1 Bità 2:21 - The New Testament in the Babanki language

²¹ A diʼ kəshi ə kəŋkə̀ ghə̀ŋ yenə ngəʼ na ghèn byìʼì ando Yesò ə yen li to ndə̀ŋndəŋ ə ngəʼ byìʼì ghə̀ŋ ə diʼ nchwi a ghə̀ŋ la ghə̀ŋ be yenə ngəʼ to nə̀ wen.

1 Bità 2:21 ပူးပေါင်းရင်းမြစ်များ

Matìyò 10:38

A wʉ̀sə no ndo ke bwèʼè kəntò kə wen ə dzɨ̀mtə̀ mò, ko ghə̀ lə kwʉʼ ə ndiʼ ndzɨ̀mtə̀ ghom.

Matìyò 11:29

Ghə̀ŋ lyɨ jì shomsə, bè ziʼi ntsìnə̀ ghom byìʼàndo mà bwaʼmə be kiʼi shiʼsə wèn. Ghə̀ŋ sətsèn nè a lì, ghə̀ŋ a kiʼi nzhʉ̀tə à ghə̀ŋ a tətyɨm.

Matìyò 16:24

Yesò gàʼ a lì mù gàʼ à ndzɨ̀mtə̀sə bàm wen la, “No ndò a ghə̀ kòŋ ə ndzɨ̀mtə̀ mò diʼi tyen wenə wen, bwèʼè kəntò kə wen ə dzɨ̀mtə̀ mò.

Ŋwàʼlə̀ Luk 24:26

Nshə̀ʼtə̀sə bè ko gàʼa la kè bè ko ndiʼ la Klistò diʼi yèn ngəʼ mibu kwèn a wen a fòyn?

Joyn 13:15

Mà diʼi li nchwi a ghə̀ŋ ndi ghə̀ŋ nè to ando mà nè.

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Shwèʼ 17:3

Ghə̀ nshə̀ʼtə̀ li laynsə̀ nyʉ̀ vyi a və diʼì a Ŋwàʼlə̀ Nyìngòŋ, gàʼà la, wìʼ yì a Nyìngòŋ ntsuʼ li ghʉ lì diʼi ne yenə ngəʼ ə pfʉ, və be nè ghə̀ lu fà pfʉ. Ghə̀ bè gàʼ la, “Yesò ghèn a ma gàʼà à ghə̀ŋ byìʼì wen lə̀ dìʼ wìʼ ayì.”

Shwèʼ 9:16

Nkàntə̀ mò a dìʼi nki ngəʼ à wen a ghə̀ diʼi yen ənè la viʼi kɨ mo.”

Lumans 8:29

Nyìngòŋ ə ghʉ la viʼi na vi a ghə̀ nsə diʼ mu ghə̀ tsuʼtə li və fəsə Wàyn wen. Ghə̀ ghʉ̀ alə ndiʼ Wàyn wen diʼ wàyn ə mbì a ntìntìn ə vəlemə a və diʼ no kədə̀ŋ.

1 Kolìntyàns 11:1

Ghə̀ŋ ə shəmə ntsìnə̀ ghom ndə̀ŋndəŋ ando ma shəmə ghə̀ Yesò.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Filìbàyns 2:5

Ghə̀ŋ ə nkiʼ tò ntsìnə̀ yì a Yesò Klistò ə̀ nkìʼ lì.

1 Tèsàlonyà 3:3

be nè la kə wìʼ fa ghə̀ŋ na faŋ ko ghə̀ be ə choʼsə Yesò byìʼì ngəʼ yì a viʼi ə ku a wen. Nò ghə̀ŋ ə kɨ la ngəʼ na sensə diʼ vi a vəghəŋ.

1 Tèsàlonyà 4:2

Yes ə sensə alə̀ byìʼì ando ghə̀ŋ sə kɨ nyʉ̀ vyi a yes ə ziʼi a ghə̀ŋ. Ənyʉ̀ na venə diʼ mu və lù fa Bobo vəghəŋ Yesò.

2 Timotì 3:12

Mà gàʼà nəmwèʼè la, no ndo a ghə̀ sətsèn ə kòŋ ə ntsi ntsìnə̀ Nyìngòŋ, dzɨ̀mtə̀ Yesò Klistò, mu viʼi ne nku ngəʼ à wen.

Hibùlù 2:10

A nshɨtə Nyìngòŋ ə shɨtə no əfo ə tsèm, à sə ghaʼa to wen ghaʼa əfo na vènə luwen. Kə ndiʼ to no kə nyʉ̀ kə tɨmə kə la ghə̀ moʼtə Yesò yenə ngəʼ ə kwʉʼʉ to nə̀ wi, a yi wù mbì ndi ghə̀ nè viʼi bwòŋ ə kwen vi a ntìntìn əbaynə ghoʼo ghə̀ Nyìngòŋ, to kədə̀ŋ.

1 Bità 1:20

Nyìngòŋ ə diʼ mù ghə̀ ntsuʼ li wen ə ghʉ̀ mibu fa tʉʼ ghə̀ shɨtə mbi, ə sə diʼ mù ghə̀ diʼi li wen a mətsi mə kəmwètə a ghə̀ŋ a jùŋ.

1 Bità 2:24

Ghə̀ ə mbyèʼè li mbyɨsə vəghəŋ a wen a wèn, a kəntò. Ghə̀ ə nè alə ndiʼ vəghəŋ ə boŋsə tsi ətsìnə̀sə tɨməsə, ko mbyɨ ə be ə kiʼi to kənyʉ̀ ə ne a vəghəŋ a ntsìnə̀sə. A nè tə chʉtəshi wen la ghə̀ŋ to,

1 Bità 3:18

Kə bòŋ ə yenə ngəʼ a ji na ghèn byìʼì ando no Yesò fa wen a ngeŋ ə yen li ngəʼ ə pfʉ byìʼì mbyɨsə vəghəŋ ə mwetə shyèʼ wen to ghàyn ə mùʼ. Ghə̀ ndiʼ wù kənyʉ̀ kətɨməkə ali ə pfʉ ə bwoŋsə̀ viʼi nyʉ̀ ə byɨvə ə ne la vəghəŋ vi a Nyìngòŋ. Viʼi ə zhwi wen, ali a pfʉ to kətsoʼ kə əwenə wen, Nyìngòŋ ə ne kəzhwì kə wenkə faŋ ə sə tsi to tsì.

1 Bità 3:9

Wìʼ ə ne mbyɨ a wù, kə wù a bwensə nə̀ mbyɨ, ə telə wù, kə wù a bwensə telə wen. Wù diʼ ə boŋsə jɨ̀mə̀ la Nyìngòŋ ə bwàʼsə nkì ə wìʼ na ghèn byìʼì ando à diʼ ə mbwaʼsə na ghə̀ŋ a Ghə̀ tsuʼ ghə̀ŋ la ghə̀ŋ ne, diʼi ne bwaʼsə ghə̀ŋ kumə kənyʉ̀ na kèn.

1 Bità 4:1

Ando vəghəŋ ə kɨ la Yesò Klistò ə nyen li ngəʼ kətsoʼ kə wèn, ghə̀ŋ ə boŋsə kiʼi to əkwoʼtə yì a ghə̀ nkiʼ, bvɨtə ə yen ngəʼ byìʼì ando no ndò a ghə̀ yenə ngəʼ a nse ashə to nə̀ Yesò, kə bè nè ə nè mbyɨ.

1 Bità 4:13

Ghə̀ŋ ə boŋsə saŋlə la ghə̀ŋ yenə ngəʼ ndə̀ŋndəŋ to nə̀ Yesò ndiʼ ghə̀ lù sə bwenə vi a ntìntìn əbayn ə ghoʼo ghə̀ ə wen, ghə̀ŋ ə saŋlə no nànto.

1 Joyn 2:6

No ndò a ghə̀ gàʼà la ghə̀ dìʼ wenə Nyìngòŋ a kənyʉ̀ kə mùʼ diʼ ə njèʼè tò a ji shì a Yesò njèʼè fa tsu.

1 Joyn 3:16

Vəghəŋ ə kɨ əkòŋ ə chò fa kènkə la: Yesò Klistò ə nku li sàŋ kətʉ wen ə̀ pfʉ̀ byìʼì vəghəŋ. Vəghəŋ bè diʼ ə ku sàŋ kətʉ vəghəŋ ə pfʉ byìʼì vəlèmə̀ və vəghəŋ.

Kəmwetə 12:11

Vəlèmə̀ avenə soyn li ə̀ nzhɨ wen byìʼ mənlyuŋ mə wàyn bi njɨ̀ nəmwèʼè yì a vəwenə tə̀ nshə̀ʼtə̀ bè kòŋə̀ əku təwen tə vəwenə pfʉ byìʼ wen.