1 Joyn 1:1 - The New Testament in the Babanki language

¹ Yès ə nyòʼò à ghə̀ŋ bìʼì ə̀ ntɨm yì a ghə̀ ku əbwòŋ. Ə ntɨm a ghèn ə ndìʼ fa kənzìtə. Yès ə nzhʉ li, ə yèn nə̀ ashɨ a yes sə, ə bè lye əkùmsə̀ nə̀ avu à yes sə.

1 Joyn 1:1 ပူးပေါင်းရင်းမြစ်များ

Ŋwàʼlə̀ Luk 1:2

Vəwenə nyòʼo nyʉ̀ mu vəghəŋ Zhʉ li fà viʼi vyi a və n-yèn nyʉ̀ avyi no fa kənzìtə, ando və nlyɨ̀ kəshi.

Ŋwàʼlə̀ Luk 24:39

Ghə̀ŋ yèn avu ghomə bènə̀ aghʉ ghomə a ndi lutə̀ su kɨ la a diʼ mo. Mwòmtə mo ə zhʉ byeʼe mpfʉ̀ nse ko kiʼi nyàmə̀ wèn bènə̀ kwoŋə.

Joyn 19:35

Kənyʉ̀ kènkə shə̀ʼtə wìʼ ə yi a ghə̀ yen ando kə nfʉ. Ghə̀ kɨ la ghə̀ gàʼa to nəmwèʼè, shə̀ʼtə̀ nyʉ̀ na venə ndi wù zhʉ̀ ə boŋ byɨmə.

Joyn 20:27

Ghə̀ ngaʼa li a Tòmos la, “wʉ̀ fənyi fə kəvu ə wù akəshi ghèn. A diʼi avu ghomə lə. Naʼsə̀ vi nə̀ kəvu ə kyekə ə ghʉ̀ a mo bèm. Byɨmə, kə wù bè kwoʼtə kənyʉ̀.”

Joyn 5:26

Nyìngòŋ diʼ wìʼ yì a ghə̀ ku ə ntsìnə̀, ndə̀ŋndəŋ a ghə̀ be ne la wàyn wen be ndiʼ wìʼ yì a ntsìnə̀ ə lu fa wen.

Joyn 8:58

Yesò ə bwensə gàʼ a vəwenə la, “Ma gaʼa a ghə̀ŋ tò no nəmwèʼè la, və sə bwi Ablaham mu ma sə diʼ.”

Shwèʼ 1:3

Andìʼ ando Yesò yènə ngəʼ ghoʼo ə̀ pfʉ bè bwènsə̀ lù fa pfʉ, ghə̀ dìʼ wenə wen à viʼi ntɨm wen la yì lu li fa pfʉ nəmwèʼè. Ghə̀ ne a lì tò a jisə a jisə no aghayn à ghoʼoghə a tì mətsi məwum nkàʼ bè gàʼ à vəwenə kùmə soʼ fòyn Nyìngòŋ.

Shwèʼ 4:20

Yès zì ko yès lu faŋ ke gàʼ tò kənyʉ̀ kì a yès ə nyenə be zhʉ.”

Hibùlù 2:3

Kə lə diʼi la, ando vəghəŋ sə diʼ mù və zhʉ li kənyʉ̀ kumə əbwoŋə ə kaynə ghə̀ yì a Nyìngòŋ ə ku lə, vəghəŋ sətsen faŋ ke zhʉtə, ko vəghəŋ lu ə nyɨŋ ngəʼ yì a Nyìngòŋ ə diʼ lù ku. Ntɨm a ghèn diʼ mu à nshə̀ʼtə̀ to no Bobo a ambì, viʼi vyi a və nzhʉ ə ndiʼ li làynsə a yès la ghə̀ diʼ to no nəmwèʼè.

1 Joyn 4:14

Vəghəŋ ə yen li be sə shə̀ʼtə̀ à viʼi vətsenvə la Tìʼ ə ntɨm li wàyn wen a nə̀ mbwòŋsə̀ viʼi mbyi.

1 Joyn 5:7

A dìʼ kəzhwì kəŋwoʼkə diʼ wu yenə a nyʉ̀ avenə byìʼàndo kəzhwì akènkə diʼ nəmwèʼè.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 1:8

Bobo Nyìngòŋ ə Tìʼ àdyoʼ ə̀ tsèm yì a ghə̀ ə̀ ndìʼ, diʼ be diʼ ə lu ndiʼ gàʼ la, “Mà dìʼ ə mbì be diʼ əbam.”

Kəmwetə 19:13

Ghə̀ ə̀ ndìʼ mu ghə̀ mòʼ ndisə mu və chʉ li a mənlyuŋ. Əzhiʼ a və ndzàŋə̀ wen tsu ə̀ ndìʼ la, “Əgàʼ ə Nyìngòŋ.”

Kəmwetə 2:8

Ghə̀ bè gàʼ la, “Nyoʼo à ntsɨ̀ŋ ngə̀ŋ Nyìngòŋ a ngə̀ŋ ntsèntə̀ viʼi və byɨməvə a Smylna la: Ghèn dìʼ ntɨm fà wìʼ yì a ghə̀ dìʼ ə mbì be diʼ ə̀ bàm, wìʼ yì a ghə̀ mpfʉ ə̀ bè bwènsə̀ lù fa pfʉ.