Yuörö 23:3 - Bibilia Buk na Ŋun nagon koti luŋu a

³ Do ködyö ti nyunyumbö ŋuto lomeri i ’dupökiŋdyö na putet lonyit gwogwo.

Yuörö 23:3 ပူးပေါင်းရင်းမြစ်များ

Yuörö 23:6

Do ködyö ti tukwölöŋgu i ’duŋgö na putet lo ŋuto losu logon a lomeri.

Tolupesi 18:5

’Bayin a na ’but i nyaŋu na ŋuto loron, kode i ’duŋökindyö na putet lo ŋuto lo rigwo arabat.

Tolupesi 22:22

An do ko ryaggu ŋuto lomeri, kogwon nye a lomeri, ko ri ’dikindya ŋutu lo sasanya kak i pirit jamet na putesi;

Yisaya 10:1

Wöidiö, ta logon teteŋdya saresi lukwölöŋök, ko ta kawurök logon wuwurujö rudesi,

Lewi 19:15

Do ködyö ti tukwölöŋgu i ’duŋgö na putet; do ködyö ti nyaŋu ŋuto lomeri kode bu ’ya ŋuto duma, ama do ködyö ’duŋgö kulya ti marate ilot ko torigwo.

Amosa 5:12

Kogwon nan MATAT deden toronjin kasu na kona aka ko se muda, nan deden lyaŋesi kasu jore parik— ta logon sasaŋdu ŋutu logon ’bak kulya, a ta wuji ŋo nagon ropaki a Iwon, a dukaddi ŋutu lo yoŋo ŋo kulo a swot i pirit na putet.

Nyökit 1:17

Ta ködyö ti gwon a kanyunyumök ti ŋutu i ’duŋgö na putesi; ta ködyö yiŋga ŋutu lo ’di ’dik ko ŋutu dumalak liŋ jojo; a ta tine kujönö komŋo na ŋutu, kogwon ’duŋgö na putet a na Ŋun; a ta ködyö joŋdi köyö ni putesi logon ta ryö a iŋgo parik i ’duŋökiŋdyö, a nan mo lilije se.

Nyökit 16:19

Ta ködyö ti tukwölöŋgu i ’duŋgo na putet; a ta tine gwon a kanyunyumok ti ŋutu; a ta ködyö tine wuju ’dokesi na ropaki a lwon; kogwon kine ŋo tomo ’dokeju konyen ti ŋutu logon a lokoŋ, a togiŋe putet lo ŋuto lo rigwo.

Yakobo 3:17

Ama koŋon na po ki yu na, a kokwe a nake, lepeŋ a na taliŋ, ko a nakoyok. Ŋina koŋon tiŋdu ŋutu i yiŋga na yeyeesi ti kulye Ŋuto; lepeŋ a jore ko yatet, a rade ludweki lo ’but, lepeŋ ti nyunyumbö ŋutu, ko ti mumuluŋga.