1 Bità 3:1 - The New Testament in the Babanki language

¹ Ki, ghə̀ŋ be ngumlə̀ və lɨmə ə vəŋə. Ghə̀ŋ sətsen ə ne alə, ətsìnə̀sə jùŋsə ə ghə̀ŋ sə zizi sə nè vəlɨm ə vəŋə vi a və ko tɨmə ə byɨmə, vəwenə kwitə tətyɨm tə vəwenə ə byɨmə a Nyìngòŋ ko ndiʼ la ghə̀ŋ gàʼ li tèbe kənyʉ̀ a vəwenə,

1 Bità 3:1 ပူးပေါင်းရင်းမြစ်များ

Matìyò 18:15

Yesò bè gàʼ la “Lèmə̀ wù sətsèn nè mbyɨ à wù, wu dyʉ̀ yenə wen ə̀ shə̀ʼtə̀ kənyʉ̀ akì à wen a ghə̀ byɨsə̀. Wù nè sə ngàʼà andìʼ tò wenə̀ wen və bò. A sətsèn ghə̀ zhʉtə, mu kə diʼ la wù bwensə̀ li nkiʼi wen.

Lumans 10:16

Alì, à ko diʼ viʼi və tsèm a və zhʉ̀ ntɨm ə jùŋ na ghèn ə sə wʉ̀ kətʉ tsu. Kə diʼ to ndə̀ŋndəŋ ando nshə̀ʼtə̀ əsoʼgho ə gaʼa ə bèm la, “Viʼi vi a və zhʉ̀ ntɨm yì a yès shə̀ʼtə ə byɨmə le bè diʼ no və ndo a Bobo?”

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

Lumans 7:2

Kənyʉ̀ na ken ə diʼ la, wùwì diʼ ə faŋ wenə lɨmə wen ə zàʼa ando lɨm ayi bò tsi a mbi, lɨmə wen pfʉ no zhʉ̀ko, ko əsoʼ ə làm na ghenə ə bè ghaʼa wen.

1 Kolìntyàns 11:3

ali ma kəŋ la ghə̀ŋ ə kɨ la, Yesò diʼ kətʉ̀ kə lʉ̀mə vətsèm, wulɨm diʼ kətʉ̀ a wì wen, Nyìngòŋ ə diʼ kətʉ̀ a Yesò.

1 Kolìntyàns 14:34

Ki na ndyʉ̀ a ntsèntə̀sə, kə və a gàʼa byìʼì ando və ko ku adyòʼ la vəwenə ngàʼa. Vəwenə ə diʼ ə ndi to a ti əsoʼ ə lʉ̀mə ando Əsoʼ ə gàʼa.

1 Kolìntyàns 7:16

Wu ə wùwì ə byɨmə wù kɨ fa gho la wù zizi ko wù lu bwòŋsə̀ lɨmə wù a? Wu wulɨm ə byɨmə kɨ fa gho la wù zizi ko wù lu bwòŋsə̀ wi wù a?

Efisyàns 5:33

Luwen le no wulɨm ko kòŋ wi wen ndə̀ŋndəŋ ando ghə̀ kòŋ wèn ə wen. No wùwì ko be gumlə lɨmə wen.

Kòlòsyàns 3:18

Ghə̀ŋ diʼi ə gumlə lʉmə vəŋə a ki və lamkəvə. A diʼ kənyʉ̀ a viʼi vyi a və dzɨ̀mtə̀ Bobo diʼ ənè.

Kòlòsyàns 4:5

Ghə̀ŋ nə̀ tofə a ji yi a ghə̀ŋ tsi fa tsù ghə̀ŋ və viʼi vyi a və ko təmə byɨmə, kə ghə̀ŋ byɨbsə ə zhʉ̀ yi a ghə̀ŋ kiʼi vye vəwenə.

2 Tèsàlonyà 1:8

A lu ndiʼ ando ghə̀ shiʼi vi wenə ə ntsɨŋsə wen na shisə, kəlwàŋ kə əzhiʼ kə ə bolə, ghə̀ bwensə lòʼ viʼi vyi a və tə mò Nyìngòŋ ə be tensə la və ko zhʉ̀ tebè kənyʉ̀ ki a ntɨm ə jùŋ kumə Bobo vəghəŋ Yesò ə gàʼa.

Hibùlù 11:8

Ablaham ə mbyɨmə a Nyìngòŋ ando ghə̀ dzàŋ wen, ghə̀ lu dyʉ̀ alòʼ yi a ghə̀ ne ku a wen. Ghə̀ ə ndyʉ̀ ali ko ghə̀ ntɨmə kɨ lòʼ a yi.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 3:2

azhʉ̀ a vəwenə ne yenə ntsìnə̀ shəŋsə, sə bòŋ be laynə.

1 Bità 3:7

Nkàyntə̀ ghə̀ŋ a lʉmə be diʼ ntsi ətsìnə̀sə jùŋsə a ki ə vəŋə, kɨ la vəwenə bwaʼa chò ghə̀ŋ. Kə le diʼi la ghə̀ŋ diʼ ə tuʼmə nə̀ vəwenə byìʼì ando Nyìngòŋ ə lu tsèntə ku ə ntsìnə̀ yì a ghə̀ ko lu mè to a ghə̀ŋ və tsèm. Ghə̀ŋ ə tsi to alə ndiʼ ghə̀ŋ ne sə əzhʉsə jɨ̀m, ko to kənyʉ̀ kə a taʼsə əjɨ̀m ə ghəŋə.

1 Bità 4:17

Kə diʼ alə̀ byìʼì ando zhʉ̀ kʉʼʉ li a Nyìngòŋ a soʼ mbi, ghə̀ diʼ ə zìtə̀ nə̀ viʼi wen. Ghə̀ lə sətsen ndiʼ boŋsə zìtə̀ ə soʼ vəghəŋ a ambì, kə lə na ndiʼ ale a viʼi a və ko byɨmə ntɨm ə jùŋ a?