1 Bità 5:3 - The New Testament in the Babanki language

³ Kə ghə̀ŋ a zhiʼtə viʼi vyi a və ku la ghə̀ŋ tùʼmə̀ nə̀ vəwenə. Ghə̀ŋ ə nboŋsə diʼ nchwi a vəwenə.

1 Bità 5:3 ပူးပေါင်းရင်းမြစ်များ

Joyn 13:15

Mà diʼi li nchwi a ghə̀ŋ ndi ghə̀ŋ nè to ando mà nè.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

1 Kolìntyàns 11:11

Nò tèbè ali, a vəghəŋ vyi a və byɨmə a Bobo, wùwì ə ko ti fa wen a ngəŋ, a bwen fa wulɨm, ko wulɨm ə ti fa ngəŋ, a bwen fa wùwì.

1 Kolìntyàns 3:5

Nò tèbe ali, Abolòs diʼ ndò, Bol diʼ ndò? A vəwenə ə diʼ to viʼi ə shyèʼ a Nyìngòŋ ə ku a ghə̀ŋ la vəwenə shə̀ʼtə̀ ntɨm ə jùŋ ghə̀ŋ zhʉ, ə byɨmə. Nò tèbe ndò ə ne to shwèʼ yì a Bobo ku la ghə̀ ə nè.

1 Kolìntyàns 3:9

Yès no və tsèm ə tsèntə shyèʼ to a Nyìngòŋ. Ghə̀ŋ diʼ əsɨm Nyìngòŋ be diʼ ngə̀ŋ wen.

2 Kolìntyàns 1:24

Vəghəŋ ə kɨ to no nəmwèʼè la əbyɨmə ə ghəŋə to, ko yès ə lu kòŋ ə ntenlə wìʼ tenlə la ghə̀ ne kənyʉ̀ kumə əbyɨmə ə wen. Yès ə boŋsə kòŋ ə vi la vəghəŋ tsentə ə ne kənyʉ̀, kə vi to nə̀ saŋlə a ghə̀ŋ.

2 Kolìntyàns 4:5

Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

Filìbàyns 3:17

Vəlèmə vwomə ghə̀ŋ nè tò ə ndzɨ̀mtə̀ ənyʉ̀ a ma nè. Ghə̀ŋ ə ntùʼtə̀ lyè viʼi vyi a və jèʼè a jisə jùŋə sə shì a yès tə̀ dìʼ la ghə̀ŋ ə njèʼè fa tsu.

Filìbàyns 4:9

Ghə̀ŋ ə nè ənyʉ̀ vyi a ghə̀ŋ ziʼì fà mò, vyi a ghə̀ŋ shi fà mò, vi a ghə̀ŋ zhʉ ando mà gàʼà bènə̀ vi a ghə̀ŋ yenə ando mà nè. Sətsen ghə̀ŋ ə nè alə Nyìngòŋ a ku mbwaʼmə̀ a ghə̀ŋ mbe ndi və̀ vəwenə.

1 Tèsàlonyà 1:7

Ali, ghə̀ŋ bwensə ə sə diʼ to nə̀ nchwi a viʼi və byɨməvə a Màsìdonìyà nə̀ Akayà.

2 Tèsàlonyà 3:9

A ko diʼ la yesə nko kiʼi kədyòʼ ə gàʼ la ghə̀ŋ loʼ yes a əshyèʼ yi a yès ə nè ali faŋ sə shyèʼ to shyèʼ ndi ghə̀ŋ shəmə ə boŋ shyèʼ to nə̀ yes.

1 Timotì 4:12

Kə a ghʉsə la wìʼ chasə wù byìʼì ando wù dìʼ wàyndyə. Wu diʼ ə ndiʼ kəchwitə à viʼi və byɨməvə, a jisə yi a wù gaʼa fatsu. Wù ntsi ntsìnə̀ ə jùŋ, kòŋ viʼi, diʼi la wù byɨmə à Klistò bè dìʼ nə̀ layn ə.

Taytùs 2:7

No nkàyntə̀ wù a Taytùs diʼ ndìʼì kəchwitə kə jùŋə kə no tè a gho yì a wù nè. Ghaʼ əziʼi wu ghə̀ to; kə wù lyɨ̀ a dem a dem.

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.