə.”

Joyn 8:11

Wùwì ghèn bwensə ə gàʼ la, “Nò wìʼ ə mùʼ ə ko faŋ a Tikəbəŋ.” Yesò ə gàʼ a wen la, “Nò tèbe nkàyntə̀ mo ko gaʼà la wù fəŋ li nsòʼ. Bwenə pfwo. Wù pfwo kə wù be a nè mbyɨ.”

Shwèʼ 7:52

Andìʼ nshə̀ʼtə̀ ghoʼo kò a vətìʼ vəŋə və mbì mfàŋ li ke tsuʼ aghʉ wen a? Vəwenə zhwilə li viʼi vi a vəwenə mvì a tʉʼ mbì əshə̀ʼtə̀ byìʼì məvì Wù kənyʉ̀ kə tɨmə kə, à ndiʼ wen yì a ghə̀ŋ mbaʼlə̀ bè zhwi.

Lumans 5:10

Kə diʼ alə̀ byìʼì ando andiʼ ando vəghəŋ bo diʼ viʼi kəbayn Nyìngòŋ, Wàyn Nyìngòŋ vi ə pfʉ ə nè la vəghəŋ və Nyìngòŋ bwensə mbaʼtə ə ntsi a kənyʉ̀ kə muʼ. Kə le diʼi la luwen ando vəghəŋ sə diʼ mù və bwensə li mbaʼtə ə ntsi a kənyʉ̀ kə muʼ vəghəŋ və Nyìngòŋ, Yesò lu ne la vəghəŋ shɨtə bwòŋ mwetə nəmwèʼè byìʼì ando ghə̀ diʼ.

Lumans 6:15

Vəghəŋ zizi və gàʼ la gho luwen a? A le diʼ la vəghəŋ na faŋ ə nə̀ nè dyʉ̀ to nə̀ mbyɨ byìʼì ando vəghəŋ ko be tsi tebè a tsi əsoʼ, tsi to byìʼì ətɨm ə jùŋə ghə̀ Nyìngòŋ mu? Kə zizi ko kə lu ndiʼ alə̀ no faphen!

Lumans 8:34

A zizi a be gàʼ ndo la vəwenə nè li ə byɨbsə kənyʉ̀ a? A zizi a gàʼ Yesò Klistò yi a ghə̀ ə pfʉ mu? Ghə̀ zizi ko ghə̀ lu gàʼ byìʼì ando ghə̀ ə pfʉ ə bwensə lù fa pfʉ ə sə nyʉ̀ʼ luwen a kwoŋ ətoghə Nyìngòŋ jɨ̀mə̀ a vəghəŋ.

1 Kolìntyàns 15:34

Ghə̀ŋ bwensə vi a ghə̀ŋ a tətof, əghʉ̀sə mbyɨ shi a ghə̀ŋ ə ne. Ma gàʼà alə la ndi diʼsə kətʉ kəŋ kə byìʼì ando ghə̀ŋ vətsevə ko kɨ Nyìngòŋ.

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Gàlesìyà 4:19

Vunə vwomə və juŋəvə, ma zhʉ̀ lɨ̀m kumə ghə̀ŋ to no ando luwàyn nə̀ azhʉ̀ lɨm ə wàyn. Ma ne nzhʉ lɨ̀m to alə ə zaʼa ando ghə̀ŋ ne ntsi ntsìnə̀ to nə̀ Klistò.

Efisyàns 2:18

A diʼ cho fa Yesò a vəghəŋ vətsèm, və Jus nə̀ ətɨmə ə kiʼi Kəzhwì kə mùʼ mu və zizi və dyʉ̀ ashɨ ə Bobo, to vətsèm.

Efisyàns 4:26

Kənyʉ̀ kə zaf ə wìʼ, kə ghə̀ a moʼtə kə ne ghə̀ nè mbyɨ. Kə kənyʉ̀ kə lu zaf ə wìʼ, ghə̀ ŋwʉʼmə nə̀ kəwenkə a wen bèm ə tʉʼ layn.

1 Timotì 2:5

Kə diʼ a jì a ghèn byìʼì ando Nyìngòŋ ə diʼ tò mùʼ, wìʼ ə bè dìʼ tò muʼ a viʼi ə cho fa wen, dyʉ̀ a Nyìngòŋ. Wìʼ a ghèn ə diʼ Yesò Klistò.

1 Timotì 3:14

Mà ə nyòʼò ŋwàʼlə̀ ghèn à wù, kiʼ kwoʼtə la ma nyɨŋ əvi yen wù,

Hibùlù 9:24

Yesò nko ə kwen a kəshi kə ŋwoʼkə mu à bwòm viʼi. Ngə̀ŋ yì a bwomə viʼi ə ndiʼ to kədèmdèm kə ngə̀ŋ Nyìngòŋ a yì akàŋ. Yesò nkwen to no akàŋ a ben ə Nyìngòŋ, luwen sə diʼ ghə̀ sensə Nyìngòŋ a vəghəŋ akəshi.

Jems 1:27

Əbyɨmə a ghə̀ nè la Nyìngòŋ tìʼ vəghəŋ ə lutə̀ su saŋlə no a nkàyn dìʼ la, wù diʼi ə ntùʼmə̀ nə̀ vunə mpfʉ bènə̀ ki mpfʉ a və yenə ngəʼ, be nyɨŋsə wen ə wu fa nyʉ̀ ə mbi.

Jems 3:9

Vəghəŋ ə ghoʼsə̀ Bobo bènə̀ Tìʼ vəghəŋ nə̀ kəwenkə be telə̀ viʼi a Nyìngòŋ nshɨ̀tə̀ a wen a kəmfʉsə̀ tò nə̀ kəwenkə.

1 Bità 2:22

Və nyòʼò li a Ŋwàʼlə̀ Nyìngòŋ la, “Ghə̀ nko ne kənyʉ̀ kə kəbyɨkə kə tsen kə, ko wìʼ ə lù zhʉ la ghə̀ zhò li ndzɨŋ no fa mpfen.”

1 Bità 3:18

Kə bòŋ ə yenə ngəʼ a ji na ghèn byìʼì ando no Yesò fa wen a ngeŋ ə yen li ngəʼ ə pfʉ byìʼì mbyɨsə vəghəŋ ə mwetə shyèʼ wen to ghàyn ə mùʼ. Ghə̀ ndiʼ wù kənyʉ̀ kətɨməkə ali ə pfʉ ə bwoŋsə̀ viʼi nyʉ̀ ə byɨvə ə ne la vəghəŋ vi a Nyìngòŋ. Viʼi ə zhwi wen, ali a pfʉ to kətsoʼ kə əwenə wen, Nyìngòŋ ə ne kəzhwì kə wenkə faŋ ə sə tsi to tsì.

1 Joyn 3:18

Kə vəghəŋ a ndìʼì əkòŋ tò fa nyʉ̀ a vəghəŋ ə gàʼà a vunə vwomə, alì vəghəŋ diʼ ə ndìʼì əkòŋ a nyʉ̀ a vəghəŋ ə nè bènə̀ a nəmwèʼè.

1 Joyn 3:5

Ghə̀ŋ ə kɨ la Klistò ə̀ mvì ə shʉ mbyɨsə viʼi, kò ndìʼ la ghə̀ kiʼi mbyɨ.

1 Joyn 3:7

Vunə vwomə, kə ghə̀ŋ à ghʉ̀sə wìʼ lobtə ghə̀ŋ. No ndò a ghə̀ nè kənyʉ̀ kə tɨməkə dìʼ wù kənyʉ̀ kə tɨməkə ando Klistò dìʼ wù kənyʉ̀ kətɨməkə.

1 Joyn 4:4

Ghə̀ŋ dìʼ viʼi Nyìngòŋ a vunə vwomə, mu ghə̀ŋ ə to li ə ncho viʼi avenə byìʼàndo kəzhwì a kə diʼì à ghə̀ŋ ə tətyɨm ə to chò kì a kə diʼì a mbi.

1 Joyn 5:17

Nyʉ̀ shwevə no tsèm dìʼ mbyɨ, alì mbyɨ tsen dìʼ a ghə̀ ko gə̀sə̀ wìʼ fà əbwòŋ.

1 Joyn 5:21

Kə ghə̀ŋ a nkiʼ kənyʉ̀ kə tsenkə nè wenə vənyìngòŋ a vunə vwomə.

3 Joyn 1:4

No kənyʉ̀ kətsenkə ko diʼ a kə zì kə ne mà be ə ntùʼù saŋlə̀ ə chò ando ma zhʉ li la vunə vwomə tsi a nəmwèʼè.