Yuörö 7:3 - Bibilia Buk na Ŋun nagon koti luŋu a

³ Ama a nan mo togo ’yi töili lo Paro; nyena ma ’di ködyö nan a tuŋdijö kweyesi kwe se ko sörösi kwe i jur lo Ejipeto,

Yuörö 7:3 ပူးပေါင်းရင်းမြစ်များ

Nemaya 9:10

a do aje konakiŋdya Paro ko kölipönök kanyit lio, ko ŋuto liŋ ti lu jur kweyesi ko sörösi, kogwon do a den adi lepeŋat a konakiŋdya merenyejin kaŋ a kaŋajin; a karin kunök iŋge kuön tojo ko lo lor.

Saumajin 135:9

Nye a sunyukindyö Paro se ko köliŋönök kanyit liŋ kweyesi ko sörösi Ejipeto yu.

Saumajin 78:12

A nye kondi kulya sörösi i kak na Sowan, na gwon i jur lo Ejipeto a merenyejin kase memeddya.

Yuörö 11:10

A Mose ko Arona iŋge koŋdya kine sörösi liŋ ko Paro i komor; kölumbö a MATAT togo ’yi töili lo Paro, a nye tine kölörö Ŋutu ti Yisaraele kaŋo kanyit i jur.

Yuörö 11:9

A MATAT kulyani ko Mose adi, Paro mo ti ’bön yiŋga ta; anyen sörösi kwe böŋö ŋöŋdi i jur lo Ejipeto.

Yuörö 14:4

A nan mo togo ’yi töili lo Paro, a nye mo kepoddi but nase, a nan mo te ’yi Paro se ko teŋ na kamörök kanyit liŋ a nan mo ryekiŋdye mugun bulet; a Ŋutu ti Ejipeto mo dene den adi nan logon a MATAT. A Ŋutu ti Yisaraele iŋge koŋdya gwoso na saraki ’e se nu.

Yuörö 3:20

A nan mo riöddi könin lio i gwuddyö na Ejipeto ko ŋo kwe lio sorosi nagon nan mo konakin kase kiden kune; a kirut nye mo kölöddi ta.

Yuörö 4:21

A MATAT kulyani ko Mose adi, Ko do a yitö Ejipeto yu, meddi ’bura adi do kökon kine sörösi lio ko Paro i komor nagon nan a tiŋdu konut i könin kune; ama nan lepeŋ mo togo ’yu töili lonyit a nye mo tine kölöddu kilo Ŋutu.

Yuörö 4:29

A Mose ko Arona iti tu a momoruŋdye temejik liŋ ti Ŋutu ti Yisaraele i pirit na geleŋ.

Yuörö 4:7

A MATAT kulyani adi, Köti suki könin ilot konut i kuku ’di. A nye sukiŋdye könin lonyit Köti kanyit i kuku ’di, a nye ko ’dutuŋdye lepeŋ kaŋo kanyit i kuku ’di, mete, a nye aje yitöki a lo ’but gwoso mugun nanyit liŋ.

Yuörö 7:13

Ama töili lo Paro nyuŋ gwon a iŋgo, a nye tine yiŋ se kwoŋ gwoso na kulyari MATAT nu.

Yuörö 9:16

ama ko ŋina kwe nan aje kolökin do i gwon jörun, anyen kwekiŋdya do riŋit nio, anyen karin kwe böŋö totokuöji i kak ’bukuluŋ.

Tolupesi 21:1

Toili lo mor gwon ko MATAT i könin gwoso kikolin ti pioŋ i melesen; a nye lopuköddi lepeŋ i pirit nagon nye ’de ’deggi gwoso pioŋ na ’bulöki i melesen.

Yisaya 51:9

Do könin lo MATAT, purwene purwe, purwene gwoso ŋuto ko jupukiŋdye riŋit, purwene, gwoso na koŋdi do i perok ti nyakwariat ti köju ’beron kulu. ’Bayin, a do lo totoŋgu Raba i tuore i le, ko a rembu lu kitun?

Mika 7:15

Kwekiŋdye yi ŋo sorosi gwoso i perok lo pöri do kapo i jur lo Ejipeto.

Yoane 4:48

A Yesu kulyani ko lepeŋ adi, Ta kwöŋ ti yubbö ake ko ta a meddya kweyesi se ko sörösi.

Konesi 2:22

Ta ŋutu ti Yisaraele, yiŋge ta kulo kulyaesi, adi Yesu lo Najareta a ŋuto logon Ŋun a ruk kasu i komor lo, a iŋge tiŋdu lepeŋ i koŋdya na ŋo temejik, ko sörösi, se ko kweyesi kasu kiden. Ta ko ’börik kasu a den kine kulya.

Konesi 7:36

a ŋilo Mose nyömoddi ŋutu kaŋ kaŋo i Ejipeto, a koŋdi sörösi ko kweyesi i Ejipeto ko i Tör Nator se ko i yobu ko kipajin merya iŋwan.

Roma 15:19

i riŋit na kweyesi ko na sörösi, se ko i riŋit na Mulökötyo Loke. Nyenagon nan a tutuŋgö tokujö Loŋe Lo ’but lo Kristo suluja Yerusalema a loraddi tojo ko Iluriko.

Roma 9:18

Nyena ko Ŋun a wakun i yatakiŋdya na ŋuto a nye yatakiŋdye yatakiŋdya, a ko lepeŋ ’de ’dekan togo ’yu töili lo ŋuto anyen gwon ti twöju a nye togo ’yi togo ’yu.

Nyökit 4:34

Kode lele ŋun ’beron a möŋu tu i riŋaddu na lele jur a lonyit i kiden na jur lele ko möriesi, ko kwe-yesi, ko tusörösi, ko ŋor, ko könin iŋgo lo riöji, se ko tokujönöesi temejik, gwoso i ŋo liŋ nagoŋ MATAT ŋun losu aje konakin ta Ejipeto kasu i metet nu le?

Nyökit 7:19

A ta yiyiuŋdye kunu moriesi temejik nagoŋ ta a met ko konyen kasu, ko kweyesi, ko tusorosi nagoŋ MATAT Ŋun losu a toyuuŋdyo ta kaŋo ko se ko könin iŋgo lo rioji; a MATAT Ŋun losu mo konakiŋdye gweyajin liŋ ti ŋutu sona koti logon ta kukujoŋori kilo.