Yuda 1:6 - Bibilia Buk na Ŋun nagon koti luŋu a

⁶ Köti yeyeji ta malaikajin logon a ko yeŋon si ’da i tumatyan nagon a tiki se na, ama lepeŋat a kolökin pirit gwiliŋit nase, Ŋun a ’delakin se i mudwe logon adi ’dii a rereggi se ko toŋot lo yeŋ nyin, mordu lor duma logon ’duŋdki ’e se putet lu.

Yuda 1:6 ပူးပေါင်းရင်းမြစ်များ

Matayo 10:15

’Diri nan takiŋdya ta adi, i lor ’duŋet kulya ti jur lo Sodoma ko lo Gomora mo ’duŋöki pölilyö Iwolwöŋ ’duŋöki na kulya ti na köji.

Matayo 25:41

a kirut nan mo kulyani ko se lo gwon köyo i swöt lo kadoŋe kilo adi, Wuddye ta wuddya köyö i komor, ta ŋutu logon a senya. Iti ta i kimap na ti pepa, nagon aje tetenaki kapöönit se ko malaikajin kanyit nu;

Matayo 8:29

Mete, a se woŋe parik adi, Do Ŋuro lo Ŋun, do ’dek nyo kayaŋ? Do po ni i tomor na yi a kokwe nagon diŋit a ko nyuŋ temakiŋdya na?

Yoane 8:44

Munyi a ŋilu kaŋöönit, a ta koŋdi ŋo nagon munyi ’de ’dekan koŋdya. Suluja i suluet lepeŋ a katatuanit, a lepeŋ tine gwi ’dikin i to ’diri, kogwon lepeŋ ’bak to ’diri. Na jambi nye ’burönö na, a nye jambi gwoso na gwoŋdi nye a ’burönit na, kogwon nye a ’burönit ko a monye ’burönö liŋ.

Roma 2:5

Ama do a miŋe ti ’bon löpuggo töili. Nyenagon do a ’delakiŋdya mugun riŋet a duma i lor lo woran na Ŋun logon nye mo kweji ’duŋgo nanyit na rigwo lu.

Epeso 6:12

Kogwon yi ti moro ko merok logon a ŋutu, ama yi moro ko merok logon a teŋon ti muloko ti toron lo gwon ki yu i jur logon ti meta; kilo merok a kimak ko a kasarak ko a riŋiton lo joŋdya mudwe i na kak kilo.

Ebere 10:27

Ka ’de a yi möŋdi ko kujönö putet se ko kimao na pape nagon mo totumbö merok ti Ŋun.

2 Petero 2:4

Ŋun a ko kölökin malaikajin logon aje toroŋdya kulo, ama a gubaddi se kak yu i pirit riŋet, a ’de ’deleji lepeŋat i mudwe a rereka, momordu lor ’dupet lo putet.

2 Petero 2:9

Konesi kase nagon koŋu saret kune totomi toili lonyit lo rigwo perok liŋ.Matat deden ko nye lwokun ŋutu lo twoju nye kulo ada kase i möriesi. Lepeŋ deden ’de ’ya ŋutu lorok i pirit ririŋet tojo ko lor ’dupet lo putet,

Yuda 1:13

Lepeŋat gwoso yalajin ti tor logon ya ’yu ko riŋit, a kobuŋe konesi kase nagon toyuuŋdyo kwe gwoso na kobuŋe pioŋ a gwe a ko ŋuto na. Lepeŋat gwoso kaser logon woro abur, logon pirit nagon a mudwe adi ’dii a wuloki lepeŋat ŋupi ŋupi.

Kweyatti 20:10

A kaŋöönit lo togiŋa se lo iŋge gubaki i tör na kimaŋ ko na pisek nagon ŋilo gworoŋ se ko nebi ’burönit aje gubaki kata na, a se mo tomieni tomie ŋupi ŋupi ko tuparan ko tukwaje.

Kweyatti 20:2

A lepeŋ morgi ŋilo kitun logon gwe a munu lo ’beron, logon a Kaŋöönit ko a Satani lo, a rereggi lepeŋ kiŋajin aliŋ geleŋ.