1 Bità 3:21 - The New Testament in the Babanki language

²¹ Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.

1 Bità 3:21 ပူးပေါင်းရင်းမြစ်များ

Matìyò 28:19

Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

Ŋwàʼlə̀ Mak 16:16

No mə ndò a ghə̀ byɨmə ə̀ shì mu, ghə̀ nè bwòŋ. No ndò a ghə̀ tyenə ke byɨmə Nyìngòŋ lù byɨbsə wen.

Joyn 13:9

Saymun Bità ə mu gàʼ la, “Kə ndiʼ ali a Bobo, kə wù shʉ̀ to aghʉ ghomə, wu be shʉ̀ avu ghomə nə̀ kətʉ̀ ə kòmkə!”

Shwèʼ 16:33

Tò a zhʉ ayì, wìʼ aghèn lyɨ̀ və Bol ə̀ shʉ̀ shi vəwenə. Və Bol ku mu tò a zhʉ ayì à wen wenə̀ viʼi vyi a və ntsi à wen a ngə̀ŋ.

Shwèʼ 2:38

Bità bwènsə̀ gàʼ à vəwenə la, “No ghə̀ŋ vətsèm kwitə tətyɨm tyəŋtə fà ghə̀ŋ a nyʉ̀ byɨvə ə̀ shì mu ə dìʼ la ghə̀ŋ ə byɨmə li a Yesò Klistò ndi Nyìngòŋ lyèsə ku nyʉ̀ byɨvə ghə̀ŋ, ə̀ kù Kəzhwì kə Ŋwoʼəkə kènkə à ghə̀ŋ.

Shwèʼ 22:16

Luwèn lə̀, kə be a zhwi zhʉ, lu shì mu ə̀ sènsə Bobo la ghə̀ lyesə nyʉ̀ byɨvə wù.’

Shwèʼ 8:36

Vəwenə sə jèʼè dyʉ̀ ə dyʉ̀ zaʼa a kəshi kətsenkə, ə̀ yèn mu, wù shwèʼ yì gàʼ à Filib la, “Yen mu a shèn a, ale zì à taʼsə no gho luwèn la kə mà shi mu a?”

Shwèʼ 8:37

Filib bwènsə̀ à wen la, “Və zì və ku mu à wù a zhʉ a wù byɨmə nə̀ tyɨmə wu no tsèm.” Wù shyèʼ ayì byɨmə ə̀ gàʼ la, “Mà byɨmə la Yesò Klistò dìʼ wè Nyìngòŋ.”

Lumans 5:14

Kə ndiʼ tèbe alə̀, pfʉ ə ndiʼ a mbi, ə zìtə̀ fa achʉʼ ə Adàm ə kuʼ ə zàʼa achʉʼ ə Mosìs, no tèbe ando viʼi vətsenvə ndiʼ ko andiʼ la və nè nki mbyɨ ə Adàm ə tensə Nyìngòŋ. Adàm ndiʼ to nə̀ wìʼ yi a ghə̀ ndiʼ lù vi abàm,

1 Kolìntyàns 12:13

Vəghəŋ nkaʼkə li ə sə diʼ to əwèn ə mùʼ a tʉʼ a kəzhwì kə Ŋwoʼkə nku mu a vəghəŋ, kò a ndiʼ la, vəghəŋ diʼ viʼi Jus, kò vəghəŋ ə ndiʼ viʼi ətɨm, kò vəghəŋ ə ndiʼ əkòs a wìʼ, ko vəghəŋ ndiʼi fa vəghəŋ a ngeŋsə. Nyìngòŋ ə ku li Kəzhwì na kènkə kə mùʼ, to a vəghəŋ vətsèm.

1 Kolìntyàns 4:6

Ma gàʼa nyʉ̀ a venə a vəlemə vwomə kumə wenə ghomə yo Abolòs to nə̀ nchwi ndi ghə̀ŋ ziʼi, ə nè to kənyʉ̀ kì a və nyoʼ a Ŋwàʼlə̀ Nyìngòŋ. Kə wìʼ fa ghə̀ŋ ne nghaŋsə əwen kumə wìʼ ə tsen, cho ghətsen.

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

2 Kolìntyàns 7:1

Luwen ando Nyìngòŋ ə ghʉ̀ li nyʉ̀ a venə a vəghəŋ a doŋ shomsə jùŋsə, kə bòŋ la vəghəŋ mwomsə ə nyɨŋ ə bwenə fa abàm nyʉ̀ yi a və vi nə̀ kəməŋkə a njòsə wen, be nə̀ a vəghəŋ kəzhwì. Vəghəŋ boŋsə fwàynə̀ Nyìngòŋ, laynə kwʉ̀ʼ.

Gàlesìyà 3:27

Nò ghə̀ŋ və tsèm a ghə̀ŋ nshi mu, ə tsèntə vye və Yesò ə sə diʼ mù ghə̀ŋ lyɨ li ntsìnə̀ wen.

Efisyàns 5:26

Ghə̀ ə mpfʉ̀ ə shʉ̀ viʼi və byɨməvə la və laynə ə ku a Nyìngòŋ, chò fa a ntɨm ə jùŋ ə wen.

Kòlòsyàns 2:12

A ndiʼ ndo ghə̀ŋ shi mu, və bvɨmə li ghə̀ŋ və Klistò, vye vəwenə mbwensə li lù fa pfʉ a amuʼ əcho fa byɨmə yi a ghə̀ŋ kiʼi a kədyòʼ Nyìngòŋ ki a kə nlùsə Klistò fa pfʉ.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

1 Timotì 6:12

Mwòmsə̀ shwèʼ no nə̀ kədyòʼ kə ə ghaʼ byɨmə ə wu to nə̀ wìʼ yi a ghə̀ nyɨŋ kənyɨŋ ə zhɨ ndi wù lu kiʼi ntsìnə̀ yi a ghə̀ ko lu mè. Wokèn ə diʼ ntsìnə̀ yi a Nyìngòŋ ə ndzàŋ wù la wù kiʼi, ando wù ə tɨmə ashɨ viʼi ə gàʼ a ndayn la wù byɨmə li à Klistò no nə̀ ətyɨm ə wu no tsèm.

Hibùlù 10:22

vəghəŋ choʼsə li to a Yesò ə kwentə dyʉ̀ boʼsə a Nyìngòŋ to nə̀ ətyɨm vəghəŋ no tsèm. Kə vəghəŋ a sə vi ə nvi nə̀ fwaynə la və a gham vəghəŋ a kənyʉ̀ byìʼì ando mənlyuŋ mə Yesò Klistò shʉ li làynsə tətyɨm tə vəghəŋ, və be shʉ̀ vəghəŋ, vəghəŋ ə làynsə to sə və shʉ̀ vəghəŋ nə̀ mu mə laynə mə.

Hibùlù 11:19

Ablaham ə nyen li la Nyìngòŋ ə nkiʼi kədyòʼ ə lùsə viʼi fa pfʉ. Kə diʼ to no nəmwèʼè byìʼì ando kə ə nkə̀ʼə̀ to sə və bwensə lùsə Izìk fa pfʉ ə bwensə kù a tiʼi wen.

Hibùlù 13:18

Ghə̀ŋ ne jɨ̀mə̀ to jɨ̀mə̀ a yès. Yès ə kɨ la tətyɨm tyestə ə laynə, yès kəŋ ə ne to kənyʉ̀ kəjuŋkə to mənzhʉ̀ ntsèm.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.

Hibùlù 9:24

Yesò nko ə kwen a kəshi kə ŋwoʼkə mu à bwòm viʼi. Ngə̀ŋ yì a bwomə viʼi ə ndiʼ to kədèmdèm kə ngə̀ŋ Nyìngòŋ a yì akàŋ. Yesò nkwen to no akàŋ a ben ə Nyìngòŋ, luwen sə diʼ ghə̀ sensə Nyìngòŋ a vəghəŋ akəshi.

1 Bità 1:3

Vəghəŋ ə kuʼsə Nyìngòŋ, ə Tìʼ Bobo vəghəŋ Yesò Klistò! Ghə̀ nkusə li shinsə a vəghəŋ no nànto, ə kù ntsìnə̀ ə fi a vəghəŋ a ji la ghə̀ lusə li Yesò Klistò fa pfʉ, vəghəŋ ə sə tsi kɨ nəmwèʼè la vəghəŋ lu kiʼi ə ntsìnə̀ yì a ghə̀ ko lu mè;

1 Bità 3:16

Ghə̀ŋ sə nè alə, ghə̀ŋ ə nè nə̀ ətyɨm ə laynə ghə̀ ndi no ndò yi a ghə̀ gaʼa əgaʼa əbyɨghə kumə ntsìnə̀ ə jùŋ ə ghə̀ŋ viʼi a ghə̀ŋ dzɨ̀mtə̀ Yesò na diʼsəkətʉ a nyʉ̀ vyi a vəwenə gaʼa.