Yuörö 5:4 - Bibilia Buk na Ŋun nagon koti luŋu a

⁴ Nyena a mor lo Ejipeto pipije lepeŋat adi, Do Mose ko Arona, ko nyo nagon ta joŋga Ŋutu kaŋo kase i kitajin? Iti ta i kita nasu na pömöni.

Yuörö 5:4 ပူးပေါင်းရင်းမြစ်များ

Yuörö 1:11

Nye-nagon a se tiŋdi Ŋutu i tokitaju na Ŋutu ti Yisaraele i yöyöŋgu na se i yegga na ŋo na pömöni. A Ŋutu ti Yisaraele ’dukökiŋdye Paro köjinö ’delesi ti tito; kine köjinö a ko Pitom se ko Ramasese.

Yuörö 2:11

A ko gwe sona i lele lor nagon Mose aje ’duŋö a duma nu, a nye iti ko luŋasirik kanyit yu, a nye meddi lepeŋat i koŋdya na kita na pömöni. A nye meddi Ejipetotyo i gwuddyo na Eberetyo lele lo Ŋutu kanyit.

Yuörö 6:5

Köti nan lepeŋ aje yiŋ wiwinyesi ti Ŋutu ti Yisaraele logon Ŋutu ti Ejipeto a ri ’dikin a ’dupi kulo, a nan iŋge yiyiuŋdyö tomoret nio.

Yeremia 38:4

A kirut temejik kulyani ko mor adi, Ti lo ŋuto tatuani tatua, kogwon lepeŋ tiŋdu kamörök logon a pituŋdyö i na köji kulo se ko ŋutu liŋ i gwon a lomunyak, na jamakiŋdye nye lepeŋat kulyaesi gwoso kilo nu. Kogwon lo ŋuto ti ga ’yu gwolor na ’but na kulo ŋutu ama ’dek köŋu lepeŋat.

Amosa 7:10

A kirut koane Amajia lo gwon Betele sunyukiŋdye Yerobama mor lo Yisaraele lore adi, Amosa ga ’yu mwon ko do i kiden na kotumit na Yisaraele; a jur tine ’bön ŋoŋga kulyaesi kanyit liŋ.

Luka 23:2

a lepeŋat suluje pökiŋdyö lepeŋ adi, Yi a ryö lo ŋuto i tulyaŋgu na jur likaŋ, teteŋgu ŋutu i ropakiŋdya na Kaisar usur, köti kulya adi nye ko mugun nanyit a Masia logon a mor.

Konesi 24:5

Kogwon yi a ryö ŋilo ŋuto a twanti loron ko a katopiyunit lo kulya i kiden na Yudayaki liŋ i kak ’bukuluŋ, ko a kwe na kulya lo lapet na ŋutu ti Najareta.