1 Bità 3:17 - The New Testament in the Babanki language

¹⁷ Kə boŋsə boŋ ə yenə ngəʼ byìʼì nyʉ̀ ə jùŋə̀ və ando wìʼ ə nè, azhʉ̀ a Nyìngòŋ ə kòŋ, ə cho ə yenə ngəʼ byìʼì nyʉ̀ ə byɨvə.

1 Bità 3:17 ပူးပေါင်းရင်းမြစ်များ

Matìyò 26:39

Ghə̀ kwentə dyʉ̀tə̀ a mbì nyòŋmə̀ dyʉ̀ a nse apfʉ̀ʼapfʉʼ mù sə̀ jɨ̀mə̀ gàʼà la, “Tìʼ ghom, jì sətsèn ndiʼ wu shi ndoŋ ngəʼ ghèn fà mò alì ne tò kənyʉ̀ a kə kwʉʼʉ̀ à wù kə a nè kənyʉ̀ a kòŋə̀ mò.”

Matìyò 26:42

Yesò bè bwènə̀ dyʉ̀ sə̀ jɨ̀mə̀ gàʼà la,“Tìʼ ghom a zhʉ a wù ko a shi ndoŋ ngəʼ ghèn fà mò chò la mà nyʉ, wu ə ne ando wù kòŋə̀.”

Shwèʼ 18:21

Andìʼ ando ghə̀ nlù, ghə̀ gàʼ à vəwenə la, “Mà lu be bwènə̀ vì, a zhʉ a Nyìngòŋ sətsèn kòŋ.” Ghə̀ gàʼ a lì mù lù ə̀ mòʼtə̀ Blisilyà wenə̀ Akwilà a Efesùs.

Shwèʼ 21:14

Yès yen mè la yès zì kò yès ə lə̀ kwitə kwòʼtə̀ wen mù ghʉsə ə̀ gàʼ la, “A nè nchò tè ghò nə̀ wù, kə nchò ando Bobo kəŋə.”

1 Bità 1:6

Ghə̀ŋ ə nsaŋlə̀ li kumə nyʉ̀ a venə no tèbe ando à diʼi luwen təmwòmsə̀ vì a ghə̀ŋ to a jisə a jisə.

1 Bità 2:15

Ghə̀ŋ ə tsi a ji na ghèn ndiʼ kə nkoyn ə viʼi vyi a və kumə gaʼa to gaʼa be a kiʼi kənyʉ̀ ə gàʼ kumə ghə̀ŋ. Nakènkə ə diʼ kənyʉ̀ ki a Nyìngòŋ ə kəŋ.

1 Bità 2:20

Alì, wìʼ sətsen ə ne wensə azhʉ̀ a və ghomə wen mu ghə̀ nèli byɨbsə kənyʉ̀, se yi na ndiʼ no ghò? Ghə̀ sətsen ə wensə ando ghə̀ yenə ngəʼ mu ghə̀ boŋsə nè njùŋ, Nyìngòŋ a bwàʼsə wen.

1 Bità 3:14

Alì ghə̀ŋ sətsen ə yenə ngəʼ byìʼì ando ghə̀ŋ ne nyʉ̀ ə jùŋə və, Nyìngòŋ a bwàʼsə ghə̀ŋ. Və nyoʼo li a Ŋwàʼlə̀ Nyìngòŋ la, “kə ghə̀ŋ ne fwàynə̀ viʼi vyi a və tsuʼ kəghʉ ə kəŋkə̀, kə kəlem əkəŋkə ne tinkə̀”

1 Bità 4:15

Kə wìʼ ə fa ghə̀ŋ a yenə ngəʼ mu ghə̀ zhwi wìʼ, kò byìʼì ando ghə̀ tsoŋ, kò byìʼì ando ghə̀ nè kənyʉ̀ kə kəbyɨkə, kò ando ghə̀ ten əchʉ̀ wen a wìʼ a kənyʉ̀.

1 Bità 4:19

Kə le diʼi la viʼi vyi a və yenə ngəʼ, a kòŋ ə Nyìngòŋ diʼ faŋ ə nè to jùŋ, ə be ku təwen tə vəwenə a Nyìngòŋ byìʼì ando à shɨtə Nyìngòŋ shɨtə vəwenə. Ghə̀ nè no tèbe ghoʼ yi a ghə̀ ghʉ̀.