1 Bità 3:5 - The New Testament in the Babanki language

⁵ A le ji yì a ki ətʉʼ mughə vyi a və ə choʼsə Nyìngòŋ ə ntsi fa tsù mu bòŋ a və lɨmə və vəwenə. Vəwenə gumlə vəlɨm və vəwenə.

1 Bità 3:5 ပူးပေါင်းရင်းမြစ်များ

Ŋwàʼlə̀ Luk 2:37

lɨm ə wen pfʉ. Ghə̀ kwi a nə̀ wùwì pfʉ sə̀ diʼ ngwʉʼ njʉ̀sə̀ kaʼ a məwum fwomə, ŋwʉʼ tò ngə̀ŋ Nyìngòŋ, ghoʼsə Nyìngòŋ, bamə chʉ be jɨ̀mə̀ nə̀nchwì jɨ̀mə̀ nətʉʼʉ.

Shwèʼ 1:14

A ndìʼ a lì, vəwenə nghoʼo zhùŋtə̀ əjɨ̀m a ntsèntə̀ wenə̀ ki vətsenvə nə̀ Mèli ə lì Yesò bènə̀ vəlèmə̀ və wen.

Shwèʼ 9:36

Andìʼ a Joba, wùwì byɨmə tsen diʼ tsu a zhiʼ wen ndìʼ Tabita, andiʼ a gaʼa Glis zhiʼ a ghenə diʼ Dokas, kənàʼ ki diʼ “ngo.” Ghə̀ nè tò nyʉ̀ jùŋvə məzhʉ tsèm be ku gyàmtə̀ à viʼi kəmfem.

Efisyàns 5:33

Luwen le no wulɨm ko kòŋ wi wen ndə̀ŋndəŋ ando ghə̀ kòŋ wèn ə wen. No wùwì ko be gumlə lɨmə wen.

1 Timotì 2:10

Vəwenə ə bòŋsə ne a diʼ ənyʉ̀ ə jùŋvə ndi diʼ la vəwenə diʼ ki və byɨməvə.

1 Timotì 2:15

Alì Nyìngòŋ lu bwòŋsə no te wùwì ko a ghə̀ bwi vunə, a zhʉ a ghə̀ nkwiʼ ətyɨm ə faŋ ə nto tò to a wen a byɨmə bè kòŋ viʼi vətsenvə bè tsi ntsìnə̀ yi a ghə̀ ko kiʼ məghàm. Ghə̀ diʼ ə ne ənyʉ̀ a venə nə̀ ətof.

1 Timotì 5:10

viʼi kɨ la ghə̀ kiʼi ntsìnə̀ ə jùŋ, mu ghə̀ tùʼmə̀ li kwisə vunə wen, bè shisə viʼi ə ghayn no a nkàyn. A diʼ ə ndiʼ wìʼ mu ghə̀ tə ə ngyàmtə̀ viʼi və byɨməvə bè gyàmtə̀ viʼi vyi a və kiʼi ngəʼsə. A diʼ ə ndiʼ wìʼ mu ghə̀ be ə ku wen ə wen ə sə nè təshyèʼ tə jùŋtə tò a tənkì a tənkì.

1 Timotì 5:5

Nkàyntə̀ wùwì mphʉ yi a ghə̀ ko kiʼ wìʼ la ghə̀ ə ntùʼmə̀ nə̀ wen ə diʼ mu ghə̀ ghʉ li kwoʼtə əwen tò a Nyìngòŋ ə sə jɨ̀mə̀ tò jɨ̀mə̀, loyn nə̀ ə gyàmtə̀ fa wen nətʉʼ nə̀ nə̀nchwì.

Hibùlù 11:11

A ndiʼ byìʼì əbyɨmə a Sèla nkiʼi wàyn no tebe ando ghə̀ nsə diʼ mu ghə̀ dwinə li be ə kiʼi wàyn. Ghə̀ choʼsə li Nyìngòŋ kɨ la Nyìngòŋ ə̀ ghʉ tèbe la ghò, ghə̀ nè to li.

1 Bità 1:3

Vəghəŋ ə kuʼsə Nyìngòŋ, ə Tìʼ Bobo vəghəŋ Yesò Klistò! Ghə̀ nkusə li shinsə a vəghəŋ no nànto, ə kù ntsìnə̀ ə fi a vəghəŋ a ji la ghə̀ lusə li Yesò Klistò fa pfʉ, vəghəŋ ə sə tsi kɨ nəmwèʼè la vəghəŋ lu kiʼi ə ntsìnə̀ yì a ghə̀ ko lu mè;