အွန်လိုင်း သမ္မာကျမ်းစာ

« အရင်

နောက်တစ်ခု »

1 Bità 5:12 - The New Testament in the Babanki language

¹² A gyàmtə̀ Silàs ngyàmtə̀ mò ma nyoʼtə fə ŋwàʼlə̀ na fenfə a ghə̀ŋ. Ghə̀ diʼ to no lèmə̀ ə jùŋ a əbyɨmə. Mà nyoʼtə mənyʉ̀tə a mèyn ndiʼ ghə̀ŋ lɨ̀mtə̀, ə be ə diʼi a ghə̀ŋ la Nyìngòŋ ə nshɨtə tùʼmə̀ nə̀ ghə̀ŋ. Ghə̀ŋ tɨmə ə nto a tuʼmə a ghèn.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

1 Bità 5:12
24 ပူးပေါင်းရင်းမြစ်များ

Joyn 21:21

Bità ə yen ali ə bèm a Yesò la, “Kə na ndiʼ ale a ghèn a Bobo?”

အခန်းကိုကြည့်ပါ။

Shwèʼ 11:23

Ghə̀ dyʉ̀ tsu ə̀ yèn ando Nyìngòŋ diʼì li tyɨm jùŋghə à vəwenə, ə̀ sə saŋlə no nànto ə sènsə vəwenə la vəwenə mboʼsə Nyìngòŋ nə̀ tyɨm vəwenə no tsèm.

အခန်းကိုကြည့်ပါ။

Shwèʼ 15:22

Viʼi ntɨm Yesò nə̀ vəchəʼ bènə̀ nòyn viʼi vəbyɨməvə vi no tsèm mù ghʉ̀ la vəwenə a tsuʼ viʼi vətsenvə fà vəwenə a ntìntìn ə tɨm wenə̀ və Bol nə̀ Balnabas a Antìyòk. Vəwenə ntsùʼ Silàs wenə̀ Judàs a zhiʼ wen tsenghə ndìʼ Balabas. Vəwenə ndìʼ viʼi, a viʼi vətsèm ngumlə̀ vəwenə.

အခန်းကိုကြည့်ပါ။

Shwèʼ 20:24

A kòŋ à cho tè ghò nə̀ mò, mà diʼi myètə shwèʼ yi a Bobo Yesò tə kù la mà ə nè. Shyèʼ ayi diʼ la mà shə̀ʼtə̀ ntɨm jùŋ byìʼì boŋə tyɨmə a Nyìngòŋ kìʼ a viʼi.

အခန်းကိုကြည့်ပါ။

Lumans 5:2

A ne wen la vəghəŋ nkiʼi ətyɨm ə jùŋə ghə Nyìngòŋ ə byìʼì əbyɨmə ə vəghəŋ. Vəghəŋ ə ti to a kwi ətyɨm ə jùŋə ghə̀ a ghèn be naynə, kɨ nəmwèʼè la Nyìngòŋ ə lu gətə ku vəghəŋ nə̀ əbayn yì a ghə̀ kiʼi.

အခန်းကိုကြည့်ပါ။

1 Kolìntyàns 15:1

Ma kəŋ luwen a vəlemə vwomə ə dzɨŋtə ghə̀ŋ nə̀ ntɨm ə jùŋ yì a ma ə nshə̀ʼtə̀ a ghə̀ŋ, ghə̀ŋ zhʉ ə byɨmə ə sə ti to tsu.

အခန်းကိုကြည့်ပါ။

2 Kolìntyàns 1:19

Ghə̀ŋ kɨli la Wàyn Nyìngòŋ, ə Yesò Klistò yi a yo və Timotì nə̀ Silàs tə nshə̀ʼtə̀ kənyʉ̀ kə wen a ghə̀ŋ ə ko nə̀ gaʼa təgàʼ tə bò. Ghə̀ ngaʼa to kənyʉ̀ ki a kə diʼi nəmwèʼè a nə̀ Wàyn Nyìngòŋ.

အခန်းကိုကြည့်ပါ။

2 Kolìntyàns 1:24

Vəghəŋ ə kɨ to no nəmwèʼè la əbyɨmə ə ghəŋə to, ko yès ə lu kòŋ ə ntenlə wìʼ tenlə la ghə̀ ne kənyʉ̀ kumə əbyɨmə ə wen. Yès ə boŋsə kòŋ ə vi la vəghəŋ tsentə ə ne kənyʉ̀, kə vi to nə̀ saŋlə a ghə̀ŋ.

အခန်းကိုကြည့်ပါ။

Efisyàns 3:3

Ənyʉ̀ a venə diʼ ə nyʉ̀ lyomtəvə vyi a Nyìngòŋ ə mbaʼtə li ə ghʉ̀, a sə kɨ to wen, ə diʼi làynsə a mò, mà sə nyòʼ a ghə̀ŋ to kətemə.

အခန်းကိုကြည့်ပါ။

Efisyàns 6:21

Ma tɨmə Tikikùs, ghə̀ a shə̀ʼtə̀ no tèbe ghò a ghə̀ŋ ando ghə̀ŋ kiʼi soʼgho kumə mò nə̀ kənyʉ̀ ki a ma ne. Yès ə kòŋ wen no akàyn. Ghə̀ diʼ to no lèmə̀ vəghəŋ a byɨmə, shwèʼè a Bobo to no nə̀ ətyɨm ə wen ə tsèm.

အခန်းကိုကြည့်ပါ။

Kòlòsyàns 1:7

Ghə̀ŋ nziʼi ntɨmə jùŋə na ghèn fa Èbafàlàs. Yès əkòŋ wen no nànto yo wen tsentə shwèʼè a Yesò. Ghə̀ shwèʼè a Klistò nə̀ tyɨmə wenə no tsèm. Ghə̀ shwèʼè ə shwèʼ a yès tə ndiʼ nshwèʼè.

အခန်းကိုကြည့်ပါ။

Kòlòsyàns 4:7

Lèmə̀ əkòŋ vəghəŋ Tikikùs a əshəʼtə əsoʼgho ə tsèm a ghə̀ŋ kumə mò. Yès ə tsèntə shwèʼè a Bobo amuʼ, ghə̀ shwèʼè to no nə̀ ətyɨm ə wen ə tsèm.

အခန်းကိုကြည့်ပါ။

Kòlòsyàns 4:9

Ghə̀ vi wenə Onesimùs ə lèmə̀ vəghəŋ yi à diʼ tamə wù ənòyn nə̀ ghə̀ŋ. Ghə̀ diʼ tamə wù ə byɨmə ə jùŋə, yes ə kòŋ wen no nànto. Vəwenə ne shə̀ʼtə̀ no tèbe ghoʼ yi a ghə̀ nfʉ̀ ashə.

အခန်းကိုကြည့်ပါ။

1 Tèsàlonyà 1:1

A nyòʼò mò Bol nə̀ Silàs nə̀ Timotì nyòʼtə̀ ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Nyìngòŋ ə Tìʼ vəghəŋ nə̀ Bobo Yesò Klistò. Nyìngòŋ ə diʼi ətyɨm ə jùŋ ghə̀ a ghə̀ŋ ə nè la ghə̀ŋ ə tsi nə̀ mbwaʼmə.

အခန်းကိုကြည့်ပါ။

2 Tèsàlonyà 1:1

A nyòʼò mò Bol yo Silàs nə̀ Timotì nyoʼtə ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Tìʼ vəghəŋ ə Nyìngòŋ, be diʼ viʼi Bobo Yesò Klistò.

အခန်းကိုကြည့်ပါ။

Hibùlù 13:22

Vəlemə ə vwomə ma sensə la ghə̀ŋ shɨtə ghaʼ nyʉ̀ venə a mà gàʼa lə̀. Ma ko nyoʼ nyʉ̀ ə ghoʼo və.

အခန်းကိုကြည့်ပါ။

1 Bità 1:13

Ghə̀ŋ baʼtə̀ li tə wen ə təŋtə, bvɨtə ə nè shyèʼ yì a Nyìngòŋ ə kəŋ. Ghə̀ŋ ə shɨtə ghaʼa təwen ə təŋtə, ghʉ̀ tə kwoʼtə təŋtə a bwaʼmə a ghèn a Nyìngòŋ ə diʼ lù ku a ghə̀ŋ a tʉʼ a Yesò Klistò lu bwenə vì.

အခန်းကိုကြည့်ပါ။

1 Bità 4:10

Nyìngòŋ ə bwàʼsə li ghə̀ŋ ə ku mə ku to a tənkì a tənki. Kə lə diʼi la no ndò ə diʼ ə lyɨ̀ kəku kə wen kì a Nyìngòŋ ə ku li ə nè jùŋ a viʼi vətsenvə nə̀ kəwenkə to nə̀ viʼi shyèʼ və jùŋvə Nyìngòŋ.

အခန်းကိုကြည့်ပါ။

2 Bità 1:12

Ali, mà ndzə̀ŋtə̀ nyʉ̀ a venə to dzəŋtə a ghə̀ŋ no tèbe ando ghə̀ŋ ə kɨ li be diʼ mu ghə̀ŋ ghaʼ li nyʉ̀ a venə a və diʼi nəmwèʼè lə, və əto.

အခန်းကိုကြည့်ပါ။

2 Bità 2:15

Vəwenə moʼtə li ji ə jùŋ sə jèʼe fa ji ə̀ Balàm, ə wàyn Beyò yi a ghə̀ ə kòŋ əko yi a ghə̀ ə nkiʼ, fa nyʉ̀ ə byɨvə vyi a ghə̀ nè.

အခန်းကိုကြည့်ပါ။

3 Joyn 1:12

Viʼi vətsèm ə gàʼà njùŋ byìʼì Demetyòs, nkàntə̀ nəmwèʼè be diʼi njùŋ a wen a ntsìnə̀, mà be gàʼà, wù kɨ la kənyʉ̀ a mà gàʼà byìʼì wen dìʼ nəmwèʼè.

အခန်းကိုကြည့်ပါ။

Ŋwàʼlə̀ Jud 1:3

Ma tə ə kòŋ ə nyòʼò a ghə̀ŋ, a doŋ shomsə jùŋ sə kumə ando Nyìngòŋ ə tsèntə bwòŋsə̀ vəghəŋ vətsèm, ali ə yen la kə bòŋ la mà zaŋsə nyòʼ ə tyɨftə ghə̀ŋ la ghə̀ŋ nè shwèʼè no nə̀ kədyoʼkə ə ghaʼ əbyɨmə yi a viʼi Nyìngòŋ ə kiʼi. Əbyɨmə ghenə diʼ to əmùʼ, mu Nyìngòŋ nku li a viʼi wen to ghayn əmùʼ.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ