1 Bità 5:4 - The New Testament in the Babanki language

⁴ Ghə̀ŋ ə nè alə, ndi wìʼ yi a ghə̀ diʼi to nə̀ kətʉ kə a ətsɨŋsə byisə lù bwenə vi no a tʉʼ ə ko ə ku əsòʼ ə təfòyn nə̀ əmòʼtə a ghə̀ŋ, ghə̀ baynə, ko ghə̀ lu musɨ.

1 Bità 5:4 ပူးပေါင်းရင်းမြစ်များ

Joyn 10:11

“Ma diʼ no ntsɨ̀ŋ byisə ə jùŋ. Ntsɨ̀ŋ byisə ə jùŋ nə diʼ yi a ghə̀ saŋlə ə pfʉ byìʼì byisə a ghə̀ tsɨ̀ŋ.

1 Kolìntyàns 9:25

Nò ndò nə̀ zhʉsə shəmə kənyʉ̀, ghə̀ sə ziʼi ə nè kənyʉ̀ na kì, shɨtə ghaʼa wèn ə wen to ji sətsèm. Vəwenə nə̀ ne və sə ne ali ndiʼ kiʼi əmòʼtə, ko ghə̀ ndiʼ ə lu faŋ, ali vəghəŋ diʼ lù kiʼi əmòʼtə, a ghə̀ diʼ ə tsì ə faŋ.

2 Timotì 4:8

Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

Hibùlù 13:20

Ma jɨ̀mə̀ la Nyìngòŋ ghə̀ŋ a ghə̀ kù mbwaʼmə a viʼi, ku no tèbè gho ə jùŋ a ghə̀ŋ ndiʼ ghə̀ŋ kɨ ə nè no tèbe ghò na yi a ghə̀ kəŋ. A diʼi wen a ghə̀ ə̀ nlùsə Bobo vəghəŋ Yesò fa pfʉ, Yesò ghèn diʼ ntsɨŋ byisə ə ghoʼo luwen byìʼì məkàyn mì a mə fàŋ li to ghaynə əmùʼ. Ghə̀ nchiʼ məkàyn na mèyn nə̀ mənlyuŋ mə wen. Ma jɨ̀mə̀ la Nyìngòŋ ə nè kənyʉ̀ ki a kə kwʉ̀ʼ a wen a ghə̀ŋ wèn chò fa a Yesò Klistò. Əkuʼsə ndyʉ̀ a wen to məzhʉ̀ ntsèm. Amèyn.

Jems 1:12

Mbwaʼmə̀ dìʼ à wìʼ yì a ghə̀ ghaʼa tyɨm a zhʉ a təmwòmsə̀ tə vì à wen. Byiʼàndo ghə̀ sətsèn ə̀ to chò təmwòmsə̀ a tèntə, ghə̀ a kiʼi əzhùʼtə̀ yi a Nyìngòŋ ə nghʉ li la ghə̀ a ku à viʼi a və kòŋə̀ wen.

1 Bità 1:4

ə be kiʼi əghoʼ a kàŋ to ando Nyìngòŋ ə nghʉ̀ li mu ghə̀ zizi ko ghə̀ lu fwè, ko byɨf, ko kwitə əkə̀ʼ. Ə ghoʼ na ghənə ə diʼ a ghə̀ŋ ə viʼi Nyìngòŋ.

1 Bità 2:25

byìʼì ando ghə̀ŋ ə nkumə jèʼe to nə̀ ə byisə və njɨ̀ a sə le li jì, ali luwen sə diʼ mù Nyìngòŋ ə bwensə li lyɨ̀ ə vi nə̀ ghə̀ŋ a Ntsɨŋ byisə, à wìʼ yi a ghə̀ tsɨŋ əzhwì ə vəŋə.

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.

Kəmwetə 3:11

Mà sə̀ laʼtə̀ ə bwènə̀ vì, ghə̀ŋ tuʼù ə̀ ghàʼ tò əziʼi yi a ghə̀ŋ sə̀ kiʼ ndi kə wìʼ lù sòʼ əmoʼtə ghəŋə.