1 Bità 3:16 - The New Testament in the Babanki language

¹⁶ Ghə̀ŋ sə nè alə, ghə̀ŋ ə nè nə̀ ətyɨm ə laynə ghə̀ ndi no ndò yi a ghə̀ gaʼa əgaʼa əbyɨghə kumə ntsìnə̀ ə jùŋ ə ghə̀ŋ viʼi a ghə̀ŋ dzɨ̀mtə̀ Yesò na diʼsəkətʉ a nyʉ̀ vyi a vəwenə gaʼa.

1 Bità 3:16 ပူးပေါင်းရင်းမြစ်များ

Matìyò 5:11

Mbwaʼmə dìʼ a ghə̀ŋ a viʼi telə ghə̀ŋ tsuʼ aghʉ ghəŋə be zhò tənkyì tə ndzɨ̀ŋsə tò tətsèm byìʼì ghə̀ŋ tò byiʼàndo ghə̀ŋ diʼi viʼi vwomə.

Shwèʼ 24:16

A le kənyʉ̀ a kə ne mà sə mwòmsə no məzhʉ̀ ntsèm nkiʼ ətyɨm ə laynə ghə̀ a shɨ Nyìngòŋ bènə̀ a shɨ viʼi.

Shwèʼ 28:22

Yès ə kəŋə zhʉ kwòʼtə̀ wu byìʼàndo yès ə chò no tè fa fe, zhʉ ando və gàʼà nyʉ̀ byɨvə byìʼì nkì nòyn ghenə a wu dìʼì tsu lə̀.”

Lumans 9:1

Ma kəŋ ə gàʼ kənyʉ̀ luwen kə diʼ to no nəmwèʼè, fʉ̀ to no fa mo tyɨm, à diʼi Kəzhwì kə Ŋwoʼkə. Ma gàʼa to nəmwèʼè byìʼì ando ma diʼi to kənyʉ̀ kə mùʼ yo Yesò.

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

2 Kolìntyàns 4:2

Yès ə tensə li no nyʉ̀ ə kətʉ kədiʼkə nò tsèm vyi a və nyoʼtə nè. Yès ko lobtə wìʼ, ko yès kaʼsə kənyʉ̀ kə Nyìngòŋ. Yès ə boŋsə gaʼa to kənyʉ̀ kì a kə diʼ nəmwèʼè ashɨ Nyìngòŋ, ə diʼi nəmwèʼè a viʼi la yès diʼ tò nò viʼi və juŋəvə.

1 Timotì 1:19

Shɨtə ghaʼ əbyɨmə ə wu à Yesò Klistò, ə nkiʼ kwoʼtə ə laynə ghə̀. Viʼi vətsenvə tensə li ə ne kənyʉ̀ ki a kwòʼtə ə laynə ghə̀ a ghenə ə diʼi, ə maʼa əbyɨmə ə vəwenə.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

2 Timotì 1:3

Mà ku kəzòŋ à Nyìngòŋ a ma shwèʼ a wen byìʼì wù, nə̀ ətyɨm ə mùʼ ando vətiʼi vwomə ə nlu sə shyèʼè. Mà jɨ̀mə̀ à wù nò məzhʉ ntsèm.

Taytùs 2:8

Ə ndìʼsə̀ tò kənyʉ̀ a kə diʼì nəmwèʼè ndiʼi kə viʼi be a nkiʼi kənyʉ̀ əgàʼ byìʼì kəwenkə ndi ətʉ viʼi kəbàyn ə vəghəŋ ndiʼ ando vəwenə ko be a kiʼi kənyʉ̀ kəbyɨkə gàʼ byìʼì vəghəŋ.

Hibùlù 13:18

Ghə̀ŋ ne jɨ̀mə̀ to jɨ̀mə̀ a yès. Yès ə kɨ la tətyɨm tyestə ə laynə, yès kəŋ ə ne to kənyʉ̀ kəjuŋkə to mənzhʉ̀ ntsèm.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.

1 Bità 2:15

Ghə̀ŋ ə tsi a ji na ghèn ndiʼ kə nkoyn ə viʼi vyi a və kumə gaʼa to gaʼa be a kiʼi kənyʉ̀ ə gàʼ kumə ghə̀ŋ. Nakènkə ə diʼ kənyʉ̀ ki a Nyìngòŋ ə kəŋ.

1 Bità 2:19

Ghə̀ŋ kɨli la Nyìngòŋ ə ne saŋlə kumə wìʼ azhʉ̀ a və zəʼtə wen, ku ngəʼ a wen to kədyàŋ, ghə̀ wensə to wensə byìʼì ando ghə̀ kɨli Nyìngòŋ.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.

1 Bità 4:4

Luwen sə diʼ viʼi vyi a və ko kɨ Nyìngòŋ diʼ nə̀ əkaynə ə la ghə̀ŋ ko zhɨmə tebè vyi vəwenə, ko be tsi tebè ntsìnə̀ ə byɨ ə vəwenə na yì. Nakènkə ə nè li, vəwenə sə telə ghə̀ŋ.