1 Bità 4:10 - The New Testament in the Babanki language

¹⁰ Nyìngòŋ ə bwàʼsə li ghə̀ŋ ə ku mə ku to a tənkì a tənki. Kə lə diʼi la no ndò ə diʼ ə lyɨ̀ kəku kə wen kì a Nyìngòŋ ə ku li ə nè jùŋ a viʼi vətsenvə nə̀ kəwenkə to nə̀ viʼi shyèʼ və jùŋvə Nyìngòŋ.

1 Bità 4:10 ပူးပေါင်းရင်းမြစ်များ

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

Matìyò 24:14

Və lu shə̀ʼtə̀ ntɨm jùŋə byìʼì soʼ Fòyn Nyìngòŋ a mbi ghèn no tsèm ndi viʼi təloʼ no tətsèm kɨ nəmwèʼè fa yi a bàm zhʉ mu kwʉ̀ʼ ə mbi me.

Matìyò 24:21

byìʼàndo tʉʼ ayi lu vì ngəʼ yi mfàynsə̀ chò ngəʼsə no sətsèm; kèn la wìʼ ntəmə yen fa tʉʼ a mbi nzìtə əzaʼa fa tʉʼ a ghə̀ lu mè.

Matìyò 24:45

Yesò bè mù bèm la, “Wù shyèʼ yì a ghə̀ zhʉ ti shyèʼ wen be tofə li diʼ ghə̀ ko lo? A diʼi yì a ti shyèʼ wen bʉʼsə ndyʉ̀ a jèʼ ghə̀ ghʉ wen a mbì be kù kədyòʼ a wen la ghə̀ ə ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsenvə vi a zhʉ a vəwenə kəŋə.

Matìyò 25:17

Yì a və nku mbo ko bò à wen lì shwèʼ nə̀ wenə ghə̀ ə̀ se mbo ko bò à yì a kətʉ.

Matìyò 25:44

Viʼi nyʉ̀ byɨvə a vyi mu mbèmə̀ a zhʉ ayì la, Bobo, yès nyèn wù fe jɨ̀ŋ zafə wù, toŋ à mù zɨmə wù, wù diʼ wu fi, diʼ nə̀ kənàʼ ntsuʼ, kwaʼà, diʼ a ngə̀ŋ mfɨŋ, kènla yès gyamtə li wù a?

Ŋwàʼlə̀ Mak 10:45

Kə diʼ ndiʼ a lì byìʼàndo Wàyn Wìʼ ko tə vì la və nshwèʼè à wen. Ghə̀ tə vì əshwèʼ à viʼi ndi be ku sò kətʉ wen ə pfʉ ndi zen kətʉ kə nghoʼo viʼi.”

Ŋwàʼlə̀ Luk 12:42

Bobo bwènsə̀ la, “Wù shyèʼ yi a ghə̀ zhʉmə ti shyèʼ wen diʼ wìʼ ko? A diʼ wìʼ yi a ti shyèʼ diʼi sə ndyʉ̀ a jèʼ, ghə̀ ghʉ wen a mbì, ə ku kədyòʼ a wen ndi ghə̀ ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsen vyi a zhʉ a zhʉ kwʉʼə̀.

Ŋwàʼlə̀ Luk 19:13

Ghə̀ dzàŋtə̀ viʼi shyèʼ wen wum ə gə̀tə̀ nkam nkam à vəwenə ə gàʼ la vəwenə nè mbaʼlə̀ tsu əyen la vəwenə a se gho lo əzaʼa fa tʉʼ a ghə̀ lu bwènə̀ vì.

Ŋwàʼlə̀ Luk 8:3

A ndiʼ Jowanà, wì wù shyèʼ Helòd yì a və ndzàŋ nə̀ Chuzà, nə̀ Sùsana bènə̀ kyi vətsenvə no və ghoʼo. Vəwenə ngyàmtə̀ tuʼmə nə̀ Yesò wen ndzɨ̀mtə̀sə bàm wen.

Lumans 15:25

A diʼ luwen ma dyʉ̀ a Jelusalèm ə gyàmtə̀ viʼi Nyìngòŋ tsu,

Lumans 15:27

Vəwenə tə kwòʼtə ə nè alə̀ to fa vəwenə a ngeŋsə, ali a diʼ to no kəshi kə vəwenə ə nè alə̀ byìʼì ando viʼi Jus tə ə gyàmtə̀ viʼi ətɨm a ntsìnə̀ kəzhwì ə vəwenə, kə sə boŋ la viʼi tɨm boŋ gyàmtə̀ viʼi Jus nə̀ əfo vi a vəwenə ə kiʼi.

1 Kolìntyàns 15:10

Alì byìʼì ətyɨm ə jùŋə Nyìngòŋ, ma sə diʼ kəfo kì a ma diʼi kəwenkə luwen. Ətyɨm ə jùŋə na ghenə ko lè kədyàŋ. Ma boŋsə li shwèʼ no nə̀ kədyoʼkə, shwèʼ chò no ndò a ntìntìn ə̀ viʼi ntɨm no tèbe ando à ko tə nlaynsə shwèʼè mò, à tə nshwèʼè ətyɨm ə jùŋə Nyìngòŋ na yi a mò a wèn.

1 Kolìntyàns 3:10

Ma tə lyɨ̀ kəku kì a Nyìngòŋ ə tə kù a mò byìʼì kusə nshinsə wen ə we kəchɨ kə ngə̀ŋ a nə̀ wìʼ a ghə̀ shɨtə kɨ kəmbwom, wìʼ ə tsen ə sə ə bwòm ayi kwì. No ndò ə ntùʼmə̀ a ji yi a ghə̀ bwomə fa tsù.

1 Kolìntyàns 4:7

A gàʼ ndò a wù la wù chò viʼi vətsenvə a? A diʼ no ghò a wù kiʼi ko andiʼ la və ku ku a wù a? Wù sətsen ə̀ kiʼ kəfo mu və kù ku, wù a ghaŋsə əwen sə və ko kù ku byìʼì gho?

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

2 Kolìntyàns 9:1

Ma kɨli la ma ko tə be diʼ ə nyòʼo a ghə̀ŋ kumə əgyàmtə̀ yì a ghə̀ŋ kiʼi ə tɨm a viʼi Nyìngòŋ a Jelusalèm,

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

Efisyàns 4:11

A ndiʼi wen yi a ghə̀ ə ku məku. Ghə̀ ntsuʼ viʼi vətsenvə ə ghʉ̀ a viʼi ntɨm, ə tsuʼ vətsevə ə ghʉ̀ a nshə̀ʼtə̀sə ghoʼkəsə, ghə ntsuʼ vətsevə ə ghʉ̀ la və ə nshə̀ʼtə̀ kənyʉ̀ kə Nyìngòŋ to ashi ashi ə be tsuʼ vətsevə la və ə ndiʼ nshə̀ʼtə̀sə ngə̀ŋ Nyìngòŋ ə tsuʼ vətsevə a ndìʼsə̀sə.

2 Timotì 1:18

Mà jɨ̀mə̀ la Nyìngòŋ lù diʼ ə kusə nshinsə a wen à Kətsi kə bàm. No wù ə kɨ ando ghə̀ ngyàmtə̀ mò a Efesùs.

Taytùs 1:7

Ando kətʉ a ngə̀ŋ Nyìngòŋ dìʼ wù shwèʼ Nyìngòŋ, ghə̀ diʼ ndiʼ wìʼ a viʼi ko ghàmə̀ wen. Ghə̀ ko diʼ ə nzəʼtə̀ viʼi ko be dzàŋsə̀ fwisə̀ tin. Ghə̀ ko diʼ ə nyʉ məlyʉ̀ʼ bomə̀ ko be nè nyʉ̀ to kətolə̀. Ashɨ wen ko diʼ mbàŋə̀ a ko.

Hibùlù 6:10

Nyìngòŋ ə nə̀ nè no tèbe ghò to ji tɨmə. Ghə̀ zizi ko ghə̀ lu lyesə kòŋ yì a ghə̀ diʼi a viʼi wen nə̀ shwèʼ yì a ghə̀ŋ nè ə gyamtə vəwenə. A diʼ no tèbe luwen, ghə̀ŋ bo shwèʼè to ali.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

1 Bità 5:12

A gyàmtə̀ Silàs ngyàmtə̀ mò ma nyoʼtə fə ŋwàʼlə̀ na fenfə a ghə̀ŋ. Ghə̀ diʼ to no lèmə̀ ə jùŋ a əbyɨmə. Mà nyoʼtə mənyʉ̀tə a mèyn ndiʼ ghə̀ŋ lɨ̀mtə̀, ə be ə diʼi a ghə̀ŋ la Nyìngòŋ ə nshɨtə tùʼmə̀ nə̀ ghə̀ŋ. Ghə̀ŋ tɨmə ə nto a tuʼmə a ghèn.