Yuörö 6:4 - Bibilia Buk na Ŋun nagon koti luŋu a

⁴ A nan Köti togwi ’dikiŋdye tomoret nio ko se i tiŋdu na lepeŋat jur lo Kanana a lose, kweja adi ŋilu jur logon lepeŋat si ’da kata a lepelok lu.

Yuörö 6:4 ပူးပေါင်းရင်းမြစ်များ

Suluet 12:7

a MATAT puköki ko Abarama, a kulyani adi, Nan titin nyakwariat kulök lo jur. A Abarama dipakiŋdye MATAT ’yuret na rubaŋgajin nyu, ŋilo a MATAT logon a pukökin ko lepeŋ lo.

Suluet 15:13

A MATAT kulyani ko Abarama adi, Dene den ’diri adi nyakwariat kulök mo gwon a lwaka i jur logon a leŋe lose, a se mo gwe a ’dupi nyu, a kilu Ŋutu mo sasaŋdi se ko kiŋajin miajin Iŋwan.

Suluet 15:18

A i ŋilu lor, a MATAT teteŋdi tomoret ko Abarama, a kulyani adi, Nan a tiŋdu nyakwariat kulok ŋilo jur suluja i kare lo Ejipeto tojo ko kare duma logon a kare Perat,

Suluet 17:13

Iŋkoi, ŋwajik logon a yuŋwe kasu i ’baŋin kode ta a gwörun se ko gurut kasu kilo mo tatawero. Nyena a tomoret nio mo gwe kasu i mugunya sona a tomoret na yeŋ nyin.

Suluet 17:4

Mete, na a tomoret nio nagon nan lo teteŋdya ko do i pirit na geleŋ, a do mo gwe a monye lo jurön jore.

Suluet 23:4

Nan gwon a lwakatyo lo si ’da kasu kiden ko diŋit a na ’dit; koraki ta nan pirit nuket a nio, anyen nan ködyö ’de ’yi öpu nio na an nan nyuŋ memeddya nye.

Suluet 26:3

Si ’dani i lo jur, a nan mo gwe ko do, a mo ’boroji do; kogwon nan mo tiŋdu do kilo juron liŋ a kulök ko i nyakwariat kulök, a nan mo togwi ’dikiŋdye milye go logon nan a milyekin monye ilot Abarayama lo.

Suluet 26:4

A nan mo tuŋdije nyakwariat kulök gwoso kaser ti ki, a mo tiŋdi nyakwariat kulok kilo jurön liŋ; nyena a gweyajin liŋti kak mo mo ’yi nan i ’boroja na se gwoso na ’boroji nan nyakwariat kulok na.

Suluet 28:13

Mete, a MATAT gwo ’de gwo ’dan kanyit nyona, a kulyani adi, Nan a MATAT Ŋun lo munyi Abarayama, ko a Ŋun lo Yisaka; nan mo titikin do se ko nyakwariat kulök kak nagon do a piriki kata ŋina;

Suluet 28:4

Ti nye tiŋdi do ’boriet nagon nye a ’boroji Abarayama na, do se ko nyakwariat kulök i pirit na geleŋ, anyen do morga jur logon do si ’da kata lu a lomore ilot, ŋilu a jur logon Ŋun köju a tikin Abarayama lu.

Suluet 6:18

Ama nan mo tetenakin do tomoret niŋ nagon gwo ’dan go; a do mo lupöni i ki ’bo, do se ko ŋwajik kulök, ko nara kwan inot, se ko wate ti ŋwajik kulök.

2 Samuele 23:5

’Diri kötumit nio gwon sona ko Ŋun i swöt. Kogwon lepeŋ aje milyekiŋdyö nan tomoret na yeŋ nyin, nagon jojo i po liŋ ko a gwo ’dan ŋina a lwökit nio liŋ ko a ŋo nagon nan ’de ’dekan.

Saumajin 105:11

kulya adi, Nan mo tikindya do jur lo Kanana a swöt ilot lomore.

Saumajin 105:12

I nu diŋit lepeŋat gwon a ŋutu ku ’dik i lu jur, iŋkoi, se ku ’dik parik ko a lwaka.

Yuörö 13:4

I lo lor i yapa Abiba, ta de yuyuörö.

Yuörö 13:5

A ko gwe sona nagon MATAT aje tolupödöu ta i jur logon nye a milyekin tiŋdu merenyejin kasu lo a ta kodyo yeŋe koŋdya ŋilo rorwe i lo yapa. ŋilo a jur logon ’dokon a le ko a siwatat, logon a lo Ŋutu ti Kanana, ko a lo Ŋutu ti Kiti, ko a lo Ŋutu ti Amori, ko a lo Ŋutu ti Kiwi, ko a lo Ŋutu ti Yebusi.

Yuörö 6:8

A nan mo tolupödöi ta i ŋilu jur logon nan a ’doggu könin lio ki i milyekiŋdyo tiŋdu Abarayama, ko Yisaka, se ko Yakobo lu; a nan mo tiŋdi ta ŋilu jur a lomore losu. Nan logon a MATAT.

Yisaya 55:3

Togwo ’yi ta swö kasu ko poŋdi ta köyö ni; yiŋge ta nan, anyen ta böŋö ruru; a nan mo teteŋdi tomoret na yeŋ nyin ko ta, i nyaŋu na ta ko to ’diri gwoso na nyaŋi nan Dawidi köju nu.

Kenet 10:29

A Mose kulyani ko Obaba ŋuro lo Ruele, ŋuto lo Midiyan, ŋogwo lonyit adi, Yi kulo yuörö tojo ko nu pirit nagoŋ MATAT a jambu kulya kanyit adi nye mo titin yi na; moraddi koyi, a yi mo konakiŋdye do ’bura; kogwon MATAT a jambu ŋo na ’but i kulya ti Yisaraele.

Konesi 7:5

nyena a nye gwe a ko tikin lepeŋ lele swöt a lomore lonyit, ’bayin ma ’di a na ’dit nagon ŋuto tanyakiŋdye moköt nyin, ama nye a milyekin tiŋdu lepeŋ lo jur anyen gwon a lonyit se ko nyakwariat kanyit lo po kanyit i mukök kulo, ma ’di nagon nye ’bak ŋuro i nu diŋit.