1 Bità 1:20 - The New Testament in the Babanki language

²⁰ Nyìngòŋ ə diʼ mù ghə̀ ntsuʼ li wen ə ghʉ̀ mibu fa tʉʼ ghə̀ shɨtə mbi, ə sə diʼ mù ghə̀ diʼi li wen a mətsi mə kəmwètə a ghə̀ŋ a jùŋ.

1 Bità 1:20 ပူးပေါင်းရင်းမြစ်များ

Matìyò 25:34

A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi,

Shwèʼ 2:23

Və mbaʼlə̀ li Yesò aghèn ando Nyìngòŋ ə̀ nshɨ̀tə̀ li ə̀ ghʉ bè kɨ, ghə̀ŋ zhwi wen a ji la ghə̀ŋ ə̀ nku wen à viʼi ne nyʉ̀ byɨvə. Vəwenə bantə wen a kəntò,

Lumans 3:25

Nyìngòŋ ə nku wen la ghə̀ vi pfʉ ndiʼ mənlyuŋ mə wen ne ghə̀ lyesə ku mbyɨsə viʼi chò fa əbyɨmə ə vəwenə. Na kènkə ndiʼ ə diʼ ji nəmwèʼè ə Nyìngòŋ. Ghə̀ nko ku ngəʼ a viʼi a ambì kumə mbyɨsə vəwenə. Ghə̀ ə wensə achʉʼ a yi,

Lumans 8:29

Nyìngòŋ ə ghʉ la viʼi na vi a ghə̀ nsə diʼ mu ghə̀ tsuʼtə li və fəsə Wàyn wen. Ghə̀ ghʉ̀ alə ndiʼ Wàyn wen diʼ wàyn ə mbì a ntìntìn ə vəlemə a və diʼ no kədə̀ŋ.

Gàlesìyà 4:4

Əzhʉ lu kuʼ kwʉ̀ʼ, Nyìngòŋ ə tɨm Wàyn wen. A mbwi wùwì bwi wen, ghə̀ kwi kuʼ a tyi Əsoʼ viʼi Jus,

Efisyàns 1:10

Nyìngòŋ ə ghʉ li la zhʉ lu kwʉ̀ʼ, ə ghə̀ tsentə əfo ə tsèm a kaŋ be boʼsə nə̀ və nse ə ghʉ to a ti əsoʼ ə Yesò.

Efisyàns 1:4

Nò tèbe mibu Nyìngòŋ nsə shɨtə mbyi mu ghə̀ ntsuʼ li vəghəŋ byìʼì ando vəghəŋ ə ndiʼ a kənyʉ̀ kə mùʼ vəghəŋ və Klistò la vəghəŋ lu ndiʼ viʼi vəlaynəvə, ko andiʼ la və kiʼi ə mbyɨ ashɨ Nyìngòŋ.

Efisyàns 3:11

Nyìngòŋ ə nè ali to ndə̀ŋndəŋ ando ghə̀ mbaʼtə li əghʉ la kə fʉ̀ ali ə chò fa Bobo vəghəŋ Yesò Klistò mibu ghə̀ shɨtə mbyi.

Efisyàns 3:9

be shə̀ʼtə̀ diʼ laynsə ji yì a shwèʼ ə kaynə ghə̀ Nyìngòŋ a ghenə nə̀ jèʼe fa tsù a no ndò. Nyìngòŋ yi a ghə̀ shɨtə əfo ə tsèm ə nko ndiʼi a no wìʼ fa viʼi ambì.

Kòlòsyàns 1:26

Ntɨm ə jùŋə yi a Nyìngòŋ ə ndiʼ mu ghə̀ lyomtə li fa viʼi fa ambì no vətsèm, ali ndiʼi luwen a viʼi wen.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

Hibùlù 1:2

Alì, à sə ə diʼ a mətsi mə kəmwètə mèyn ghə̀ gaʼa a vəghəŋ chò fa Wàyn wen. Nyìngòŋ ə nsə diʼ mu ghə̀ ghʉ̀ li la ghə̀ lu ku no tèbe ghò a mbyi a Wàyn wen, a ghə̀ ə shɨtə mbyi nə̀ no tèbe nə̀ ghò a ghə̀ diʼi tsu chò fa Wàyn ə wen a ghèn.

Hibùlù 2:14

Vunə a venə a ghə̀ ngaʼa ə ndiʼ to no viʼi a və kiʼi njòsə wen. A le kənyʉ̀ ki a kə nè, Yesò ə bwensə ə sə diʼ wìʼ to nə̀ vəwenə ndi ghə̀ pfʉ ə byɨbsə wèn yi a ghə̀ ne la viʼi mpfʉ, à ji Deblə̀.

Hibùlù 9:26

Kə ndiʼ ali mu ghə̀ ə nfaŋ li ə sə zen kətʉ kə viʼi no aghayn to kədə̀ŋ no fa chʉ a və nshɨtə mbyi. Alì luwen diʼ mu ghə̀ nvi to aghayn ə mùʼ ə ku wèn ə wen a kəku ə shʉ̀ ə mbyɨsə viʼi. Ghə̀ nè ando vəghəŋ sə tsi a məntsi məkəmwetə.

1 Bità 1:2

Nyìngòŋ, ə Tìʼ sə diʼ mù ghə̀ ghʉ̀ li ə tsuʼtə ghə̀ŋ a viʼi və laynə və wen chò fa əshyèʼ kəzhwì kə Ŋwoʼkə. Ghə̀ nè ali ndiʼ ghə̀ŋ ə zhʉ to fa Yesò Klistò, mənlyuŋ mə wen ə shʉ̀ laynsə ghə̀ŋ. Nyìngòŋ ə diʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ.

1 Joyn 1:2

Əbwòŋ a ghèn ə ndiʼi li wen ə wen, yès yen ə mù sə ti a nə̀ viʼi və yenəvə a wen. Yès ə gàʼà a ghə̀ŋ bìʼì əbwòŋ aghenə a ghə̀ ndiʼi wenə Tìʼ ə dìʼ li wen ə wen a yès.

1 Joyn 3:5

Ghə̀ŋ ə kɨ la Klistò ə̀ mvì ə shʉ mbyɨsə viʼi, kò ndìʼ la ghə̀ kiʼi mbyɨ.

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.