Yuörö 17:7 - Bibilia Buk na Ŋun nagon koti luŋu a

⁷ A nye gwije nu pirit a Masa, Köti a Meriba, kogwon kulya ti woŋon na Ŋutu ti Yisaraele, Köti kogwon se a möŋu MATAT pija adi, MATAT gwon kayaŋ kiden le kode ’bayin?

Yuörö 17:7 ပူးပေါင်းရင်းမြစ်များ

Saumajin 81:7

Ta a luŋgu nan na gwondi ta i nagusu nu, nyenagon a nan lwökundye ta kaŋo; a nan ruŋge ta ko kipya lo ki köyö i ŋirit na mumuk; a nan iŋge möŋu ta i lelekesi ti Meriba.

Saumajin 95:8

An ta ko togo ’yu ta töilyet kasu gwoso i Meriba yu, ko gwoso i lu lor Masa yu i yöbu na sese,

Kenet 20:13

Kine a pioŋ ti Meriba, pirit nagoŋ ŋutu ti Yisaraele a rerenyari ko MATAT nu, a nye iŋge kweja mugun a loke kase kiden.

Nyökit 9:22

A ta towopi MATAT köti Tabera yu, ko Masa, ko Kibirot-atawa.

Yuörö 17:2

Nyena a Ŋutu kulo woŋe ko Mose adi, Tiŋdi yi pioŋ anyen yi mamat. A Mose pipije se adi, Nyö ta woŋon ko nan? Nyö ta möŋu MATAT?

Kenet 20:24

Arona mo nukaki ko merenyejin kanyit i merete, a nye mo tine lupö i lu jur logon nan a tin ŋutu ti Yisaraele lu, kogwon ta a renya saret liŋ i pioŋ ti Meriba.

Yoane 1:14

A Kulyaet lo worani a ŋuto, a mönuŋdye kayaŋ kiden, a yi meddi kwelen nanyit, kwelen gwoso ŋuro pilili lo Monye, a jore ko ’busan na nyaŋu se ko to ’diri.

Mika 3:11

Ŋutu kanyit temejik ’duŋgo putesi ko ŋo na ropaki a Iwon, a koanejin todiŋdye ko ropesi, a nebijin koŋdi to ’bunun ko gurut; ama se toggu ’borik ko MATAT, a pipije adi, MATAT gwon kayaŋ kiden, ’bayin sona le? ŋo naron ’bayin nagon pokin kayaŋ loki.

Yisaya 12:6

Ta lo si ’da Siona kulo, maraŋgi ta ko gwililije ta kogwon lyöŋön, kogwon Ŋilu Loke lo Yisaraele a duma kasu kiden.

Yosua 22:31

A Pinasa ŋuro lo koane Elejara kulyani ko ŋutu ti Rubena ko ŋutu ti Gada, se ko ti Manase kulo adi, I lo lor yi a den adi MATAT gwon kayaŋ kiden, kogwon ta a ko konakin MATAT ŋina toron: nyena so pinana ta aje lwöku-ŋdyö ŋutu ti Yisaraele kaŋo ko MATAT i könin.

Nyökit 31:17

A kirut woran nio mo tuleki i se i lu lor, a nan mo kö ’yi se, a mo ’de ’yi komor nio ko se, a se mo tukarani tukara; a ŋo narok jore se ko yöyöŋesi mo ryeji se, a se mo pije i ŋilu lor adi, Kine ŋo narok a ryeju yi kogwon Ŋun likaŋ ’bayin kayaŋ kiden le?

Yuörö 34:9

A nye kulyani adi, ŋon MATAT, ko ködyö soŋinana nan a ryö ’busan konut i komor, böŋö ti do MATAT moraddi koyi, ma ’di nagon se a Ŋutu logon ko murutö a nawo ’duŋak. Ti do böŋö pitökiŋdye yi i lyaŋesi kaŋ ko i toron nikaŋ, ko wuji yi a Ŋutu kulök lomore.

Kenet 14:22

kulu ŋutu liŋ logon a met minyo liŋ, ko kweyesi kwe na kon nan Ejipeto ko i yöbu yu kunu, logon a temba nan daŋin puök a gwe a ko yiŋ gworo liŋ kilo,

Kenet 27:14

kogwon ta aje renya kulyaet liŋ i yöbu na Sin i diŋit na woggi momoret nu, adi ta ködyö a geluŋdya nan a loke kase i konyen. (Kine a pioŋ ti Meriba na Kadesa i yöbu na Sin)

Nyökit 6:16

Ta ködyö ti möŋu MATAT Ŋun losu gwoso na möŋi ta lepeŋ Masa nu.

Nyökit 33:8

A nye jambi i kulya ti Lewi adi, Tumim se ko Urim kunök a tiki katwöyönit ilot, logon do aje möŋu Masa yu lo, logon do aje woŋgi i lelekesi ti pioŋ ti Meriba lu;

Saumajin 78:18

A se möŋi Ŋun kase i töilyet, i pipija na kinyo lose lo nyenyei logon se yöyöpöri parik lo.

Saumajin 81:8

Ta ŋutu kwe, yiŋge ta, a nan de jujuje ta; a, ŋon ŋutu ti Yisaraele, ko ta ködyö bubulö yiŋga nan!

Saumajin 106:32

Kilo ŋutu a towoŋa Ŋun i lele-kesi ti pioŋ Meriba yu, a kulya ti Mose worani a narok kogwon kulya kase.