1 Bità 3:11 - The New Testament in the Babanki language

¹¹ Wìʼ na ghèn ə diʼ ə maʼa ə ntsìnə̀ ə byɨ ə ntsi ntsìnə̀ ə jùŋ. Ghə̀ diʼ ə kəŋ ji ə tsi to nə̀ mbwaʼmə,

1 Bità 3:11 ပူးပေါင်းရင်းမြစ်များ

Matìyò 5:45

Ghə̀ŋ nè tò alì ndi ne ndiʼ vunə Tìʼ ghə̀ŋ yì a ghə̀ diʼì a kaŋ byiʼàndo ghə̀ŋ nè chwìchwì baynə a kətʉ viʼi və byɨvə bènə̀ viʼi və jùŋ və be nè ghʉ vì a kətʉ viʼi a və nè njùŋ be vì a kətʉ viʼi a və nè mbyɨ.

Matìyò 5:9

Mbwaʼmə dìʼ a viʼi vyi a və shyə̀ʼ əghʉ mbwaʼmə a viʼi a ntìntìn byiʼàndo və lu dzàŋ vəwenə nə̀ vunə Nyìngòŋ.

Matìyò 6:13

Kə wu ghʉsə ə mwòmsə ə vi a yès, bwoŋsə yes fa ənyʉ̀ ə byɨvə. Byìʼì ando əfòyn ə wu ə soʼo tò wù, à kiʼì tò wù kiʼi kədyòʼ, nə̀ ə bayn ə ghoʼ ghə to məzhʉ ntsèm. Amèyn.’

Ŋwàʼlə̀ Mak 14:7

Viʼi kəmfem lu ndiʼ tò diʼì à ghə̀ŋ a ntìntìn, mu ghə̀ŋ kòŋ no a zhʉ̀ kò ghə̀ŋ à gyàmtə̀ vəwenə, alì mà ko a ndiʼ vəghəŋ məzhʉ̀ ntsèm bwèn.

Ŋwàʼlə̀ Luk 1:79

Ghə̀ a ku bayn a viʼi a və ŋwʉʼ a nfɨnə̀, bènə̀ à kəlyɨŋ kə pfʉ ndi be diʼ jì bwaʼmə a vəghəŋ.”

Ŋwàʼlə̀ Luk 6:35

Alì ma sə gàʼ à ghə̀ŋ la, ghə̀ŋ kòŋ viʼi kəbàyn ghə̀ŋ ə nè njùŋ à vəwenə, choʼo fo à vəwenə no bè a zhʉ a ghə̀ŋ ko kɨ la vəwenə lə̀ bwènsə̀ ku. Ghə̀ŋ ne nè ali, ndi mòʼtə̀ ghə̀ŋ lu ghoʼ? Ghə̀ŋ bè ndiʼ la ghə̀ŋ diʼ vunə Nyìngòŋ tìʼ ghoʼo byiʼàndo ghə̀ tuʼmə nə̀ viʼi və nè nyʉ̀ byɨvə bènə̀ viʼi a və ko lu yenə njùŋ.

Ŋwàʼlə̀ Luk 6:9

Yesò bèm a vəwenə la, “Soʼ lè byɨmə la və nè njùŋ a kətsi kəzhʉtə kə mu mbyɨ lo, la ghə̀ byɨmə la və bwaʼsə wìʼ mu və zhwi zhwi lo?”

Joyn 17:15

Ma ko jɨ̀mə̀ tebè la wù shisə vəwenə fa mbyi. Ma jɨ̀mə̀ la wù tuʼmə ə lyòmtə vəwenə fa Deblə̀.

Lumans 12:18

Ghə̀ŋ mwomsə no nə̀ kədyòʼ kə ə tsì nə̀ mbwaʼmə vye viʼi vətsèm.

Lumans 14:17

Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

Lumans 14:19

Vəghəŋ mwomsə ə nè to nyʉ̀ vyi a və vì nə̀ mbwaʼmə, nè la viʼi ə kwi a vəwenə byɨmə.

Lumans 5:1

Ando Nyìngòŋ ə nlyɨ̀ li vəghəŋ a nə̀ viʼi və tɨməvə byìʼì əbyɨmə ə vəghəŋ, vəghəŋ və Nyìngòŋ sə tsi to no nə̀ mbwaʼmə luwen a ti kədyòʼ yi a Bobo vəghəŋ Yesò Klistò ə ku.

Lumans 7:19

Ma ko nè tebè nyʉ̀ ə jùŋə və vi a ma kòŋ ə nè. Ma boŋsə nè to nyʉ̀ ə byɨvə vi a ma ko kòŋ ə nè.

Lumans 7:21

Kə sə diʼ a mò luwen to sə à diʼ əsoʼ la mà sə kəŋ ə nè kənyʉ̀ kə jùŋ kə, ma boŋsə nè to kənyʉ̀ kəbɨkə.

Lumans 8:6

Wìʼ ə ghʉ̀ kətʉ̀ a wenə nyʉ̀ ə njòsə wen, ghə̀ a pfʉ, ali mu ghə̀ ghʉ kətʉ kə wen a nyʉ̀ kəzhwì, kə a nè la ghə̀ kiʼi ntsìnə̀ yì a ghə̀ ko lu mè ə be nkiʼi mbwaʼmə.

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

Gàlesìyà 6:10

Kə lə diʼi la, no zhʉ̀ko a vəghəŋ kiʼ ji nè jùŋ, vəghəŋ nè to a viʼi və tsèm, be nè no nəkwoŋ a viʼi vyi a vəghəŋ və vəwenə ə kiʼi əbyɨmə ə mùʼ.

Kòlòsyàns 3:15

Ghə̀ŋ moʼtə mbwaʼmə yì a Yesò ku ghə̀ tisə təkwòʼtə̀ təŋtə, ə dzàŋ ghə̀ŋ la ghə̀ŋ fʉ̀ vi ə diʼ a wenə ə mùʼ, kiʼi mbwaʼmə be ku kəzòŋ a wen.

1 Timotì 6:18

Gaʼa la vəwenə ə ne ə nyʉ̀ jùŋvə bè dìʼ viʼi və ghoʼkəvə cho fa nyʉ̀ vyi a vəwenə ə nè, mwòmsə̀ ku bè gətə əfo vi a vəwenə ə kiʼi wenə viʼi vətsenvə.

Hibùlù 12:14

Ghə̀ŋ mwomsə no nə̀ kədyòʼ kə ə ntsi nə̀ mbwaʼmə to vye viʼi vətsèm be mwomsə no nə̀ kədyòʼ kə ntsi ntsìnə̀ əlaynə a shɨ Nyìngòŋ byìʼì ando wìʼ sətsen ə faŋ ke nlaynə a wen a ntsìnə̀, ko ghə̀ lu ə yen Nyìngòŋ.

Hibùlù 13:16

Kə wìʼ na faŋ ke nè njùŋ a lèmə̀ wen, gətə kəfo kì a ghə̀ kiʼi ə ku wù ə tsen. Ənyʉ̀ a venə diʼ a Nyìngòŋ to nə̀ kəku, kə nè la ghə̀ nsaŋlə.

Jems 4:17

No ndò a ghə̀ kɨ kənyʉ̀ kə jùŋ kə nè, fàŋ ke ne kənyʉ̀ akì ə ne li mbyɨ.

1 Bità 3:12

byìʼì ando Bobo ə diʼ mu ghə̀ ghʉ li ashɨ ə wen a viʼi vyi a və tsi ətsìnə̀sə tɨməsə, ə sə zhʉtə ə vəwenə, ali ə bwenə dzèm a viʼi ə nyʉ̀ ə byɨvə.”

3 Joyn 1:11

Kə a nshyəmə̀ mbyɨ a lèmə̀ kòŋ ə̀ mò, ə mbòŋsə shyəmə̀ tò njùŋ. Wìʼ a ghə̀ nè njùŋ dìʼ wù Nyìngòŋ, yì a ghə̀ nè mbyɨ ə ko təmə kɨ Nyìngòŋ.