1 Bità 3:8 - The New Testament in the Babanki language

⁸ Ə mwètə̀, ghə̀ŋ ə tsèntə kiʼi to əkwoʼtə ə mùʼ, kusə shinsə, kòŋə təwen ə təŋtə to nə̀ vəlemə, tuʼmə be bwaʼmə.

1 Bità 3:8 ပူးပေါင်းရင်းမြစ်များ

Matìyò 18:33

a tə ne ghò la kə nkàntə̀ wù à kusə nshinsə à wìʼ ghèn a wenə̀ vəwenə shwèʼè a muʼu ndə̀ŋndəŋ ando mà tə kusə nshinsə à wù a?

Ŋwàʼlə̀ Luk 10:33

Alì wù loʼ Sàmalitàn tsen sə ndyʉ̀ a jèʼ fa ji a ghèn, vì fʉ̀ à wenə a wèn sə kiʼi kusə nshinsə à wen.

Shwèʼ 2:1

Andìʼ ando kətsi kə ghoʼokə a və ndzàŋə̀ nə̀ Bentakòs mvi, viʼi vəbyɨməvə tsèntə̀ a kəshi kə mùʼ.

Shwèʼ 27:3

Tʉʼ lan yès dyʉ̀ zaʼa a Sidòn, Juliyòs nkìʼ tyɨm jùŋghə à Bol ə̀ ghʉ̀sə wen la ghə̀ dyʉ̀ yen viʼi ndoŋsə wen ə̀ kiʼi fo a ghə̀ nkəŋə.

Shwèʼ 28:7

Tìʼ loʼ ayì a zhiʼ wen ndìʼ Bubliyus nkìʼ təsɨm a mbyɨ̀ kəshi ayì. Ghə̀ shisə yès no a nkàyn ə̀ zhis yes a mətsi ntaʼ.

Shwèʼ 4:32

Viʼi və byɨməvə no vətsèm sə̀ diʼ tò a kənyʉ̀ kə mùʼ. No wìʼ muʼ nko gàʼà la kəfo kikə kiʼ tò yì. No məndo nlyɨ̀ kəfo ghə̀ gə̀tə̀ kù vəlèmə̀ və wen.

Lumans 12:10

Ghə̀ŋ ne kòŋ təwen ə təŋtə to nə̀ vəlemə, be nyʉ̀ʼ məzhʉ̀ ə tsèm, gumlə təwen ə təŋtə.

Lumans 15:5

Nyìngòŋ yi a ghə̀ ku ətyɨm ə to ghə̀ nə̀ ə wensə a ghə̀ŋ ə ne la ghə̀ŋ ntsi to nə̀ Yesò Klistò, diʼ to a kənyʉ̀ kə mùʼ a ghə̀ŋ a kwòʼtə,

1 Kolìntyàns 1:10

Ma sensə ghə̀ŋ a vəlemə vwomə a zhiʼ Bobo vəghəŋ Yesò Klistò la ghə̀ŋ nti to əchʉ̀ ə mùʼ a nyʉ̀ vyi a ghə̀ŋ gàʼà ndi kə kəgəsə kə na diʼ a ghə̀ŋ a ntìntìn. Ghə̀ŋ diʼ ə mboŋsə diʼ to a kənyʉ̀ kə mùʼ, kiʼ to əkwoʼtə ə mùʼ, be ki nyʉ̀ to fa ji ə mùʼ.

1 Kolìntyàns 12:26

Kəbàs kə əwèn kə mùʼ kə sətsen nə̀ kiʼ ngəʼ, a əbàs əwen ə tsèm ne ntsèntə̀ diʼ to a ngəʼ. Və sətsen ə bwomsə kəbàskə əwen kə mùʼ, a əbàs əwen ə tsèm ne saŋlə to saŋlə.

Efisyàns 4:2

Ghə̀ŋ ə ngumlə̀ təwen ə tyəŋtə, bwaʼmə be wensə, lyesə ku ənyʉ̀ shweləvə byìʼì kòŋ.

Efisyàns 4:31

Ghə̀ŋ maʼa kwoʼtə ə əbyɨghə no ə tsèm nə̀ ətoŋ ə fwi ghə̀ nə̀ tinə fwi nə̀ kəŋkə̀ nə̀ telə mbaʼsə nə̀ əgaʼa bàm a bàm no tèbe nə̀ əbyɨf ə kò.

Efisyàns 4:32

Ghə̀ŋ ə̀ tùʼmə̀ be kusə nshinsə a viʼi vətsenvə, lyesə ku viʼi vətsenvə ando Nyìngòŋ ə nlyèsə ku ghə̀ŋ chò fa a Klistò.

Filìbàyns 2:3

Kə ghə̀ŋ a nkwòʼtə̀ tò byìʼì təwen ə təŋtə, kə wìʼ a ə nè kənyʉ̀ ə kuʼsə wèn ə wen. Ghə̀ŋ ə mbòŋsə̀ kiʼ ə shiʼsə wèn à ghə̀ŋ ə ntìntìn be lyɨ̀ la viʼi vətsenvə chò ghə̀ŋ.

Filìbàyns 3:16

No tè be ali, vəghəŋ diʼ ə nè tò a ənyʉ̀ vyi a Nyìngòŋ ə ndiʼì li à vəghəŋ, vəghəŋ sə̀ nè fa ambì.

Kòlòsyàns 3:12

Ando ghə̀ŋ sə diʼ viʼi a Nyìngòŋ ə tsuʼ li a viʼi wen ə sə koŋə, ghə̀ŋ moʼ ntsìnə̀ ə jùŋ, tùʼmə̀ nə̀ viʼi, ə nshiʼsə təwenə təŋtə a nse, bwaʼmə, be wensə.

Hibùlù 13:1

Ghə̀ŋ nkòŋmə̀ tə wen ə təŋtə to kòŋmə a nə̀ vəlemə.

Jems 2:13

Nyìngòŋ ko lu nkiʼ kusə nshinsə a zhʉ a ghə̀ soʼo no tè ndò a ghə̀ ko dìʼì kusə nshinsə à viʼi, alì wìʼ yì a ghə̀ dìʼì kusə nshinsə ko diʼ ə mfànə̀ nsoʼ.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.

Jems 5:11

Gaʼa kò vəghəŋ yenə la Nyìngòŋ bwaʼsə̀ viʼi vyi a və wensə lì. Ghə̀ŋ ə zhʉ li byìʼì ghaʼa tyɨm Job nə̀ kənyʉ̀ kì a Bobo ə̀ ne a wen. Bobo kìʼ tyɨm ə̀ bwaʼmə ghə̀ bè kusə̀ nshinsə à viʼi.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 2:17

Ghə̀ŋ ə gumlə viʼi vətsèm no nkayn, kòŋ vəlemə vəŋə ə viʼi və byɨməvə, fwaynə Nyìngòŋ, be gumlə fòyn ghoʼo yi a ghə̀ soʼo ghə̀ŋ.

1 Bità 5:5

Mbvòʼò ə wìʼ, ghə̀ŋ ə be zhʉ to fa vəchəʼ və ngə̀ŋ Nyìngòŋ. Ghə̀ŋ nò vətsèm mòʼ gumlə a ghə̀ŋ wèn a nə̀ ndisə ə gumlə təwen ə təŋtə. Ghə̀ŋ kɨli la Nyìngòŋ ə baynə viʼi vyi a və ghaŋsə əwen, ali tùʼmə̀ nə̀ viʼi a və shiʼsə təwen tə vəwenə.

2 Bità 1:7

Ghə̀ŋ sə tsì ntsìnə̀ na yì, ghə̀ŋ ə kòŋ vəlemə, kə ghə̀ŋ kòŋ to vəlemə ali ghə̀ŋ be kiʼi kòŋ to a viʼi vətsèm.

1 Joyn 3:14

Vəghəŋ ə kɨ la vəghəŋ sə̀ diʼ mu vəghəŋ ə cho li fa pfʉ ə sə diʼ ə̀ to, byìʼàndo vəghəŋ ə kòŋə̀ vəlèmə̀ və vəghəŋ. Wìʼ a ghə̀ ko kòŋə̀ vəlèmə̀ və wen bò dìʼ tò a tyì pfʉ.