1 Joyn 1:7 - The New Testament in the Babanki language

⁷ Vəghəŋ sətsèn ə njèʼè a tyì əbayn ndə̀ŋndəŋ ando Nyìngòŋ dìʼ a tyì əbayn mu vəghəŋ tsèntə̀ dìʼ a kənyʉ̀ kə mùʼ, mənlyuŋ mə̀ wàyn wen ə Yesò Klistò be shʉ̀ vəghəŋ fa vəghəŋ a mbyɨsə no sətsèm.

1 Joyn 1:7 ပူးပေါင်းရင်းမြစ်များ

Matìyò 6:12

Lyesə ku ənyʉ̀ ə byɨvə ə yès, tò ndə̀ŋndəŋ ando yès ə lyèsə̀ ku no ndò yì a ghə̀ ne mbyɨ a yès.

Joyn 1:29

Ətʉ̀ʼ ə nlayn li, Joyn yen Yesò ando ghə̀ ə vi, ghə̀ diʼi wen a viʼi ə gàʼ la, “Ghèn diʼ wàyn BYI Njɨ̀ Nyìngòŋ yi a ghə̀ ne shi mbyɨsə viʼi mbyi!

Joyn 12:35

Yesò ə mu gàʼ a vəwenə la, “Ghə̀ŋ na bo kiʼi əbayn to a fəshinə fə zhʉ̀ alə. Ghə̀ŋ ə jèʼè, shì ə bo baynə, kə kəbəŋ kə fenəkə na tyin ghə̀ŋ. Wìʼ ə jèʼe a kəbəŋ kə fenəkə, ko ghə̀ lu yenə la ghə̀ dyʉ̀ fè lo?

Lumans 13:12

Ə tʉʼ ə layn li, kəbəŋ kə sə laynə mwetə vì. Vəghəŋ maʼa li nyʉ̀ kəbəŋ kə fenəkə ə boŋsə lyɨ̀ fo ghòŋ vi a və soynə tsu nə̀nchwì.

1 Kolìntyàns 6:11

Viʼi vətsenvə fa ghə̀ŋ a ntìntìn ndiʼ to lə, ali luwen sə diʼ mù və shʉ li mbyɨ shəŋsə ə ne ghə̀ŋ sə laynə, ə be nè ghə̀ŋ sə diʼ viʼi kənyʉ̀ kətɨməkə a shɨ ə Nyìngòŋ. Ənyʉ̀ a venə ə̀ diʼ mu və fʉ̀ byìʼì kədyòʼ kə Bobo Yesò Klistò mu à nè Kəzhwì kə Nyìngòŋ a vəghəŋ.

Efisyàns 1:7

Yesò zen li kətʉ kə vəghəŋ nə̀ mənlyuŋ mə wen mì a ghə̀ nshʉ̀ʼ ando ghə̀ mpfʉ̀, Nyìngòŋ ə mu lyesə ə ku mbyɨsə vəghəŋ. Nakènkə diʼi ətyɨm ə jùŋ ghə̀ kaynə ghə̀ wen yi a ghə̀ kiʼi a vəghəŋ.

Efisyàns 5:8

Ghə̀ŋ diʼ alə̀ mu ghə̀ŋ ə ndiʼ ati kəbəŋ kə fenəkə to nə̀ viʼi a venə, ali ando ghə̀ŋ sə diʼ vye və Nyìngòŋ luwen, ghə̀ŋ sə diʼ a tyi kəbəŋ kə baynəkə. Ji a ghə̀ŋ ə tsi luwen diʼi ndiʼ to nə̀ vunə kəbəŋ kəbaynəkə.

1 Timotì 6:16

ghə̀ diʼ ko ə ghə̀ lu ə pfʉ, dìʼ a ntìntìn əbayn yi a wìʼ ə zi ko ghə̀ lə bòʼtə̀ ashɨ ə wen ə ki. Wìʼ ko təmə yen Nyìngòŋ a ghèn, ko ghə̀ diʼ ə lu ə yen. Viʼi diʼ ə ghoʼsə wen. Ghə̀ nsoʼo mbi ghèn no nə̀ kədyòʼ no məzhʉ ntsèm! Amèyn.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.

Jems 1:17

No kəku kə jùŋ kə kò a kə bòŋə̀ ə lù fà kàŋ mu à ku Tìʼ a ghə̀ ə nshɨtə bayn. Tìʼ ayì ko lu nkwitə kò ghə̀ lu nè la vəghəŋ ndiʼ a tì mfɨnə̀ byìʼàndo ghə̀ ko lu kwitə.

1 Bità 1:19

Ghə̀ ə nzen ghə̀ŋ to no ə mənlyuŋ mə Yesò, a diʼ mənlyuŋ kiʼi kədyòʼ. Yesò ə ndiʼ to nə̀ wàyn Njɨ̀, ghə̀ nko kiʼi kəluʼ no fa mphen.

1 Joyn 1:3

Yès ə gàʼà ənyʉ̀ a ghə̀ŋ a diʼi ənyʉ̀ a yès ə yen li ə bè zhʉ ndi vəghəŋ ə ntsèntə̀ diʼ a kənyʉ̀ kə mùʼ vəghəŋ və Tìʼ bènə̀ Wàyn wen ə Yesò Klistò.

1 Joyn 1:5

Ntɨm ghèn a yès ə shə̀ʼtə̀ à ghə̀ŋ luwèn dìʼ mu yès ə nzhʉ̀ fà Yesò Klistò. Ntɨm ayì dìʼ la: Nyìngòŋ diʼi əbayn ko mfɨnə̀ lù ndiʼ a wen no fa mpfen.

1 Joyn 5:6

A dìʼ Yesò Klistò aghèn a ghə̀ ə nlu fa kàŋ ə̀ vì a nse, ə̀ shì mu ə̀ bè pfʉ ə̀ chʉ̀tə̀ mənlyuŋ mə̀ wen. Ghə̀ nko shì tò mu ə̀ sè, ghə̀ mbe pfʉ ə̀ chʉ̀tə̀ mənlyuŋ mə̀ wen.

1 Joyn 5:8

Viʼi və yenəvə diʼ vətaʼ, kəzhwì kə ŋwoʼkə, mu, nə̀ mənlyuŋ; viʼi vətaʼ avenə byɨmə a kənyʉ̀ kə mùʼ.

2 Joyn 1:4

Mà tə nsaŋlə̀ no nànto ando mà yenə vunə vyə vətsenvə və dzɨ̀mtə̀ nəmwèʼè tò ando Tìʼ ə̀ ngàʼà à vəghəŋ.

3 Joyn 1:4

No kənyʉ̀ kətsenkə ko diʼ a kə zì kə ne mà be ə ntùʼù saŋlə̀ ə chò ando ma zhʉ li la vunə vwomə tsi a nəmwèʼè.

Kəmwetə 1:5

Boŋə tyɨm bènə̀ mbwaʼmə̀ be diʼ à ghə̀ŋ fà Yesò Klistò ə wu yenə nəmwèʼè, à dìʼ mbì wìʼ a və nlùsə wen fa əpfʉ, à be soʼo wen soʼo təfòn tə mbi tèntə. Ghə̀ kòŋə̀ vəghəŋ. Ghə̀ shisə̀ li vəghəŋ fà vəghəŋ ə mbyɨsə chò fa wen ə mənlyuŋ a ghə̀ mpfʉ a kəntò ə̀ shʉ̀ʼ.

Kəmwetə 12:11

Vəlèmə̀ avenə soyn li ə̀ nzhɨ wen byìʼ mənlyuŋ mə wàyn bi njɨ̀ nəmwèʼè yì a vəwenə tə̀ nshə̀ʼtə̀ bè kòŋə̀ əku təwen tə vəwenə pfʉ byìʼ wen.

Kəmwetə 7:14

Mà bwènsə̀ à wen la, “Ba, à kɨ̀ tò wù.” Ghə̀ mù gàʼ à mò la, “Venə diʼ viʼi a və cho li fa tì ngəʼsə sə̀ fàynsə sə̀. Vəwenə nshʉ li vədàlə və vəwenə ne mənlyuŋ mə wàyn bi ənjɨ̀ və sə fəfə fəfə.