1 Bità 4:17 - The New Testament in the Babanki language

¹⁷ Kə diʼ alə̀ byìʼì ando zhʉ̀ kʉʼʉ li a Nyìngòŋ a soʼ mbi, ghə̀ diʼ ə zìtə̀ nə̀ viʼi wen. Ghə̀ lə sətsen ndiʼ boŋsə zìtə̀ ə soʼ vəghəŋ a ambì, kə lə na ndiʼ ale a viʼi a və ko byɨmə ntɨm ə jùŋ a?

1 Bità 4:17 ပူးပေါင်းရင်းမြစ်များ

Ŋwàʼlə̀ Luk 23:31

Byìʼe a zhʉ a vəwenə zì və nè nkì nyʉ̀ vènə a mò a ma diʼi tò nə̀ fəkoʼ fəzhʉfə kə ne ndiʼ alə̀ à fəzɨmfə a?”

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Lumans 2:9

Nò ndo a ghə̀ ne mbyɨ lu yen nə̀ ngəʼ ghə̀ to, ə be zhʉ əlɨ̀m. Ngəʼ a yi lu zìtə̀ fa və Jus a mbì ə kùmtə nə̀ viʼi ətɨm.

Gàlesìyà 3:1

Ghə̀ŋ nkoyn ə viʼi Gàlesìyà venə! Və lùʼ ghə̀ŋ lùʼu mu? A və tə diʼ mwetə to no ando və ə bayntə Yesò Klistò a kəntò a ghə̀ŋ!

Gàlesìyà 5:7

Ghə̀ŋ tə nè akayn. Ma ko kɨ la à tə be tàʼsə ghò tàʼsə ghə̀ŋ la kə ghə̀ŋ ghaʼ kənyʉ̀ kì a kə diʼ nəmwèʼè lo?

Gàlesìyà 6:10

Kə lə diʼi la, no zhʉ̀ko a vəghəŋ kiʼ ji nè jùŋ, vəghəŋ nè to a viʼi və tsèm, be nè no nəkwoŋ a viʼi vyi a vəghəŋ və vəwenə ə kiʼi əbyɨmə ə mùʼ.

2 Tèsàlonyà 1:8

A lu ndiʼ ando ghə̀ shiʼi vi wenə ə ntsɨŋsə wen na shisə, kəlwàŋ kə əzhiʼ kə ə bolə, ghə̀ bwensə lòʼ viʼi vyi a və tə mò Nyìngòŋ ə be tensə la və ko zhʉ̀ tebè kənyʉ̀ ki a ntɨm ə jùŋ kumə Bobo vəghəŋ Yesò ə gàʼa.

1 Timotì 3:15

mu kənyʉ̀ kə sətsen ə nè la mà laʼtə, wù a kɨ jì shiʼsə a viʼi diʼ ə nə̀ tsi fatsu a ngə̀ŋ ə Nyìngòŋ, a diʼ nòyn ə viʼi və byɨməvə ə Nyìngòŋ yì a ghə̀ tsi. Ənòyn a ghenə tomsə kənyʉ̀ ki a kə diʼi nəmwèʼè. Tomsə əziʼi nəmwèʼè tò ando kətaʼa nə̀ kəchɨ kə ngə̀ŋ kə ə ne kə sə to, bè ghaʼa ngə̀ŋ la ghə̀ tɨmə nto.

Hibùlù 11:8

Ablaham ə mbyɨmə a Nyìngòŋ ando ghə̀ dzàŋ wen, ghə̀ lu dyʉ̀ alòʼ yi a ghə̀ ne ku a wen. Ghə̀ ə ndyʉ̀ ali ko ghə̀ ntɨmə kɨ lòʼ a yi.

Hibùlù 2:2

Vəghəŋ ə kɨ la ntɨm yì a ntsɨŋsə Nyìngòŋ sə ə nvi nə̀ wen ndiʼ nəmwèʼè. Nyìngòŋ ə ku ngəʼ yì a ghə̀ nə̀ kwʉ̀ʼ no tèbè a ndò yi a ghə̀ faŋ ke zhʉtə ntɨm na yì ə ne kənyʉ̀ a ghə̀ gaʼà.

Hibùlù 2:4

Nyìngòŋ ə nè li tamə nchwisə nyʉ̀ ə kaynəvə, to a tənkì a tənkì, ə be ku kəku a viʼi ando ghə̀ kòŋ chò fa kəzhwì kə Ŋwoʼkə ə diʼ la ntɨm a ghèn ne diʼ to no nəmwèʼè.

Hibùlù 3:6

Alì, Yesò, shyèʼ to no akayn to nə̀ wàyn Nyìngòŋ no tèbe ghò a ngə̀ŋ ə Tìʼ wen diʼ to a wen a kəvu. Vəghəŋ sətsen ghaʼa əbyɨmə ghə̀ to, vəghəŋ ne saŋlə kumə kəfo kì a vəghəŋ ə ki dyʉ̀sə nə̀ kəwenkə, vəghəŋ diʼ viʼi wen, à diʼ ngə̀ŋ wen na yì.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

1 Bità 2:5

Ghə̀ŋ be boŋsə diʼ to nə̀ nguʼsə a sə tsi. Kə le diʼi la və diʼ ə lyɨ̀ ghə̀ŋ ə bwòm ngə̀ŋ Nyìngòŋ tsu, la ghə̀ŋ ə diʼ vəpfèm ngə̀ŋ Nyìngòŋ və laynəvə, ku kəku kə kəzhwì a Nyìngòŋ a kə kʉʼʉ, chò fa a Yesò Klistò.

1 Bità 2:8

Və be ə nyòʼo a Ŋwàʼlə̀ Nyìngòŋ la: “A diʼi ngùʼ, viʼi kaŋtə tsu, a diʼ təwu, diʼ ə nè la viʼi ə foŋkə”. Viʼi ə kaŋtə tsu byìʼì ando vəwenə ko zhʉ tebè ntɨmə Nyìngòŋ, a diʼ kənyʉ̀ ki a Nyìngòŋ ə ghʉ̀ li la vəwenə nè.