Yuörö 27:3 - Bibilia Buk na Ŋun nagon koti luŋu a

³ A do teteŋdi yekesi kanyit ti kurök, ko korekan kanyit, ko kalabajin kanyit, ko sowesi kanyit ti lokore, ko ta ’doka kanyit; do ködyö teteŋdya kine tito kanyit liŋ ko mölwö.

Yuörö 27:3 ပူးပေါင်းရင်းမြစ်များ

1 Moran 7:45

A kilo toro ’bo liŋ ti kadi na MATAT logon Kiram a tetenakin mor Solomona, gwoso yekesi ti kurök, ko korekan ko kalabajin a tetena ko mölwö na jeya.

2 Dekat 4:16

ko yekesi ti kurök, ko korekan se ko sowesi ti lokore. Kinu tito liŋ a tetena ko mölwö na jeya, nagon Kuram-abi a tetenakin mor Solomona a ti kadi na MATAT.

2 Dekat 4:11

A Kuram köti teteŋdi yekesi ti kurök, ko korekan, ko kalabajin. Nyena a Kuram tutuŋge kitajin nagon nye a kitakin mor Solomona i kadi na Ŋun kune.

1 Dekat 28:17

ko dakap nake nagon tetena a sowesi ti lokore, ko kalabajin, ko diköriöt; ko temet na dakap nagon tetena a kalabajin na ’di ’dik, ko temet na pödö nagon tetena a kalabajin na ’di ’dik;

2 Moran 25:15

A duma lo katiyuk joŋgi ta ’do-ka se ko kalabajin, kweja adi ŋo liŋ nagon a tetena ko dakap ko ŋo liŋ nagon a tetena ko pödö kune.

1 Moran 7:40

A Kiram köti teteŋdi yekesi ti kurök, ko korekan ko kalabajin. Nyena a Kiram tutuŋge kitajin liŋ nagon nye a kitakin mor Solomona i kadi na MATAT kune.

Kenet 4:14

a se ködyö tiŋdi kanyit loki tito liŋ na kitarikin i nu pirit ’yuret, nagon a ta ’doka, ko sowesi kanyit ti lokore, ko korekan, ko kalabajin, iŋkoi tito liŋ ti pirit ’yuret na rubaŋgajin; a se petakiŋdye kanyit loki muket nagon a gobero ti kijakwa lo si ’da i pioŋ kata kulo, a ködyö sukiŋdye turya lo ’dököri lepeŋ kulo nyin.

Lewi 16:12

A nye ködyö ’dumuŋdye ta ’dök a jore ko kuk ti kimaŋ na jwe i pirit ’yuret na rubaŋgajin ko MATAT i komor, se ko könisi murek ti bökur lo mon paleleŋ logon a ŋaŋayaka a lo ’di’dik; a lepeŋ joŋgi nina ta ’dök i lukata na boŋgo koret

Yuörö 38:3

A nye teteŋdi tito liŋ ti pirit ’yuret na rubaŋgajin ko mölwö, kweja adi yekesi kanyit ti kurök, ko korekan kanyit, ko kalabajin kanyit, ko sowesi kanyit ti lokore, ko ta ’doka kanyit.

Yuörö 24:6

A Mose ’dumuŋdye kunie rima a tiŋdi i kalabajin, a gwa-gwaddi pirit ’yuret na rubaŋgajin ko kunie rima na pituŋdyö kune.

Yuörö 27:2

A do tetenakiŋdye lepeŋ oŋgwora i goŋesi kanyit Iŋwan; a oŋgwora kanyit ködyö gwe a ŋo geleŋ ko lepeŋ, a do muluje lepeŋ ko mölwö.

Yuörö 27:4

A do tetenakiŋdye lepeŋ keyekeye nagon a mölwö; a do nitökiŋdye i nu keyekeye re Iŋwan nagon a mölwö i goŋesi kanyit Iŋwan.

1 Moran 7:50

ko diköriöt, ko walya, ko kalabajin, ko ’yulukutan ti bökur, ko ta ’doka. Kine liŋ a tetena ko dakap nake. A nye teteŋdi tomoresi ti kötumitön ko dakap a ti nu kadi na lukata nagon a pirit nake na rurwan na totopuŋdya, ko ti kötumitön ti kadi najo na kadi na MATAT.

2 Moran 25:14

A se joŋgi yekes ’i ti kurök, ko korekan, ko walya, ko ’yulukutan ti bökur, se ko toro ’bo liŋ logon a tetena ko mölwö, logon a kitarikin i kita na kadi na MATAT kulo.

Yuörö 27:19

a tito kitaesi ti kemia na kitarikin ŋo liŋ, ko kaleto kanyit liŋ, se ko kaleto liŋ ti mariŋ gwe a mölwö.