1 Bità 5:1 - The New Testament in the Babanki language

^1-2 Ma sensə vəchəʼ və ngə̀ŋ Nyìngòŋ vyi a və diʼi a ghə̀ŋ a ntìntìn la və ə shɨtə tùʼmə̀ nə̀ viʼi vyi a Nyìngòŋ ə kuli a vəwenə to nə̀ byisə. Ghə̀ŋ kɨli la nkàyntə̀ mo diʼ to no chəʼ mu ma ə yen li to ando Klistò yènə ngəʼ. Ma diʼ to a ntìntìn əbayn yi a Nyìngòŋ ə lu diʼ a tʉʼ a Yesò lu bwenə vi. Ghə̀ŋ sə tuʼmə nə̀ vəwenə, ghə̀ŋ ə diʼi la ghə̀ŋ kòŋ kənyʉ̀ kì a ghə̀ŋ nè. Kə ghə̀ŋ a nè sə və ghaʼ ghə̀ŋ ghaʼ, byìʼì ando Nyìngòŋ ə kòŋ la ghə̀ŋ ə nè a ji na ghèn. Ghə̀ŋ ə ghablə, nè shwèʼ. Kə ashɨ a ghəŋə baŋə a ko.

1 Bità 5:1 ပူးပေါင်းရင်းမြစ်များ

Ŋwàʼlə̀ Luk 24:48

Ghə̀ŋ diʼ viʼi a ghə̀ŋ zhʉli bè yèn nyʉ̀ venə.

Shwèʼ 1:8

Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Shwèʼ 11:30

Vəwenə tsèntə̀ fo a vyi ə̀ tɨ̀m Balnabas wenə̀ Saul la vəwenə lyɨ̀ ə̀ dyʉ̀ nə̀ wenəvə à vəchəʼ və ngə̀ŋ Nyìngòŋ.

Shwèʼ 14:23

Andìʼ no a ntsèntə̀ viʼi vəbyɨməvə,ko Bol wenə̀ Balnabas ə tsuʼ vəchəʼ və ngə̀ŋ Nyìngòŋ, ə̀ kù à vəwenə. Vəwenə nè tsu, vəwenə jɨ̀mə̀ bè bàmə chʉ̀ mù ghʉ̀sə vəchəʼ a vyi a avu Nyìngòŋ yì a vəwenə nghʉ choʼsə vəwenə à wen.

Shwèʼ 15:4

Vəwenə nè dyʉ̀ zaʼa a Jelusalèm, nòyn viʼi vəbyɨməvə, nə̀ viʼi ntɨm Yesò bènə̀ vəchəʼ shisə vəwenə. Vəwenə shə̀ʼtə̀ à viʼi avenə ando Nyìngòŋ tə ngyàmtə̀ vəwenə, vəwenə nè no tè ghò a vəwenə tə nkəŋə ənè.

Shwèʼ 15:6

Viʼi ntɨm Yesò bènə̀ vəchəʼ vi ghaʼ ntsèntə̀ ə lye kənyʉ̀ akènkə.

Shwèʼ 2:32

Nyìngòŋ nkye li la Yesò aghèn lu fa pfʉ. Vəghəŋ vətsèm dìʼ viʼi və yenəvə a kənyʉ̀ aghèn.

Shwèʼ 20:17

Andìʼ ando Bol ndìʼ a Miletùs, ghə̀ tɨm ntɨm à vəchəʼ və viʼi vəbyɨməvə a Efesùs la vəwenə vì ə̀ yenə wen.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Shwèʼ 21:18

Tʉʼ layn, yo və Bol dyʉ̀ yèn Jems ali vəchəʼ və viʼi və byɨməvə.

Shwèʼ 3:15

Ghə̀ŋ nè a lì və zhwì wìʼ yì a ghə̀ bòʼò jì bwòŋ à viʼi, alì Nyìngòŋ lùsə̀ wen fa pfʉ. No nkàntə̀ yès ə̀ ndìʼ viʼi və yenəvə a kənyʉ̀ aghèn.

2 Kolìntyàns 5:1

Vəghəŋ kɨ la və sətsen ə byɨbsə fəngə̀ŋ fə kətsoʼ kə wèn fenfə a kəzhwì kə vəghəŋ kə tsì tsu a nse ashə lə̀, Nyìngòŋ a ku ngə̀ŋ kəzhwì a vəghəŋ akàŋ ko ndiʼ la və bwom nə̀ avu, ghə̀ diʼ ə tsì ə faŋ.

2 Kolìntyàns 5:8

Nəmwèʼè, vəghəŋ to tò to a vəghəŋ a byɨmə, boŋsə kòŋ ə moʼtə əwen ghenə ə dyʉ̀ ə ntsi a ben ə Bobo.

Filìbàyns 1:19

Ma saŋlə byìʼì ando ma kɨli la əjɨ̀m ə ghəŋə nə̀ gyamtə kəzhwì kə Yesò Klistò kə gyàmtə̀ mà nè bwòŋ ə fʉ̀ fa nfɨŋ ashə.

1 Timotì 5:1

Mà gàʼà à wù la kə wù ne kaʼsə gaʼa à wu ə to a kədyòʼ. Wù sə ngàʼà, wù ə lyɨ̀ wen to nə̀ tìʼ wù. Wù sə ə ne kənyʉ̀ à wìʼ, a wu diʼ wuto fa wen, wu ə lyɨ̀ wen tò nə̀ lèmə̀ wù.

1 Timotì 5:19

Wìʼ ə vi ə gàʼa kənyʉ̀ kə byɨkə à wù byìʼì chəʼ ngə̀ŋ Nyìngòŋ, kə wu a zhʉ̀tə, a bwen tò la ghə̀ gàʼa li alì, no viʼi vətsenvə tomsə wen.

2 Timotì 4:8

Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

Taytùs 1:5

Mà tə̀ ghʉ̀sə wù a Klete la wù myetə shyèʼ yi a ghə̀ tə̀ fàŋ tsu ə̀ bè tsùʼtə vəchəʼ və ngə̀ŋ Nyìngòŋ no a ntə̀ʼ ko ando mà tə gàʼ à wù.

Filimùyn 1:9

Ali ma boŋsə sensə wù sensə byìʼì ə koŋə yi a ma kiʼi a wù. Mò Bol, a diʼ nə̀ wù to be diʼ a ngə̀ŋ nfɨŋ byìʼì ando ma shwèʼè a Yesò Klistò.

Hibùlù 12:1

Ando vəghəŋ sə diʼ mù və yen li ənòyn ə nchwò nsòʼ kumə əbyɨmə mu və kaʼ li mbum vəghəŋ to kədə̀ŋ lə, vəghəŋ maʼa li no tèbe kəbyèʼè kə kò ki a kə taʼsə vəghəŋ be maʼa no mbyɨ ə kò yi a ghə̀ kwiʼi vəghəŋ ə wensə nyɨŋə kənyɨŋ ki a Nyìngòŋ ə ghʉ̀ la vəghəŋ nyɨŋə.

1 Bità 1:12

Nyìngòŋ ə ndiʼi li làynsə a nshə̀ʼtə̀sə ghoʼokəsə na sensə la vəwenə ə shə̀ʼtə̀ ntɨm na ghèn ko vəwenə shəʼtə̀ a və wenə təwen, la vəwenə ə boŋsə shyèʼ a ghə̀ŋ. Nyìngòŋ ə sə diʼ mù ghə̀ tɨm li Kəzhwì kə Ŋwoʼkə a viʼi mu kə lù fa kàŋ, və shə̀ʼtə̀ nyʉ̀ na venə a ghə̀ŋ chò fa a ntɨm ə jùŋ, a diʼ nyʉ̀ a no tèbe ətsɨŋsə Nyìngòŋ əkòŋ ə kɨ.

1 Bità 1:7

Təmwòmsə̀ na tentə ə vi a ghə̀ŋ ə ne la viʼi yen əkɨ la ghə̀ŋ kiʼi no nkàyntə̀ əbyɨmə. Və nə̀ mwomsə gul nə̀ zhiʼ ali a diʼ kəfo a kə ko kuʼmə zàʼa tebè a nə̀ əbyɨmə, mu kə zi kə byɨf. Kə le diʼi la, və diʼ mwomsə əbyɨmə ə ghəŋə byìʼì ando à diʼ kəfo a kə kuʼmə chò gul ndiʼ à lù ndiʼ a kətsi a Yesò Klistò bwenə vì, Nyìngòŋ ə bwomsə ghə̀ŋ ə be ku əghoʼ ə wen a ghə̀ŋ.

1 Bità 4:13

Ghə̀ŋ ə boŋsə saŋlə la ghə̀ŋ yenə ngəʼ ndə̀ŋndəŋ to nə̀ Yesò ndiʼ ghə̀ lù sə bwenə vi a ntìntìn əbayn ə ghoʼo ghə̀ ə wen, ghə̀ŋ ə saŋlə no nànto.

1 Bità 5:4

Ghə̀ŋ ə nè alə, ndi wìʼ yi a ghə̀ diʼi to nə̀ kətʉ kə a ətsɨŋsə byisə lù bwenə vi no a tʉʼ ə ko ə ku əsòʼ ə təfòyn nə̀ əmòʼtə a ghə̀ŋ, ghə̀ baynə, ko ghə̀ lu musɨ.

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.

2 Joyn 1:1

A nyòʼò mò ə chəʼ ngə̀ŋ ə̀ Nyìngòŋ nyòʼò ŋwàʼlə̀ ghèn à wùwì yì a Nyìngòŋ ə ntsuʼ li wenə vunə wen a mà kòŋə̀ no nəmwèʼè. A ko kòŋə̀ tò mò, viʼi vətsèm a və kɨ nəmwèʼè ə bè kòŋə̀ vəwenə,

3 Joyn 1:1

A nyòʼò mò ə chəʼ ə̀ ngə̀ŋ Nyìngòŋ nyòʼò ŋwàʼlə̀ ghèn à wù ə Gayòs ə̀ wù ndoŋ ə̀ mò a mà kòŋə̀ no nəmwèʼè.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.