1 Bità 1:22 - The New Testament in the Babanki language

²² Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 1:22 ပူးပေါင်းရင်းမြစ်များ

Joyn 15:17

Kènkə diʼ əsoʼ ə ghomə la, ghə̀ŋ kòŋ təwen ə təŋtə.

Joyn 15:3

Ghə̀ŋ sə diʼ nə̀ laynə byìʼì əziʼi yì a mà ziʼi a ghə̀ŋ.

Joyn 17:17

Kənyʉ̀ kyəkə gaʼa to nəmwèʼè. Lyɨ vəwenə, vəwenə ndiʼ to a wù, chò fa wù kənyʉ̀ yì a kə diʼi nəmwèʼè.

Joyn 17:19

Ma kù wen ghomə a wù ndiʼ vəwenə be boŋ kù təwen tə vəwenə a wù nəmwèʼè.

Shwèʼ 15:9

Ghə̀ ndiʼì li la nəkwoŋ ko diʼ à viʼi tɨm fà vəghəŋ a ji la ghə̀ nshʉ li mbyɨsə fà vəwenə a tətyɨm byìʼàndo vəwenə mbyɨmə̀ à Bobo.

Shwèʼ 6:7

Kənyʉ̀ kə Nyìngòŋ kə mù sə sàykə̀ dyʉ̀ tò nə̀ mbì, viʼi və byɨməvə a Jelusalèm bè sə̀ ghoʼo dyʉ̀ tò nə̀ mbì. Vəpfèm və ngə̀ŋ Nyìngòŋ no vəghoʼo zhʉ ziʼi aghenə bè byɨmə.

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

Lumans 2:8

Ghə̀ lu soʼ viʼi vyi a və kəŋ to kənyʉ̀ ngeŋsə ə vəwenə, ko və lu zhʉ kənyʉ̀ ki a kə diʼi nəmwèʼè ali kòŋ to ndzɨ̀ŋ. Ghə̀ lu soʼ vəwenə ə diʼ tin ə fwi ə wen a vəwenə.

Lumans 8:13

Ghə̀ŋ sətsen ntsi dyʉ̀ to ando njòsə əwen ə ghə̀ŋ sə ə kəŋ, ghə̀ŋ a pfʉ, ali mu ghə̀ŋ sətsen boŋsə ə maʼa nyʉ̀ ə byɨvə ə ghə̀ŋ chò fa kədyòʼ yi a kəzhwì kə ku a ghə̀ŋ, ghə̀ŋ a ntsi diʼ.

2 Kolìntyàns 6:6

Yès diʼi li la yès diʼ viʼi Nyìngòŋ byìʼì ando yès ə tsì ətsìnə̀sə laynəsə, kɨ kənyʉ̀ ki a kə diʼi nəmwèʼè, wensə, tuʼmə, kiʼ Kəzhwì kə Ŋwoʼkə be kòŋ viʼi vətsenvə nə̀ tyɨm ə yèsə no tsèm.

Gàlesìyà 3:1

Ghə̀ŋ nkoyn ə viʼi Gàlesìyà venə! Və lùʼ ghə̀ŋ lùʼu mu? A və tə diʼ mwetə to no ando və ə bayntə Yesò Klistò a kəntò a ghə̀ŋ!

Gàlesìyà 5:5

Kəzhwì kə Nyìngòŋ kə nè la vəghəŋ kɨ nəmwèʼè la vəghəŋ lu ətɨmə akayn ashɨ Nyìngòŋ byìʼì əbyɨmə ə vəghəŋ.

Gàlesìyà 5:7

Ghə̀ŋ tə nè akayn. Ma ko kɨ la à tə be tàʼsə ghò tàʼsə ghə̀ŋ la kə ghə̀ŋ ghaʼ kənyʉ̀ kì a kə diʼ nəmwèʼè lo?

Efisyàns 4:3

Ghə̀ŋ mwomsə no nə̀ kədyoʼkə ə faŋ to a kənyʉ̀ kə mùʼ kì a kəzhwì kə Ŋwoʼkə ku a ghə̀ŋ ə cho fa mbwaʼmə yi a ghə̀ tsèntə ghə̀ŋ.

Filìbàyns 1:9

Ma jɨ̀mə̀ la əkòŋ ghə̀ŋ a Nyìngòŋ nə yi ghə̀ŋ kiʼ a ghə̀ŋ təwen ə tò dyʉ̀ to nə̀ mbì be jɨ̀mə̀ la ghə̀ŋ kɨ ənyʉ̀ Nyìngòŋ, be kɨ nəkwoŋ fa nyʉ̀ byɨvə benə nyʉ̀ jùŋvə.

1 Tèsàlonyà 3:12

Bobo na nè ə ghə̀ŋ tuʼ kòŋ təwen ə tyəŋtə be kòŋ viʼi və tsèm ndə̀ŋndəŋ ando yes ə kòŋ ghə̀ŋ.

2 Tèsàlonyà 1:3

Vəlemə, yès nə̀ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ. A diʼ to no kənyʉ̀ kə jùŋ kə a yès ə nè alə byìʼì ando əbyɨmə ə ghəŋə a Yesò ə kwi dyʉ̀ to ambì, ə kòŋ ə ghəŋə be kwi dyʉ̀ to ambì.

2 Tèsàlonyà 2:13

Yès diʼ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ ə vəlemə. Bobo kòŋ li ghə̀ŋ, ghə̀ŋ sə diʼ a nòyn ə̀ viʼi vyi a ghə̀ ə̀ ntsuʼ no fa kəzìtə̀ ə bwoŋsə chò fa əshyèʼ yi a kəzhwì kə Ŋwoʼkə ə nè ə ghʉ̀ ghə̀ŋ ə laynə ə be chò fa əbyɨmə yi a ghə̀ŋ kiʼi kùmə̀ nyʉ̀ vyi a və diʼi nəmwèʼè.

1 Timotì 1:3

A ndiʼ ando ma lu sə dyʉ̀ a əloʼ ə Macedonia, mà gaʼa a wù la wù faŋ tò a ntə̀ʼ Efesùs. Mà ə kəŋ la wu faŋ tò tsu ə kàyn la viʼi vətsenvə vi ghʉsə əziʼi ə kənwam yi a vəwenə ə ziʼi tsu lì.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

1 Timotì 4:12

Kə a ghʉsə la wìʼ chasə wù byìʼì ando wù dìʼ wàyndyə. Wu diʼ ə ndiʼ kəchwitə à viʼi və byɨməvə, a jisə yi a wù gaʼa fatsu. Wù ntsi ntsìnə̀ ə jùŋ, kòŋ viʼi, diʼi la wù byɨmə à Klistò bè dìʼ nə̀ layn ə.

1 Timotì 5:2

Wù lyɨ̀ ki və tovə tò nə̀ vəlì vyə, lyɨ̀ Ngòynsə ki tò nə̀ vəlemə vyə. Wù ə ne ənyʉ̀ a venə lə tò nə̀ kwoʼtə ə laynə ghə̀.

2 Timotì 1:14

Kəzhwì kə Ŋwòʼəkə kì a kə diʼì a vəghəŋ a ntìntìn a gyamtə wù ə ku kədyòʼ ndi wù shɨ̀tə̀ ghaʼ ənyʉ̀ jùŋvə vi a və ku li à wù.

Hibùlù 11:8

Ablaham ə mbyɨmə a Nyìngòŋ ando ghə̀ dzàŋ wen, ghə̀ lu dyʉ̀ alòʼ yi a ghə̀ ne ku a wen. Ghə̀ ə ndyʉ̀ ali ko ghə̀ ntɨmə kɨ lòʼ a yi.

Hibùlù 13:1

Ghə̀ŋ nkòŋmə̀ tə wen ə təŋtə to kòŋmə a nə̀ vəlemə.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

Hibùlù 6:10

Nyìngòŋ ə nə̀ nè no tèbe ghò to ji tɨmə. Ghə̀ zizi ko ghə̀ lu lyesə kòŋ yì a ghə̀ diʼi a viʼi wen nə̀ shwèʼ yì a ghə̀ŋ nè ə gyamtə vəwenə. A diʼ no tèbe luwen, ghə̀ŋ bo shwèʼè to ali.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.

Jems 1:21

Kə mu sə diʼ la ghə̀ŋ maʼa ntsìnə̀sə byɨsə bènə̀ ntsìnə̀sə kəmɨ̀ŋ ghə̀ŋ ə̀ shìʼsə təwen təŋtə shi ntɨm yì a Nyìngòŋ ə we à ghə̀ŋ a tətyɨm a ghə̀ zì ghə̀ bwòŋsə ghə̀ŋ.

Jems 4:8

Ghə̀ŋ vìtə̀ boʼsə Nyìngòŋ a ghə̀ a vìtə̀ ə boʼsə ghə̀ŋ. Ghə̀ŋ shʉ avu a ghəŋə fa nyʉ̀ byɨvə ghə̀ŋ ə viʼi nè nyʉ̀ byɨvə venə. Ghə̀ŋ shʉ tətyɨm ə təŋtə fa nyʉ̀ byɨvə ghə̀ŋ a viʼi tətyɨm tə̀ bò venə.

1 Bità 1:2

Nyìngòŋ, ə Tìʼ sə diʼ mù ghə̀ ghʉ̀ li ə tsuʼtə ghə̀ŋ a viʼi və laynə və wen chò fa əshyèʼ kəzhwì kə Ŋwoʼkə. Ghə̀ nè ali ndiʼ ghə̀ŋ ə zhʉ to fa Yesò Klistò, mənlyuŋ mə wen ə shʉ̀ laynsə ghə̀ŋ. Nyìngòŋ ə diʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ.

1 Bità 2:17

Ghə̀ŋ ə gumlə viʼi vətsèm no nkayn, kòŋ vəlemə vəŋə ə viʼi və byɨməvə, fwaynə Nyìngòŋ, be gumlə fòyn ghoʼo yi a ghə̀ soʼo ghə̀ŋ.

1 Bità 3:1

Ki, ghə̀ŋ be ngumlə̀ və lɨmə ə vəŋə. Ghə̀ŋ sətsen ə ne alə, ətsìnə̀sə jùŋsə ə ghə̀ŋ sə zizi sə nè vəlɨm ə vəŋə vi a və ko tɨmə ə byɨmə, vəwenə kwitə tətyɨm tə vəwenə ə byɨmə a Nyìngòŋ ko ndiʼ la ghə̀ŋ gàʼ li tèbe kənyʉ̀ a vəwenə,

1 Bità 3:20

ayi əzhwi viʼi a və ko zhʉtə tebè Nyìngòŋ ali Nyìngòŋ be wensə to wensə ə zàʼa fa a tʉʼ yi ando Nuwà mbwòm kəbaŋ. A ndiʼ a tʉʼ na yi, viʼi bwòŋ ati kəbaŋ na yi a kə nə̀ lyəʼə a kwi a mù, ndiʼ to fwomə.

1 Bità 3:8

Ə mwètə̀, ghə̀ŋ ə tsèntə kiʼi to əkwoʼtə ə mùʼ, kusə shinsə, kòŋə təwen ə təŋtə to nə̀ vəlemə, tuʼmə be bwaʼmə.

1 Bità 4:17

Kə diʼ alə̀ byìʼì ando zhʉ̀ kʉʼʉ li a Nyìngòŋ a soʼ mbi, ghə̀ diʼ ə zìtə̀ nə̀ viʼi wen. Ghə̀ lə sətsen ndiʼ boŋsə zìtə̀ ə soʼ vəghəŋ a ambì, kə lə na ndiʼ ale a viʼi a və ko byɨmə ntɨm ə jùŋ a?

1 Bità 4:8

Nò kənyʉ̀ kə to kə ə diʼ la ghə̀ŋ ə shɨtə kòŋmə tə wenə ətəŋtə byìʼì ando əkòŋ ə na nè, və lyesə ku mbyɨsə to kədə̀ŋ.

2 Bità 1:7

Ghə̀ŋ sə tsì ntsìnə̀ na yì, ghə̀ŋ ə kòŋ vəlemə, kə ghə̀ŋ kòŋ to vəlemə ali ghə̀ŋ be kiʼi kòŋ to a viʼi vətsèm.

1 Joyn 3:11

Ghə̀ŋ ə nzhʉ li ntɨm ghèn fa kənzìtə la vəghəŋ diʼ ə nkòŋmə̀ təwen tə vəghəŋ.

1 Joyn 3:23

Əsoʼ ə Nyìngòŋ aghenə diʼ la vəghəŋ byɨmə a zhiʼ ə̀ wàyn wen ə Yesò Klistò, ə̀ bè nkòŋmə̀ təwen tə vəghəŋ tò ando ghə̀ gàʼà.

1 Joyn 4:12

Wìʼ ko ntəmə yèn Nyìngòŋ, alì mu vəghəŋ yi ə nkòŋmə̀ təwen tə vəghəŋ, Nyìngòŋ a ndiʼ à vəghəŋ a ntìntìn, əkòŋ ə wen be kwʉ̀ʼ ə̀ mè à vəghəŋ ə ntsìnə̀sə.

1 Joyn 4:20

A sətsèn a gàʼ tè ndò la, “Mà kòŋə̀ Nyìngòŋ.” Alì bàynə̀ lèmə̀ wen mu ghə̀ zhò ndzɨ̀ŋ byìʼàndo Wìʼ ko zì ghə̀ faŋ ke nkòŋə̀ lèmə̀ wen a ghə̀ yenə, ghə̀ lu ə nkòŋə̀ Nyìngòŋ a ghə̀ nko təmə̀ yen wen.

1 Joyn 4:7

Vəlèmə̀ və kòŋ ə̀ mò, vəghəŋ ə nkòŋmə̀ təwenə tə vəghəŋ byìʼe ə̀kòŋ ə lù fà Nyìngòŋ. No ndò a ghə̀ kòŋə̀ dìʼ mu à bwì Nyìngòŋ ə mbwi wen ghə̀ be kɨ Nyìngòŋ.

Kəmwetə 2:4

alì mà ghàmə̀ ghə̀ŋ a kənyʉ̀ kènkə kə mùʼ lə, la ghə̀ŋ ko bè kòŋə̀ mò ando ghə̀ŋ tə nkòŋə̀ fa mbì.