1 Bità 1:7 - The New Testament in the Babanki language

⁷ Təmwòmsə̀ na tentə ə vi a ghə̀ŋ ə ne la viʼi yen əkɨ la ghə̀ŋ kiʼi no nkàyntə̀ əbyɨmə. Və nə̀ mwomsə gul nə̀ zhiʼ ali a diʼ kəfo a kə ko kuʼmə zàʼa tebè a nə̀ əbyɨmə, mu kə zi kə byɨf. Kə le diʼi la, və diʼ mwomsə əbyɨmə ə ghəŋə byìʼì ando à diʼ kəfo a kə kuʼmə chò gul ndiʼ à lù ndiʼ a kətsi a Yesò Klistò bwenə vì, Nyìngòŋ ə bwomsə ghə̀ŋ ə be ku əghoʼ ə wen a ghə̀ŋ.

1 Bità 1:7 ပူးပေါင်းရင်းမြစ်များ

Matìyò 19:28

Yesò gàʼ à vəwenə la, “Mà gàʼà à ghə̀ŋ nəmwèʼè la a lu ndiʼ a mbi fi, a zhʉ a Wàyn Wìʼ ŋwʉʼʉ li à wen a kəfwoyn nə̀ ghoʼo wen, a dìʼ a zhʉ ayì a ghə̀ŋ vi njʉ̀sə̀ bò a ŋwʉʼʉ a fwoyn njʉ̀sə̀ bò ə nsoʼo ngwàʼsə loʼ Islel shì njʉ̀sə̀ bò.

Matìyò 25:21

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!

Matìyò 25:23

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwèʼ jùŋə be tùʼmə̀ no a nkàyn. Wù tuʼmə̀ li no nkàyn nə̀ kəfo kətyətəkə. Luwen ma ghʉ wù, wu ntùʼmə̀ nə̀ fo ghoʼvə kwen vì yowù nsaŋlə̀ a muʼu.

Ŋwàʼlə̀ Luk 12:33

Ghə̀ŋ baʼlə fo vəŋə no tsèm əku ko yì à viʼi kəfem. Ghə̀ŋ shìtə mbò vəŋə a və zì kò və lu byɨf ndi və wye ghoʼo yi a wìʼ zì kò ghə̀ lu zhɨ myetə ə ghʉ a ghə̀ŋ a kàŋ, a kəshi a və zì kò və lu fàftə, byìʼe tsoŋ zì kò ghə̀ lu zaʼa tsu, ko ndiʼ la mbèmbè zì və lə zaʼa tsu əpfiʼ byɨbsə.

Ŋwàʼlə̀ Luk 17:30

A lè ando nyʉ lu ndìʼ a kətsi a Wàyn Wìʼ lu vì.

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Joyn 5:44

Ghə̀ŋ kòŋ ə ntemə təpfem a ghə̀ŋ tə wen, ko ghə̀ŋ mwomsə ə kiʼi kùʼsə yi a ghə̀ vi fa Nyìngòŋ yì a ghə̀ diʼ to əmùʼ. Ghə̀ŋ lə zi ghə̀ŋ byɨmə ale?

Shwèʼ 8:20

Bità bwènsə̀ gàʼ à wen la, “Məntùŋ myə̀, wenə̀ ko wu ayi, byìʼàndo wù kwòʼtə la wù zì wù zen kəfo a, à kù Nyìngòŋ nə̀ ko!

Lumans 2:10

Nyìngòŋ ə lu nè a vəwenə ali ə ku əghoʼ nə̀ əkuʼsə nə̀ mbwaʼmə no tèbe ando yi a ghə̀ tsi ntsìnə̀ ə jùŋ, zìtə̀ nə̀ viʼi Jus a mbì, kumtə nə̀ viʼi ətɨm.

Lumans 2:29

Nkàyntə̀ wu ə Jus ashɨ Nyìngòŋ ə diʼ byìʼì ntsìnə̀ wen. Ə shətə ndyə̀ a ji nəmwèʼè, diʼ a wu a tyɨm, a diʼ shwèʼè kəzhwì, a kodiʼ əsoʼ yì a və nyòʼ. Nkàyntə̀ wu ə Jus na ghèn diʼ, a bwomsə Nyìngòŋ bwomsə wen, a ko bwomsə viʼi.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

Lumans 8:19

Nò əfo ə tsèm a Nyìngòŋ ə shɨtə ə bvɨtə no nànto la Nyìngòŋ ə diʼ nkàyntə̀ a vunə wen.

1 Kolìntyàns 3:13

A lu ndiʼ a kətsi yi a Yesò lu bwenə vì və diʼi laynsə no tèbe shyèʼ no ndò a ndayn. Və mwomsə no tèbe shyèʼ ndò nə̀ zhiʼ, ghə̀ diʼi no tèbe nki əshyèʼ ə kò yi a wìʼ tə nshyèʼ.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

Jems 1:12

Mbwaʼmə̀ dìʼ à wìʼ yì a ghə̀ ghaʼa tyɨm a zhʉ a təmwòmsə̀ tə vì à wen. Byiʼàndo ghə̀ sətsèn ə̀ to chò təmwòmsə̀ a tèntə, ghə̀ a kiʼi əzhùʼtə̀ yi a Nyìngòŋ ə nghʉ li la ghə̀ a ku à viʼi a və kòŋə̀ wen.

1 Bità 1:13

Ghə̀ŋ baʼtə̀ li tə wen ə təŋtə, bvɨtə ə nè shyèʼ yì a Nyìngòŋ ə kəŋ. Ghə̀ŋ ə shɨtə ghaʼa təwen ə təŋtə, ghʉ̀ tə kwoʼtə təŋtə a bwaʼmə a ghèn a Nyìngòŋ ə diʼ lù ku a ghə̀ŋ a tʉʼ a Yesò Klistò lu bwenə vì.

1 Bità 1:5

Nyìngòŋ ə kəŋə ghə̀ŋ nə̀ kədyòʼ kì a ghə̀ kiʼi. Ghə̀ ne kəŋə byìʼì ə byɨmə ə ghəŋə, ghə̀ŋ diʼ lù kiʼi əbwòŋ yì a ghə̀ baʼtə̀ li ə lu ku a ghə̀ŋ a ndayn a tʉʼ bàm.

1 Bità 2:4

Ghə̀ŋ vi boʼsə Bobo Yesò Klistò. Ghə̀ diʼi ngùʼ, ghə̀ tsi mu viʼi ə ntemə maʼa la ghə̀ ko bòŋ, ali Nyìngòŋ ə yen la ghə̀ kuʼmə kwʉ̀ʼʉ̀ ə tsuʼ wen ə ghʉ.

1 Bità 2:7

A diʼ a ghə̀ŋ vi a ghə̀ŋ byɨmə li, ngùʼ na ghèn ə boŋ no nànto, ali a diʼ a viʼi vyi a və ko byɨmə mu: “Ngùʼ na yì a viʼi kə mbwom nə̀ ə temə maʼa kaʼkə li a ngùʼ bù ə ngə̀ŋ.”

1 Bità 4:12

Viʼi ndoŋsə ə mò, kə ghə̀ŋ a ndiʼ nə̀ əkaynə ando mwòmsə ə byɨghə vi a ghə̀ŋ. Kənyʉ̀ na kènkə ə fʉ ndi ə mwòmsə əbyɨmə ə ghəŋə. Kə ghə̀ŋ a lyɨ kənyʉ̀ na kì a kənyʉ̀ kə fikə.

1 Bità 4:13

Ghə̀ŋ ə boŋsə saŋlə la ghə̀ŋ yenə ngəʼ ndə̀ŋndəŋ to nə̀ Yesò ndiʼ ghə̀ lù sə bwenə vi a ntìntìn əbayn ə ghoʼo ghə̀ ə wen, ghə̀ŋ ə saŋlə no nànto.

1 Bità 5:1

Ma sensə vəchəʼ və ngə̀ŋ Nyìngòŋ vyi a və diʼi a ghə̀ŋ a ntìntìn la və ə shɨtə tùʼmə̀ nə̀ viʼi vyi a Nyìngòŋ ə kuli a vəwenə to nə̀ byisə. Ghə̀ŋ kɨli la nkàyntə̀ mo diʼ to no chəʼ mu ma ə yen li to ando Klistò yènə ngəʼ. Ma diʼ to a ntìntìn əbayn yi a Nyìngòŋ ə lu diʼ a tʉʼ a Yesò lu bwenə vi. Ghə̀ŋ sə tuʼmə nə̀ vəwenə, ghə̀ŋ ə diʼi la ghə̀ŋ kòŋ kənyʉ̀ kì a ghə̀ŋ nè. Kə ghə̀ŋ a nè sə və ghaʼ ghə̀ŋ ghaʼ, byìʼì ando Nyìngòŋ ə kòŋ la ghə̀ŋ ə nè a ji na ghèn. Ghə̀ŋ ə ghablə, nè shwèʼ. Kə ashɨ a ghəŋə baŋə a ko.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

2 Bità 1:4

A diʼ a ji na ghèn a Nyìngòŋ ə lwinsə li kənyʉ̀ kə ghʉkə kikə a ghə̀ ə nghʉ̀ la ghə̀ lu ku kəku kə jùŋ kə kə kaynəkə, la kə gyamtə vəghəŋ la vəghəŋ nyɨŋ fʉ̀ fa nyʉ̀ ə byɨvə yi a njòsə wensə ə vi nə̀ wenəvə a mbi ashə və byɨbsə viʼi, ə boŋsə tsi ntsìnə̀ Nyìngòŋ.

2 Bità 3:14

Kə le diʼ a doŋ shom sə jùŋsə la, ando ghə̀ŋ kəʼtə kətsi na kì, ghə̀ŋ mwòmsə̀ no nə̀ kədyoʼkə ə ndiʼ nə̀ laynə, ko ghə̀ a nkiʼi ə mbyɨ ashɨ Nyìngòŋ, be tsi nə̀ mbwaʼmə.

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.

Kəmwetə 3:10

Mà ne bwòŋsə ghə̀ŋ fa zhʉ ə ngəʼ yì a ghə̀ vì à mbi ə̀ tsèm ə mwòmsə viʼi vyi a və tsi a kwi nse byìʼàndo ghə̀ŋ ə zhʉ li kənyʉ̀ kì a mà ə gàʼà la, ghə̀ŋ ə wensə.

Kəmwetə 3:18

Mà mù sə tyɨftə ghə̀ŋ la ghə̀ŋ zen ə nkàyntə̀ gul fà mò ndi ə ndiʼ viʼi ə ko ə̀ bè zèn vədàlə və fəfəvə mòʼ chiʼtə təwen ə təŋtə tsu ndi ə lyòmtə̀ kətʉ kə diʼikə kì a ghə̀ŋ kiʼi byìʼì ənàʼ ntsuʼ ə vəŋə. Ghə̀ŋ be zèn kəfʉ ə̀ wè à ghə̀ŋ əshɨ ndi ə be ə nyenə əshi