1 Bità 1:12 - The New Testament in the Babanki language

¹² Nyìngòŋ ə ndiʼi li làynsə a nshə̀ʼtə̀sə ghoʼokəsə na sensə la vəwenə ə shə̀ʼtə̀ ntɨm na ghèn ko vəwenə shəʼtə̀ a və wenə təwen, la vəwenə ə boŋsə shyèʼ a ghə̀ŋ. Nyìngòŋ ə sə diʼ mù ghə̀ tɨm li Kəzhwì kə Ŋwoʼkə a viʼi mu kə lù fa kàŋ, və shə̀ʼtə̀ nyʉ̀ na venə a ghə̀ŋ chò fa a ntɨm ə jùŋ, a diʼ nyʉ̀ a no tèbe ətsɨŋsə Nyìngòŋ əkòŋ ə kɨ.

1 Bità 1:12 ပူးပေါင်းရင်းမြစ်များ

Matìyò 11:25

A zhʉ ayì Yesò lù ə̀ jɨ̀m à Tìʼ wen la, “Tìʼ ghom, Bobo a wù soʼo kaŋ nə̀ nse, mà ku kəzòŋ à wù byìʼàndo wu lyomtə li nyʉ̀ venə fa viʼi vyì a vəwenə kwòʼtə la vəwenə tofə alì ə dìʼ à viʼi a və dìʼì anə̀ vunə və bwaʼvə.

Matìyò 11:27

Yesò bè gàʼ à viʼi la, “Tìʼ ghom ə ku li tofə nyʉ̀ tsèm à mò. Wìʼ zì kò ghə̀ lə̀ kɨ̀ wàyn à bwen tò tìʼ wen, kò a ndiʼ la wìʼ zì ghə̀ kɨ tìʼ a bwen tò wàyn bènə̀ viʼi vyi a wàyn kòŋə̀ ə shə̀ʼtə̀ à vəwenə.

Matìyò 16:17

Yesò mù gàʼ la, “Mbwaʼmə̀ dìʼ à wù a Simon wàyn Jonà, byìʼàndo a ko shə̀ʼtə̀ Wùmə̀nsòŋ nshyə̀ʼtə̀ kənyʉ̀ kènkə la wu gàʼ a lì, à dìʼ Tìʼ ghom ə Nyìngòŋ yì a ghə̀ diʼì a kàŋ.

Ŋwàʼlə̀ Mak 16:15

Ghə̀ mù gàʼ à vəwenə la, “Ghə̀ŋ dyʉ̀ a təshyə tə mbi no tətsèm ə̀ shə̀ʼtə̀ ntɨm jùŋə̀ à viʼi vətsèm.

Ŋwàʼlə̀ Luk 15:10

Ma gàʼà ghə̀ŋ la wu ne nyʉ̀ byɨvə mùʼ sətsen kwitə tyɨm wen ə bwenə dyʉ̀ à Nyìngòŋ, ntsɨŋsə wen sə saŋlə̀ tò ndə̀ŋndəŋ.”

Ŋwàʼlə̀ Luk 2:26

Mu kəzhwì kəŋwoʼkə ndiʼ li a wen la ghə̀ ko lu pfʉ kèn la ghə̀ yenli wìʼ yi a Bobo ntsuʼ li ə tɨm.

Ŋwàʼlə̀ Luk 9:6

Viʼi ntɨm wen a vyi mù fʉ̀ sə jèʼè dyʉ̀ no ntə̀ʼ sə tsèm shə̀ʼtə̀ dyʉ̀ nə̀ ntɨm jùŋ, bè chʉʼʉ viʼi no fe a vəwenə yenə.

Joyn 15:26

“Ngyàmtə̀ ne vì, a mà tɨmə ə gaʼa nəmwèʼè kumə mò. Ghə̀ na lu fa ben Tìʼ, a diʼ Kəzhwì kə wen kì a kə gàʼà to nəmwèʼè.

Shwèʼ 10:44

Ando Bità mbu gàʼà, Kəzhwì kə ŋwòʼəkə vì à no ndò a ghə̀ nzhʉtə gaʼa wen.

Shwèʼ 16:10

Fa yì a bàm, yo vəwenə baʼtə̀ tò a zhʉ a yì əlu dyʉ̀ a loʼ Macedonia byìʼàndo yès nyen li la Nyìngòŋ ə kəŋə la yès dyʉ̀ shə̀ʼtə̀ ntɨm jùŋ à loʼ ayì.

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Shwèʼ 4:31

Andìʼ ando vəwenə njɨmə̀ mwètə̀, kəshi kì a vəwenə ndiʼì tsu lì nə̀ʼ! kəzhwì kə ŋwoʼəkə ku kədyòʼ à vəwenə no vətsèm vəwenə zìtə̀ sə̀ shə̀ʼtə̀ ntɨm yì a Nyìngòŋ nkəŋə la vəwenə nshə̀ʼtə̀ nə̀ tətyɨm tə to tə.

Shwèʼ 4:8

Andiʼ a lì kəzhwì kə ŋwòʼəkə diʼ mu kə lwin li a tyɨm ə̀ Bità, ghə̀ mù bwènsə̀ à vəwenə la, “Tʉtʉ viʼi bènə̀ vəchəʼ,

Shwèʼ 8:25

Bità wenə̀ Joyn nè shə̀ʼtə̀ nyʉ̀ vyi a vəwenə nkɨ byìʼì Bobo nə̀ ziʼi wen ə̀ mwètə̀, ə̀ bwènə̀ pfwo a Jelusalèm, sə mpfwo dyʉ̀ be sə shə̀ʼtə̀ dyʉ̀ nə̀ ntɨm jùŋ a ntə̀ʼsə Samalìyà no səghoʼo.

Lumans 1:15

A lə kənyʉ̀ ki a ma kòŋ no nànto ə shə̀ʼtə̀ ntɨm ə jùŋ a ghə̀ŋ vi a ghə̀ŋ tsi a Lum.

Lumans 1:17

Ntɨm ə jùŋ ə̀ diʼi bayn a ji yì a Nyìngòŋ ə nə̀ lyɨ viʼi a viʼi kənyʉ̀ kə tɨməkə fa tsu. Ghə̀ nè alə̀ chò fa ə vəghəŋ a əbyɨmə, kənyʉ̀ kə tsen ko be boʼsə tsu, to ndə̀ŋndəŋ ando və nyoʼ a Ŋwàʼlə̀ Nyìngòŋ la, “Viʼi vi a və diʼ viʼi kənyʉ̀ kətɨməkə byìʼì byɨmə ə vəwenə lu kiʼi əbwòŋ yì a ghə̀ ko lu mè.”

Lumans 10:15

Wìʼ lə zizi ghə̀ shə̀ʼtə̀ ntɨm a ghèn a viʼi ko andiʼ la və tɨmə wen tɨmə a? Və nyòʼò li a Ŋwàʼlə̀ Nyìngòŋ la, “Ghə̀ŋ yen ando viʼi ə vi nə̀ ntɨm ə jùŋ ə shə̀ʼtə̀, məvì ə vəwenə boŋ ə no nànto!”

Lumans 15:19

Ghə̀ nè li, ma sə nè nyʉ̀ ə kaynəvə to a tənkì a tənkì cho fa kədyòʼ kə kəzhwì kə Ŋwoʼkə. Ma shə̀ʼtə̀ li ntɨm ə jùŋ kumə Yesò to shì ə tsèm, ə zìtə̀ fa Jelusalèm ə dyʉ̀ ə zàʼa a Ililikùm.

1 Kolìntyàns 2:10

Alì mu Nyìngòŋ ə ne li kəzhwì kə wen kə diʼi làynsə nyʉ̀ ə lyomtəvə ə wen a vəghəŋ. Kəzhwì kə Nyìngòŋ kə nə̀ yenə to nyʉ̀ ə tsèm, yenə no tèbe ghò, no tèbe kì kə a Nyìngòŋ ə lyomtə lyomtə.

2 Kolìntyàns 1:22

Ghə̀ chʉtə li vəghəŋ a ji la ghə̀ ku li Kəzhwì kə Ŋwoʼkə ə Nyìngòŋ a vəghəŋ a tətyɨm ə diʼ nəmwèʼè la ghə̀ lu ku mwetə əfo vyi a ghə̀ ghʉ a vəghəŋ.

2 Kolìntyàns 6:6

Yès diʼi li la yès diʼ viʼi Nyìngòŋ byìʼì ando yès ə tsì ətsìnə̀sə laynəsə, kɨ kənyʉ̀ ki a kə diʼi nəmwèʼè, wensə, tuʼmə, kiʼ Kəzhwì kə Ŋwoʼkə be kòŋ viʼi vətsenvə nə̀ tyɨm ə yèsə no tsèm.

Gàlesìyà 1:12

Ma ko tə zhʉ ntɨm na ghèn fa wìʼ, wìʼ ko tə ziʼi kənyʉ̀ a mò. A tə diʼ no nkàyntə̀ Yesò Klistò a ghə̀ tə diʼ nyʉ̀ na venə a mo no tsèm.

Gàlesìyà 1:16

A ndiʼ ando Nyìngòŋ ə nkòŋ ə diʼ Wàyn wen a mò ndiʼ mà shə̀ʼtə̀ ntɨm ə jùŋ kùmə̀ wen, a viʼi a nko diʼ viʼi Jus, ma nko dyʉ̀ ə bèm kənyʉ̀ a wìʼ.

Efisyàns 3:10

Nyìngòŋ ə ne alə ndi kəzhwì nə̀ adyòʼ vyi a və tàynkə̀ chò fa kaŋ ə yenə ətof ə Nyìngòŋ yì a ghə̀ diʼi to a jisə a jisə.

1 Tèsàlonyà 2:9

Vəlemə, ghə̀ŋ kɨli ando yes ə nshyèʼ no nə̀ kədyoʼkə. Yes ə nshyèʼ nə̀nchwì shyèʼ nətʉʼ ndi kə ghə̀ŋ faŋ nlè kəfo a yes a kətʉ ando yes ə shə̀ʼtə̀ ntɨm ə jùŋ na ghèn a ghə̀ŋ a Nyìngòŋ ə ku la yes ə shə̀ʼtə̀.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

Hibùlù 11:13

Viʼi na venə no vətsèm nki li əbyɨmə a Nyìngòŋ ə lu kaʼ əpfʉ to nə̀ wenə ghə̀. Vəwenə ə nsə pfʉ ko a vəwenə kiʼi li kənyʉ̀ kì a Nyìngòŋ nghʉ̀ ali, vəwenə sə saŋlə to saŋlə, ki dyʉ̀sə nə̀ kənyʉ̀ ki a Nyìngòŋ ə ndiʼ lù nè. Vəwenə ngaʼa li to no nə̀ əchʉ vəwenə la vəwenə diʼ a nse ashə to nə̀ viʼi ghayn.

Hibùlù 2:4

Nyìngòŋ ə nè li tamə nchwisə nyʉ̀ ə kaynəvə, to a tənkì a tənkì, ə be ku kəku a viʼi ando ghə̀ kòŋ chò fa kəzhwì kə Ŋwoʼkə ə diʼ la ntɨm a ghèn ne diʼ to no nəmwèʼè.

Hibùlù 4:2

Vəghəŋ sə diʼ mù və zhʉ li ntɨm ə jùŋ to ndə̀ŋndəŋ ando vətiʼ və vəghəŋ ə nzhʉ a nse zɨm. Vəwenə ə nzhʉ no tèbè ali, kò ghə̀ lə gyamtə vəwenə byìʼì ando vəwenə ə nzhʉ ko və lu byɨmə.

1 Bità 1:25

ali kənyʉ̀ kə Nyìngòŋ kə diʼ mù kə faŋ li to nəmwèʼè.” Na ken kə diʼ ntɨm ə jùŋ yì a və nshə̀ʼtə̀ a ghə̀ŋ.

1 Bità 4:6

A le kənyʉ̀ ki a və ə nboŋ shə̀ʼtə̀ ntɨm ə jùŋ no tèbè a viʼi vyi a və pfʉkə li. Nyìngòŋ ə nsə diʼ mu ghə̀ ə soʼ li vəwenə achʉʼ a vəwenə nbo tsì a kətsoʼ kə wèn to ndə̀ŋndəŋ ando ghə̀ nsoʼ viʼi və tsèm. Və nshə̀ʼtə̀ ntɨm ə jùŋ nà ghèn a vəwenə ndiʼ vəwenə ntsi a kəzhwì to ando Nyìngòŋ ə kəŋ.

Kəmwetə 5:11

Mà bè sə ki ə̀ yèn ə ntsɨ̀ŋsə ngə̀ŋ ə̀ Nyìngòŋ və taŋə lè, ando sə tɨmə̀ ə̀ kaʼ kəfwon kì əboʼsə nə̀ ə̀fo zhwisəvə vi bènə̀ vəchəʼ vi.