Yuda 1:9 - Bibilia Buk na Ŋun nagon koti luŋu a

⁹ Ma ’di Mikaele duma lo malaikajin a ko momoröju. I diŋit na möröri nye ko Kaŋöönit, na rerenyari se i kulya ti öpu na Mose nu, lepeŋ a ko bu ’ya mugun i riŋga na Kaŋöönit ko kulyaesi momoresi, kolumbo lepeŋ tuŋ kulya adi, Ti Matat riŋge do.

Yuda 1:9 ပူးပေါင်းရင်းမြစ်များ

1 Dekat 12:17

A Dawidi iti kaŋo i rum ko lepeŋat a kulyani adi, Ko ta po köyö ni a julin anyen ko parakiŋdya nan, a nan de mori ko ta; ama ko ta a po i gubakiŋdya na nan i merok kwe, ma ’di ködyö nan a ko koŋdya nene ŋo naron, a ti Ŋun lo merenyejin kao meddi kine ŋo ko ti ripe ta.

Yuörö 22:28

Do ködyö ti lömbu ŋun, kode moru kasaranit lo Ŋutu kasu.

Daniele 10:13

Duma lo tumatyan na Parasa a pokin i mörö ko nan ko perok merya murek wot geleŋ, ama Mikaele lele lo temejik a po i parakiŋdya na nan. Nyena nan a kölokin lepeŋ ko duma lo tumatyan na Parasa yu,

Daniele 10:21

Ama nan de tatakin do ŋo nagon a wuröki i Buk na kulya ti To ’diri: kogwon lele ’bayin logon juŋdyö nan i mörö ko lepeŋat ake Mikaele duma losu lo juŋdyö nan.

Daniele 12:1

A i ŋinu diŋit a Mikaele mo lo ŋine, logon a duma ko a katiyunit lo ŋutu kulök. A diŋit na sasanyesi mo gwe kata nagon ’beron a ko nyuŋ meta temba na gwoŋdi ŋutu i na kak na tojo ko ŋinu diŋit; ama i nu diŋit ŋutu kulok mo lwölwökö, se liŋ geleŋ geleŋ logon karin kase a wuröki i buk kulo.

Jakaria 3:2

A MATAT kulyani ko Satani adi, Nan MATAT ririŋ do Satani! Nan MATAT logon aje wuluŋdyo Yerusalema lo ririŋ do! ŋilo ŋuto ti gwon a tukuyu na jekwe kaŋo i kimaŋ le?

Marako 15:29

A ŋutu logon lwöŋöddi nyona kulo ’dö ’döji lepeŋ, dodoŋga kusik kase, a kulyani adi, Aha! Do logon ’de ’dekan dukakiŋdya Kadi na Ŋun kak a ’duke ’duk nye i perok musala lo!

Nyökit 34:6

a MATAT nuŋge lepeŋ i loro i jur lo Moaba logon diraddu i swöt lo Bete-peor; ama lele ŋuto a ko den pirit na nukari lepeŋ nu tojo ko lo lor.

1 Tesalonike 4:16

Kogwon saret mo lalaiya, a gworo lo malaikatat duma mo yiŋani yiŋ, a buruŋ i lo Ŋun mo kutani kuta, a Matat ko mugun nanyit mo poŋdi kak ki yu. A Ŋutu logon a twakin ko Kristo i mugun kilo mo lo ŋine a kokwe;

1 Petero 3:9

Ko ropakiŋdya ta toron ko toron, ko ŋutu a moru ta ko ropakiŋdya ta se ko moru, ama kölumbö luŋgi ta ’boriet ko Ŋun kogwon kulya kase, kogwon ta aje luŋuki i kine kulya anyen ta böŋö wuju ’boriet.

2 Petero 2:11

Ama malaikajin logon lwölwöŋ kilo katodinok ’buronök i riŋit ko i kido kulo a ko joŋga se i putet ko Matat i komor ko momoröju.

Kweyatti 12:7

A kirut moro na ’duki ki yu; a Mikaele ko malaikajin kanyit moroni ko ŋilo kitun. A ŋilo kitun se ko malaikajin kanyit möröni mörö,