1 Bità 1:18 - The New Testament in the Babanki language

¹⁸ Ghə̀ŋ kɨli la Nyìngòŋ ə loʼ li shisə ghə̀ŋ fa ntsìnə̀ ə mu yi a vətiʼi və vəghəŋ ə ntsi. Nyìngòŋ ə nko ə zen ghə̀ŋ nə̀ kəfo kə to nə̀ əko mu ghə̀ zizi ghə̀ byɨf.

1 Bità 1:18 ပူးပေါင်းရင်းမြစ်များ

Ŋwàʼlə̀ Mak 8:37

Wìʼ lè zì ghə̀ zen sò kətʉ wen no nə̀ ghò?

Lumans 1:21

Vəwenə kɨ Nyìngòŋ ali ko və kuʼsə tebè wen ando və diʼ ə nkuʼsə, ko və ku tebè kəzòŋ a Nyìngòŋ. Təkwòʼtə̀ tə vəwenə diʼ to təkwòʼtə̀ tə nəkwoŋ, vəwenə ko be kwoʼtə tebè kənyʉ̀ kə nəmwèʼè bɨ̀lə̀ to bɨ̀lə̀.

1 Kolìntyàns 3:20

Və be ə nyoʼo a la, “Bobo ə kɨ təkwòʼtə̀ tə viʼi və tofəvə la tə ko shyèʼè tebè kənyʉ̀.”

1 Kolìntyàns 6:20

Nyìngòŋ sə diʼ mù ghə̀ zen li ghə̀ŋ ə lòʼ. Ghə̀ŋ lyɨ̀ li təwen ə təŋtə ə nè nyʉ̀ tsu a və ku əkuʼsə a Nyìngòŋ.

1 Kolìntyàns 7:23

Nyìngòŋ sə diʼ mù ghə̀ zen li ghə̀ŋ ə lòʼ. Kə ghə̀ŋ bè a kaʼkə ndiʼ əkòs a viʼi.

Gàlesìyà 1:4

Yesò ə nku li wen ə wen ə pfʉ byìʼì mbyɨsə vəghəŋ ə bwoŋsə vəghəŋ fa mbyi ghèn a mbyɨ ə ghoʼ tsu lə̀. A diʼ to kənyʉ̀ ki a Nyìngòŋ ə Tìʼ vəghəŋ ə nkəŋə.

Efisyàns 4:17

Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 9:12

Yesò ə ko ə lyɨ̀ mənlyuŋ mə nyàm ko mə byi ə kwen nə̀ mə wenə a kəshi yi a kə Layn kwʉ̀ʼʉ̀. Ghə̀ boŋsə lyɨ̀ to mənlyuŋ mə wen ə kwen tsu, to ə zen kətʉ kə vəghəŋ to ghayn əmùʼ.

1 Bità 1:7

Təmwòmsə̀ na tentə ə vi a ghə̀ŋ ə ne la viʼi yen əkɨ la ghə̀ŋ kiʼi no nkàyntə̀ əbyɨmə. Və nə̀ mwomsə gul nə̀ zhiʼ ali a diʼ kəfo a kə ko kuʼmə zàʼa tebè a nə̀ əbyɨmə, mu kə zi kə byɨf. Kə le diʼi la, və diʼ mwomsə əbyɨmə ə ghəŋə byìʼì ando à diʼ kəfo a kə kuʼmə chò gul ndiʼ à lù ndiʼ a kətsi a Yesò Klistò bwenə vì, Nyìngòŋ ə bwomsə ghə̀ŋ ə be ku əghoʼ ə wen a ghə̀ŋ.

1 Bità 4:3

Ghə̀ŋ sə diʼ mù ghə̀ŋ byɨsə li əzhʉ̀ ə ghoʼo ghə, tsi ntsìnə̀ yì a viʼi vyi a və ko kɨ Nyìngòŋ ə kòŋə. Ghə̀ŋ tə ntsi ətsìnə̀sə kəfwaʼlə, ashɨ a ghəŋə bàŋbàŋ, ghə̀ŋ nyʉ məlʉ̀ʼ bomə, ghə̀ŋ ə dyʉ̀ akəshi kə kəzhɨ, ghə̀ŋ sə nè to nə̀ bʉ̀sə. Ghə̀ŋ tə ə kuʼsə nshəʼsə, ko əsoʼ ə Nyìngòŋ ə byɨmə.

1 Joyn 3:5

Ghə̀ŋ ə kɨ la Klistò ə̀ mvì ə shʉ mbyɨsə viʼi, kò ndìʼ la ghə̀ kiʼi mbyɨ.