Yuörö 13:9 - Bibilia Buk na Ŋun nagon koti luŋu a

⁹ A ŋina gwe gwoso kweyet konut i könin, ko a toyeyeet i kiden na konyen kulök, anyen saret lo MATAT böŋö gwolor konut i kutuk; kogwon MATAT a joŋga do kaŋo Ejipeto yu ko könin iŋgo.

Yuörö 13:9 ပူးပေါင်းရင်းမြစ်များ

Nemaya 1:10

Kilo a kölipönök kulök ko a ŋutu kulök logon do a lwökuŋdyö ko riŋit inot duma ko könin ilot iŋgo.

Saumajin 136:11

Nye a wusaddu ŋutu ti Yisaraele kaŋo kase kiden, kogwon nyaŋu nanyit ti ’duddyö kwöŋ;

Saumajin 136:12

nye a wusaddu se ko könin iŋgo lo riöji, kogwon nyaŋu nanyit ti ’duddyö kwöŋ.

Saumajin 89:13

Do gwon ko könin lo riŋit, könin ilot a iŋgo, könin ilot lutaten kikita parik.

Yuörö 12:14

A ta ködyö ’debbi ŋilo lor a toyeyeet, logon ta konakiŋdye MATAT rorwe; a ta ’debbi lepeŋ tojo i nyakwariat kasu liŋ a saret ŋupi lo wurö.

Yuörö 12:41

a ko gwe sona i ’dutet na kaŋajin miajin Iŋwan ko merya musala, i ŋilu lor gwak a lodirön lio ti MATAT Yuörö kaŋo i jur lo Ejipeto.

Yuörö 13:14

A i diŋit na molu nagon ŋuro ilot pija do adi, Kine kulya kweja nyo? a do mo waddi lepeŋ adi, Nan koŋdya sona kogwon MATAT a joŋga yi kaŋo Ejipeto i pirit na to ’dupien yu ko riŋit na könin lonyit iŋgo.

Yuörö 13:16

Nyena a ŋina mo gwe gwoso kweyet konut i könin, ko gwoso rikiji logon a dukuki konut i komor; kogwon MATAT aje joŋga yi kaŋo Ejipeto yu ko könin iŋgo.

Yuörö 13:3

A Mose takiŋdye Ŋutu adi, Yeyene ta yeye lo lor lo yuuŋdye ta kaŋo i Ejipeto i pirit na to ’dupien nu, kogwon MATAT aje joŋga ta kaŋo i na pirit ko riŋit na könin iŋgo. Ta kodyo ti nyesu ambata nagon ko kape.

Yuörö 3:20

A nan mo riöddi könin lio i gwuddyö na Ejipeto ko ŋo kwe lio sorosi nagon nan mo konakin kase kiden kune; a kirut nye mo kölöddi ta.

Yuörö 7:4

a Paro mo tine ’bön yiŋga ta, a kirut nan mo tanyakiŋdye könin lio ko Ejipeto loki, a nan mo joŋdi lödirön kwe kaŋo, iŋkoi, nan mo jojon Ŋutu kwe logon a nyakwariat ti Yisaraele kaŋo i jur lo Ejipeto ko konesi temejik ’duŋesi ti putet.

Tolupesi 1:9

kogwon kine ŋo gwon a Iŋguya lokwekwelen konut i kwe, ko a jibi ilot lo murut.

Tolupesi 3:21

Ŋuro lio, ’depe go yeyeesi nakoŋ se ko totolok, an do ko koloro se kaŋo konut i komor,

Tolupesi 7:23

tojo lowe a kek lepeŋ i munyet, ko gwoso kwenti na ’da ’daaddu ’de ’de i patala lokesi, a gwe a ko den adi nye tolikindyö ru nanyit.

Koli Lo ’but Parik 8:6

Tiki nan konut i toili gwoso reyat inot lomore joket na liliki i murut, gwoso reyat inot lomore joket na rusuki i kidi; kogwon nyaŋu gwon ko riŋit gwoso twan, a yinö gwe a kaŋa gwoso gulöm. A ŋina yinö ŋoroddi kaŋo gwoso ŋedepa ti kimaŋ lo tule ko riŋit.

Yisaya 27:1

ŋilu lor a MATAT mo riŋge ŋilo Kijakutat duma logon a munu kawöwökönit, ŋilo Kijakutat logon a miinu kanininanit lo mugun, a nye mo riŋge lepeŋ ko tukaŋan na baŋdu lonyit duma ko a iŋgo, a nye mo tatuje kitun lo gwon i tör lu.

Yisaya 40:10

Meddi ta, MATAT Ŋun popo ko riŋit, a könin lonyit ’debbi tumatyan; meddi ta, nye popo baruŋdya ropet nagon nye rorobbi, a ropet na kita gwe kanyit i komor.

Yisaya 44:5

A ŋilo ŋuto mo kulyani adi, Nan a lo MATAT; a ŋilo ŋuto mo luŋgi mugun ko karin ti Yakobo, a lele ŋuto mo wuŋe kanyit i könin adi nye a lo MATAT, a mo ’ya ’yi karin kanyit ko karin ti Yisaraele.

Yisaya 49:16

Meddi, nan aje gigirikin do i ’dapan ti könisi kwe; goroma kasu ti köji ŋupi gwon köyö i komor.

Yisaya 51:9

Do könin lo MATAT, purwene purwe, purwene gwoso ŋuto ko jupukiŋdye riŋit, purwene, gwoso na koŋdi do i perok ti nyakwariat ti köju ’beron kulu. ’Bayin, a do lo totoŋgu Raba i tuore i le, ko a rembu lu kitun?

Yisaya 59:21

Nyena nan MATAT lo kulya sona adi, Na a tomoret nio ko se, adi, Mulökötyo liŋ logon gwon kasu, ko kulyaesi kwe logon nan aje tiŋdu kasu i kutusen kulo, mo ti tu kaŋo kasu i kutusen, kode i kutusen ti ŋwajik kasu, kode i kutusen ti nyakwariat kasu, suluja i na diŋit teŋ ko ŋupi ŋupi. Ŋilo a kulyaet liŋ lo MATAT.

Yeremia 22:24

Nan MATAT lo kulya adi, ’Diri ’diri gwoso na gwoŋdi nan na, ma ’di ködyö do Konia ŋuro lo Yeyoyakim mor lo Yuda a gwon gwoso katimanti joket köyö i könin lutaten, nan mo rorosoro do kaŋo,

Daniele 9:15

Nyenagon pon MATAT Ŋun likaŋ, do köju a riŋuŋdya ŋutu kulök kaŋo i jur lo Ejipeto ko könin iŋgo, a karin kunök iŋge kuön tojo ko lo lor, ama soŋinana yi aje toroŋdya ko a koŋdya arabat.

Yoele 2:11

A MATAT maraŋgi ko gworo lonyit i ŋerot na ŋutu kanyit kamorok, kogwon teŋ nanyit na kamorok a duma parik, lepeŋ gwon ko riŋit a duma i koŋdya na kulya kanyit. Kogwon lor lo MATAT a duma ko kukujonorikin parik, ŋa logon jojo ŋoŋga ŋilu lor?

Kenet 15:39

a mo gwe kasu a swalya nagoŋ ta memet ko anyen yiyiuŋdye saresi liŋ ti MATAT, anyen ta kökon se, ko anyen ta gwon ti kepöddu ’dekesi ti töilyet kasu ko ti konyen kasu nagoŋ tiŋdu ta i bibiryetu gwoso ŋutu kalupök kune.

Matayo 23:5

Ŋo liŋ na kon se kine kona anyen ŋutu memet. Kogwon se teteŋdya rijikijin kase logon gwon ko kulyaesi ti Ŋun i lukata nase a dumalak parik, a teteŋdi boŋgwat kase ko swalya a lojo parik;

Roma 10:8

Ama lepeŋ a kulya ada? Lepeŋ a kulya adi, Ŋilo kulyaet gwon kasu nyona parik, nye gwon kasu i kutusen ko kasu i töilyet. (Kweja adi, ŋilo a kulyaet lo yupet logon yi tokujö nye lo.)

Nyökit 30:14

Ama kilo kulyaesi gwon kasu nyona parik, kasu i kutusen ko kasu i töilyet, anyen ta böŋö bubulö koŋdya lepeŋat.

Nyökit 5:15

Do ködyö yiyiuŋdyö adi do köju a gwon a ’dupiet i jur lo Ejipeto, a MATAT ŋun ilot aje toyuuŋdyö do kaŋo nyu ko könin iŋgo lo riöji, nyenagoŋ a MATAT ŋun ilot saŋi do i ’debba na lor lo sabata.

Nyökit 6:21

A do ködyö nyönyökökiŋdye ŋuro ilot adi, Yi köju a gwon a ’dupi ti Paro Ejipeto yu; a MATAT aje toyuuŋdyö yi kaŋo i Ejipeto ko könin iŋgo;

Nyökit 6:6

A kilo kulyaesi logon nan a sarakin do i lo lor kulo ködyö gwe konut i töili;

Nyökit 6:8

A do ködyö torakiŋdye se konut i könin a kweyet, a se gwe a ŋo na dukuki konut i komor i kiden na konyen kulök.

Kweyatti 18:8

Nyena ko ŋina kwe a twanakanyit logon a twanti iŋgo, ko delyaesi se ko dyaŋ kulo mo ’dukin ko lepeŋ ki i lor geleŋ; a lepeŋ mo ’yurani ’yura kokimaŋ adi kuyum; kogwon Matat Ŋun logon aje ’duŋgö putet lonyit adi nye anaron lo a lo riŋit.

Ka’duŋök 2:12

a se kö ’yi MATAT ŋun lo merenyejin kase, logon aje joŋdya se koŋo i jur lo Ejipeto lo, a lepeŋat kepoddi kulye ŋunyen, logon a ti gweyajin ti ŋutu lo gwon kase nyona kulo, a dulakine kak kase i komor i twoju na se; a se towoŋi MATAT.