Yuörö 14:9 - Bibilia Buk na Ŋun nagon koti luŋu a

⁹ A Ŋutu ti Ejipeto, kweja adi arabiajin liŋ ti Paro lo jikö ko kusanjin, ko kamörök lo wörö ko kusanjin, ko lo wörö ko mok kulo ’demeji se, a ryeji se a ’beggu mera nase nyona ko tör na ’balaŋ, diŋö ko Piakirot, komorga Bala-sepon.

Yuörö 14:9 ပူးပေါင်းရင်းမြစ်များ

Yuörö 15:9

A miriku kulyani adi, Nan de ’demeja lepeŋat, a nan de woggi se, a nan de koŋi ŋo na ryaryakwe, a nan de toyimönöji ’dekesi kwe ko se. Nan de ’du ’dutun baŋdu lio kaŋo, a nan de tatuje se.

Yosua 24:6

A nan toyuuŋdye merenyejin kasu kaŋo Ejipeto yu; a ta ’duröki i tör na ’bala ŋ; a ŋutu ti Ejipeto kipuŋdye merenyejin kasu ko arabiajin lo jijikö se ko ŋutu ti kusanjin tojo ko Tör Nator.

Yuörö 14:2

jamaki Ŋutu ti Yisaraele adi ti se yitwene bot anyen ’beggu mera nase i komor na Piakirot, i kiden na Migedola se ko tör na ’balaŋ, i komor na Bala-sepon; kweja adi ta ködyö ’beggu mera nasu komorga lepeŋ diŋö ko tör na ’balaŋ.

Yuörö 13:18

Ama a ŋun togiraddi se i kiko lo tiri yöbu i swöt lo Tör Nator. A Ŋutu ti Yisaraele lupödöi kaŋo i jur lo Ejipeto a jupu tito möriesi.

Kenet 33:7

A se ŋiörö kaŋo Etam, a löpuköni bot tojo ko Piakirot na gwon i swöt lo ’yure lo Bala-sepon yu; a se mönuŋdye i komor na Migedola.